– ەرتەڭ ءبىزدى وتە ماڭىزدى جانە وتە اۋىر ويىن كۇتىپ تۇر. «دينامو» – ءبىزدىڭ توپتىڭ ۇزدىگى. سونىمەن قاتار بىزدە بىرقاتار پروبلەما بار. ەل بىرىنشىلىگى اياقتالعان سوڭ ويىنشىلاردىڭ دەڭگەيى دە ازداپ تومەندەدى. سوعان قاراماستان كۇن سايىن جاتتىعۋ وتكىزىپ جاتىرمىز. ەرتەڭگى كەزدەسۋدە جەڭىسكە جەتۋ ءۇشىن بارىمىزدى سالامىز.
– وتكەندە «ديناموعا» قارسى ويىن الدىندا ءبىر-ەكى جولداستىق كەزدەسۋ وتكىزەمىز دەپ ەدىڭىز؟
– ەلىمىزدىڭ جانە شەتەلدىڭ مىقتى ۇجىمدارىمەن جولداستىق كەزدەسۋ وتكىزۋگە مۇمكىندىك بولمادى. ويتكەنى, ماۋسىم اياقتالعان سوڭ كوماندالاردىڭ ءبارى قىسقى دەمالىسقا شىعىپ كەتتى. بىراق ءوز ارامىزدا دۋبل ويىنشىلارىمەن ماتچ بولدى.
- ەرتەڭ «استانا» ءۇشىن شەشۋشى ماتچ بولا ما الدە بارلىعىن سوڭعى تۋرعا قالدىراسىزدار ما؟ جالپى, «دينامونىڭ» مۇمكىندىگىن قالاي باعالايسىز؟
- ءبىز ءۇشىن ماڭىزدى ماتچ. ەرتەڭ قانداي جاعداي بولماسىن «دينامونى» جەڭىپ, پلەي-وفف ماسەلەسىن ءوز الاڭىمىزدا شەشۋگە تىرىسامىز. «ديناموعا» كەلەر بولساق ەۋروپاداعى مىقتى ۇجىمداردىڭ ءبىرى. ءبىز كەز كەلگەن قارسىلاستى باعالايمىز جانە قۇرمەتتەيمىز. ەرتەڭ ەكى كوماندانى دا وڭاي ويىن كۇتىپ تۇرعان جوق.
