«كوشباسشى-2018» سىيلىعى جەتىسۋ جەرىندەگى جاس بۋىننىڭ اراسىنان ۇزدىكتەردى انىقتاپ, ءار سالادا ەڭبەك ەتىپ جۇرگەن جاس مامانداردىڭ ەڭبەگىن باعلاۋ ماقساتىندا ۇيىمداستىرىلىپ كەلەدى.
- بيىل ەلباسى جولداۋىندا جاستار ماسەلەسىنە ەرەكشە ماڭىز بەرىلدى. الداعى جىل «جاستار جىلى» دەپ جاريالاندى. جاستاردى قولداۋ, ۇرپاققا كوڭىل ءبولۋ – ەلىمىزدىڭ كەلەشەگىنە جاسالعان قامقورلىق, كورسەتىلگەن سەنىم. بۇل تۇرعىدان العاندا ءبىز ەلباسى جۇكتەگەن مىندەتتى تولىق جۇزەگە اسىرىپ, جاستارعا مۇمكىندىك جاساۋدى مىندەتىمىز دەپ بىلەمىز. قازىر الماتى وبلىسىندا 418 مىڭنان استام جاس ۇرپاق وكىلى بار. ولاردىڭ دەنى اۋىلدىق وڭىردە تۇرىپ, ەڭبەك ەتىپ, ءوز بولاشاعىن قالىپتاستىرۋدا. جىل سايىن وتكىزىلەتىن «كوشباسشى» بايقاۋى وسى اۋدانداردا تۇراتىن 332 مىڭ جاسا ماماننىڭ اراسىنان ۇزدىكتى انىقتاپ, بولاشاعىنا ءسات-ساپار تىلەۋدى ماقسات تۇتادى. جەڭىمپازدارى قۇتتىقتاي وتىرىپ, جاستارعا وتانىمىزدىڭ بولاشاعى جولىندا ايانباي ەڭبەك ەتۋدى, ەلىمىزدى گۇلدەندىرۋگە ۇلەس قوسۋدى تىلەيمىن, - دەدى قۇتتىقتاۋ سوزىندە ايماق باسشىسى اماندىق باتالوۆ.
بيىلعى بايقاۋعا ايماق جاستارىنان ەكى جۇزە جۋىق ءوتىنىم قابىلدانىپ, تاڭداۋدان وتكەن 19 جاس جۇلدەگەر اتاندى. بايقاۋ جەڭىمپازدارى وبلىس اكىمىنىڭ قولىنان ارنايى ستاتۋەتكا مەن 250 مىڭ تەڭگە كولەمىندە اقشالاي سىيلىق الدى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
