دوڭگەلەك ۇستەل جۇمىسىنا ازاماتتىق قوعام ىستەرى كوميتەتىنىڭ توراعاسى ءا.عالىموۆا, «مەدياتورلاردىڭ ۇلتتىق پالاتاسى» رقب باسقارما توراعاسى س.رومانوۆسكايا, «مەدياتورلاردىڭ ۇلتتىق پالاتاسى» رقب وكىلى م.دياچۋك, «قازاقستاندىق مەدياتورلار پالاتاسى» قب باسشىسى ە.ەسىمبەتوۆا, «قازاقستاندىق مەدياتسيا, مودەراتسيا, فاسيليتاتسيا, كەلىسسوزدەر ورتالىعىنىڭ» ديرەكتورى ي.ۆيگوۆسكايا جانە «ديالوگ» شيەلەنىستى شەشۋ ورتالىعىنىڭ» ديرەكتورى ت.ساۆيتسكايا جانە وسى سالانىڭ ماماندارى قاتىستى.
جيىننىڭ باستى ماقساتى – ازاماتتار اراسىنداعى داۋلى جانە شيەلەنىستى جاعدايلاردى مەدياتسيا ارقىلى شەشۋ مادەنيەتىن قالىپتاستىرۋ, مەدياتسيا ينستيتۋتىن ناسيحاتتاۋ جانە دامىتۋ. بۇگىنگى تاڭدا ەلىمىزدە 84 مەدياتسيا ورتالىعى, 2 000-نان استام مەدياتور جۇمىس ىستەيدى. قىلمىستىق داۋلار بويىنشا مەدياتسيا راسىمدەرىنىڭ ەڭ كوپ سانى – 54%, وتباسىلىق – 24%, كوممەرتسيالىق داۋلار بويىنشا – 9%.
جيىندى اشقان ءاليا عالىموۆا مينيسترلىكتىڭ ەلدە مەدياتسيا ينستيتۋتىن دامىتۋ بويىنشا جاساپ جاتقان شارالارىنا توقتالىپ ءوتتى. «بىرىنشىدەن, بيىل 9 تامىزدا قوعامداعى قارىم-قاتىناستاردىڭ تۇراقتىلىعىن ساقتاۋ, قوعامداعى داۋكەستىك دەڭگەيىن تومەندەتۋ, قۇقىقتىق سانانى ارتتىرۋ, ەلدەگى مەدياتسيا مادەنيەتىنە جاعداي جاساۋ ماقساتىندا مينيسترلىك جوعارعى سوتپەن ءوزارا ىنتىماقتاستىق تۋرالى مەموراندۋمعا قول قويىلدى. مينيسترلىك بەكىتىلگەن مەموراندۋم اياسىندا «2018-2019 جىلدارعا ارنالعان مەدياتسيا ينستيتۋتىن دامىتۋدى قولداۋ جونىندەگى جول كارتاسى» ازىرلەۋدە. ەكىنشىدەن, قۇرامىنا بەدەلدى مەدياتورلار, ساراپشىلار, ازاماتتىق سەكتور ينستيتۋتتارىنىڭ وكىلدەرى جانە باسقا دا مۇددەلى مەملەكەتتىك ورگاندار كىرەتىن «قوعامدىق دامۋ مينيسترلىگى جانىندا مەدياتسيا ينستيتۋتىن دامىتۋ ماسەلەلەرى جونىندەگى رەسپۋبليكالىق كەڭەس» قۇرۋ بويىنشا جۇمىس جۇرگىزىلۋدە», دەدى ول. سونداي-اق ول مەدياتسيا تۋرالى زاڭنامانى جەتىلدىرۋ جونىندەگى, كاسىپقوي جانە كاسىپقوي ەمەس مەدياتورلاردىڭ رەسپۋبليكالىق ءتىزىمىن قۇرۋ جونىندەگى ۇسىنىستاردى ازىرلەۋ ءۇشىن جۇمىس توبى قۇرىلۋدا ەكەنىن ايتىپ ءوتتى.
ء وز بايانداماسىندا شقو «مەدياتورلار ۇلتتىق پالاتاسى» رقب وكىلدىگىنىڭ ديرەكتورى مارياننا دياچۋك سوت ىستەرىندەگى مەدياتسيانىڭ ماڭىزدىلىعىنا توقتالدى. «داۋدى بەيبىت رەتتەۋگە ىقپال ەتۋ سوت ءىسىن جۇرگىزۋدەگى تاسىلدەردىڭ ءبىرى بولىپ تابىلادى», دەپ اتاپ ءوتتى.
«مەدياتورلار ۇلتتىق پالاتاسى» رقب باسقارماسىنىڭ توراعاسى سۆەتلانا رومانوۆسكايا ءوز كەزەگىندە «قوعامدىق كەڭەستىڭ, ومبۋدسمەننىڭ جانە ونىڭ اپپاراتىنىڭ ءوزارا ءىس-قيمىلى, ولاردىڭ بىرلەسكەن قىزمەتى تاۋارلار مەن قىزمەتتەر نارىعىندا زاماناۋي قاتىناستاردى قالىپتاستىرۋعا, كاسىپكەرلەردىڭ باسەكەگە قابىلەتتىلىگىن ارتتىرۋعا, تۇتىنۋشىلاردىڭ قۇقىقتىق ساۋاتتىلىعىن ارتتىرۋعا جانە ەلىمىزدىڭ وركەندەۋىنە ىقپال ەتەتىنىن», ايتتى.
جيىن سوڭىندا ەلىمىزدەگى مەدياتسيا ينستيتۋتىن دامىتۋ بويىنشا ۇسىنىستار قابىلداندى. مەدياتسيا تۋرالى زاڭنامانى جەتىلدىرۋ جونىندەگى جۇمىس توبىنىڭ قۇرامىنا بىرقاتار ۇسىنىستار ازىرلەندى.
ءمادينا جالەلقىزى,
«ەگەمەن قازاقستان»
