اسكەري قىزمەتشىلەر ءۇشىن اسكەري سالتتار ەرەكشە ماقتانىش تۋعىزادى. اكەري سالتتاردىڭ ءبىرى «باتىس» وڭىرلىك قولباسشىلىعىنىڭ بارلىق اسكەري بولىمدەرىندە وتكىزىلىپ, ءتۇرلى لاۋازىمداعى جاۋىنگەرلەرگە جەكە قارۋ مەن اسكەري تەحنيكالار سەنىپ تاپسىرىلدى. بۇل شارا اسكەريلەردى ءوز قارۋىن ۇقىپتى ۇستاۋعا, سۇيۋگە جانە جاۋاپتى بولۋعا باۋليدى.
قاۋىپسىزدىك ەرەجەلەرىن جەتكىزۋ بويىنشا كەشەندىك ساباققا اقتاۋ, اتىراۋ جانە اقتوبە گارنيزوندارىنىڭ بارلىق اسكەري قىزمەتشىلەرى قاتىستى. ولار ءۇشىن ارنايى 13 وقۋ ورىنى ازىرلەندى. بۇل ءىس-شارانىڭ باستى ماقساتى – جەكە قۇرامعا قاۋىپسىزدىك ەرەجەلەرىن جەتكىزىپ, ءورت جاعدايلارى مەن كۇندەلىكتى تىرشىلىكتەگى جاراقاتتانۋ جاعدايلارىن بولدىرماۋ, ولار ورىن العان جاعدايدا قاجەتتى ءىس-شارالاردى بولدىرماۋ, جاۋىنگەرلىك دايارلىق, قۇرىلىس, قىزمەت كورسەتۋ جانە پاركتىك-شاراۋشىلىق جۇمىستارى كەزىندە بولۋى مۇمكىن ءتۇرلى فاكتورلاردى ەسكەرتۋ بولىپ تابىلادى.
-بۇگىنگى كۇنى وڭىرلىك قولباسشىلىقتىڭ بارلىق اسكەري بولىمدەرى جاڭا وقۋ جىلىنا تولىقتاي دايىن. بارلىق اسكەري تەحنيكالار قىسقى پايدالانۋ جاعدايىنا كەلتىرىلدى, قۇجاتتاما جانە وقۋ-ماتەريالدىق بازا ءازىر, سونداي-اق اسكەري پوليگوندار قاۋىپتى جارىلعىش زاتتاردان تازارتىلىپ, كەز-كەلگەن جيىلىكتەگى وقۋ-جاتتىعۋلاردى وتكىزۋگە دايىن. اسكەري ءبولىمنىڭ قاجەت دەڭگەيىندەگى قورلارى قالپىنا كەلتىرىلدى, دەيدى «باتىس» وڭىرلىك قولباسشىلىعىنىڭ ماتەريالدىق-تەحنيكالىق قامتاماسىز ەتۋ ورتالىعىنىڭ شتاب باستىعى پودپولكوۆنيك رۋسلان كۋباشەۆ.
قارۋلى كۇشتەردىڭ الداعى 2019 وقۋ جىلى قازاقستان رەسپۋبليكاسىنىڭ تۇڭعىش پرەزيدەنتى كۇنىنەن كەيىن باستالىپ, «رۋحاني جاڭعىرۋ – جاۋىنگەرلىك رۋح تىرەگى» ۇرانىمەن وتەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
