قازاقستان • 30 قاراشا, 2018

تۇركىستان وبلىسىندا «سايگ ۇلىكتەر» فەستيۆالى ۇيىمداستىرىلادى

412 رەت
كورسەتىلدى
1 مين
وقۋ ءۇشىن

كەلەسى جىلى تۇركىستان وبلىسىندا ۇلتتىق كودتى جاڭعىرتۋ ماقساتىندا «سايگ ۇلىكتەر» فەستيۆالى ۇيىمداستىرىلىپ, ات سپورتى, تەڭگە ءىلۋ, اۋدارىسپاق, قىز قۋ, جامبى اتۋ, سايگ ۇلىكتەر شەرۋى, سونداي-اق ات ابزەلدەرى, اتتىلى جاۋىنگەرلەردىڭ كيىمى مەن قارۋ-جاراقتارىنا ارنالعان كورمەلەر, جىلقى مالىنا بايلانىستى جىر ءمۇشايراسى, جىرشىلار مەن تەرمەشىلەر بايقاۋىن وتكىزۋ جوسپارلانۋدا.

تۇركىستان وبلىسىندا «سايگ ۇلىكتەر» فەستيۆالى ۇيىمداستىرىلادى

سونىمەن قاتار «شىعىس بازارى» اتتى فەستيۆال وتكىزۋ دە جوسپاردا بار. ونداعى ماقسات قولا, مىس, تەمىر, كۇمىس, التىننان جاسالعان اشەكەي بۇيىمدار, تۇرمىستىق زاتتار مەن قارۋ-جاراقتاردىڭ جارمەڭكەسى وتكىزۋ ارقىلى قازاق جەرى – مەتاللۋرگيا پايدا بولعان العاشقى ورتالىقتىڭ ءبىرى ەكەنىن پاش ەتۋ. تۇركىستان وبلىسىنىڭ اكىمى ج.تۇيمەباەۆتىڭ مالىمدەۋىنشە, ەلباسى تاپسىرماسى بويىنشا ق.ا.ءياساۋيدىڭ تاريحي بولمىسىن جاھانعا ءوز دەڭگەيىندە تولىق تانىتىپ, ناسيحاتتاۋ ماقساتىندا جاڭا ياساۋي مۋزەيى سالىنادى. سونداي-اق, تۇركىستان قالاسىندا الەمنىڭ تۇكپىر-تۇكپىرىندە ياساۋي بابانىڭ عىلىمي مۇراسىن زەرتتەپ جۇرگەن ياساۋيتانۋشىلاردىڭ باسىن قوسىپ, حالىقارالىق كونفەرەنتسيا وتكىزۋ مەجەلەنگەن. ياساۋي مۇرالارى كەشەندى تۇردە زەرتتەلىپ, دەرەكتى جانە كوركەم فيلمدەر تۇسىرىلەدى.

اتالعان جۇمىستاردىڭ بارلىعى ەلباسىنىڭ « ۇلى دالانىڭ جەتى قىرى» ماقالاسىندا ايتىلعان مىندەتتەردى ورىنداۋ شەڭبەرىندە جۇزەگە اسىرىلاتىن بولادى.

عالىمجان ەلشىباي,

«ەگەمەن قازاقستان»

تۇركىستان وبلىسى

سوڭعى جاڭالىقتار