جيناقتا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ تاۋەلسىزدىك جىلدارى اتقارعان ۇلان-عايىر ەڭبەگىنىڭ اياسى مەن اۋقىمى كەڭىنەن باياندالادى. شيرەك عاسىردان استام ۋاقىتتا ەل بولاشاعىن كوكسەگەن مەرەيلى مۇراتتار جۇزەگە اسىرىلدى. ەلباسىنىڭ الەمدەگى زور ابىرويى مەن بەدەلى ءسوزسىز اسقاقتاپ تۇر. سارابدال ساياساتكەر ەكەندىگىن تورتكۇل دۇنيە تەگىس مويىنداعان. مىنە, وسىنداي كەلەلى تاقىرىپتاردى كەلىستىرە جازعان قالامگەردىڭ ءار جىلدارى قالامىنان تۋعان وي-تولعامدارى مەن پايىمدى پىكىرلەرى توپتاستىرىلعان قۇندى جيناقتى قالىڭ وقىرمان جوعارى باعالاۋدا.
تۇساۋكەسەر راسىمىندە وبلىس اكىمىنىڭ ورىنباسارى اينا ءمىسىرالىموۆا, وبلىستىق ارداگەرلەر كەڭەسىنىڭ توراعاسى عوسمان تولەعۇل, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ رەكتورى مارات سىرلىباەۆ جانە باسقا دا بەلگىلى ازاماتتار جىلى لەبىزدەرىن ءبىلدىردى. ءدال وسىنداي تۇساۋكەسەر جوعارىدا اتالعان ۋنيۆەرسيتەتتە دە وتكىزىلدى. ەلباسىنىڭ تاعدىرى ەل تاعدىرىمەن ەگىز. ەندەشە, ستۋدەنتتەر قاۋىمى ءۇشىن تاپتىرماس ولجا. وسى جيناق ارقىلى ەگەمەندى ەلىمىزدىڭ ۋىق-كەرەگەسىن بەكىتۋ جولىنداعى ەلباسىنىڭ سىڭىرگەن ەڭبەگىن تولىق بىلۋگە بولادى.
بۇل جيناق – تاۋەلسىزدىك كەزەڭىنىڭ شەجىرەسى. وسى تاقىرىپتى ءوز شىعارماشىلىعىنىڭ وزەگى ەتىپ كەلە جاتقان بەلگىلى قالامگەر ەلباسىمىز نۇرسۇلتان نازارباەۆ جۇرگىزىپ وتىرعان ىشكى جانە سىرتقى ساياسات سىرلارىن, ەلدىڭ بىرلىگى مەن تىنىشتىعىن ساقتاۋ جولىنداعى تاريحي ماڭىزى زور عاجايىپ ەڭبەگىن اشىپ كورسەتكەن. سوندىقتان دا, بۇل جيناققا كەز-كەلگەن وقىرماننىڭ قىزىعۋى ابدەن زاڭدى.
بايقال ءبايادىل,
«ەگەمەن قازاقستان»
اقمولا وبلىسى
