ءاليحان سۇلتانمۇرات ۇلى 1975 جىلى دۇنيەگە كەلگەن. قازاق مەملەكەتتىك باسقارۋ اكادەمياسىنىڭ تۇلەگى. ەڭبەك جولىن 1998 جىلى قازاق عىلىمي زەرتتەۋ ينستيتۋتىندا كىشى عىلىمي قىزمەتكەر بولىپ باستاعان.
2001-2004 جىلدارى قازاقستان رەسپۋبليكاسىنىڭ ستراتەگيالىق جوسپارلاۋ جونىندەگى اگەنتتىگىنىڭ باس مامانى, قازاقستان رەسپۋبليكاسىنىڭ ەكونوميكا جانە بيۋدجەتتى جوسپارلاۋ مينيسترلىگىندە باس مامان, كەيىن قازاقستان رەسپۋبليكاسىنىڭ قارجى مينيسترلىگىندە مەملەكەتتىك بيۋدجەتتى اتقارۋ دەپارتامەنتىنىڭ ءبولىم باسشىسى, باسقارما باسشىسىنىڭ ورىنباسارى قىزمەتتەرىندە بولدى.
2004-2008 جىلدارى قازاقستان رەسپۋبليكاسىنىڭ قاۋىپسىزدىك كەڭەسىنىڭ احۋالدىق ورتالىعىنىڭ باس ساراپشىسى, سەكتور مەڭگەرۋشىسى.
2008-2010 جىلدارى قازاقستان رەسپۋبليكاسى پرەمەر-ءمينيسترى كەڭسەسىنىڭ اقپاراتتىق-تالداۋ ورتالىعىنىڭ, كەيىن ماكروەكونوميكالىق تالداۋ جانە باعدارلامالىق مونيتورينگ ءبولىمىنىڭ مەڭگەرۋشىسى قىزمەتتەرىن اتقاردى.
2010- 2012 جىلدارى ماڭعىستاۋ وبلىسى اكىمىنىڭ ورىنباسارى بولدى.
2012-2017 جىلدار ارالىعىندا قازاقستان رەسپۋبليكاسى پرەمەر - ءمينيسترى كەڭسەسىنىڭ وڭىرلىك دامۋ ءبولىمى مەڭگەرۋشىسىنىڭ ورىنباسارى.
2017 جىلدىڭ تامىز ايىنان باستاپ قازىرگى ۋاقىتقا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتىن اتقارعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
