رەسپۋبليكالىق اشىق ساباققا قورلارعا قاراستى 30-دان استام ءبىلىم بەرۋ مەكەمەلەرىنىڭ ۇستازدارى, اتا-انالارى جانە وقۋشىلارى ونلاين تەلەكوپىر ارقىلى قاتىستى.
اشىق ساباق بارىسىندا وقۋشىلار ەلباسى ن.ءا.نازارباەۆتىڭ «ۇلتتىق تاربيە مودەلى: رۋحاني جاڭعىرۋ» باعدارلاماسىن ىسكە اسىرۋ جانە « ۇلى دالانىڭ جەتى قىرى» اتتى ماقالاسىنداعى كەلەلى ماسەلەلەردى 3 توپقا ءبولىنۋ ارقىلى تالداپ, وزىندىك ەرەكشەلىكتەرى مەن ەلىمىزدىڭ مادەني جانە رۋحاني دامۋى ءۇشىن جەتى تاريحي جايتقا سۇيەنگەن التى ءىرى جوبا جونىندە ءوز پىكىرلەرىن ءبىلدىردى. وقۋشىلار ەلباسىنىڭ « ۇلى دالانىڭ جەتى قىرى» اتتى ماقالاسىن زاماناۋي تۇردە جاڭاشا ادىستەرمەن ىسكە اسىرۋ قاجەت ەكەندىگىن العا تارتادى.
"بۇگىنگى رەسپۋبليكالىق اشىق ساباق بارىسىندا وقۋشىلار اقپاراتتىق, يننوۆاتسيالىق تەحنولوگيالاردى جانە ۆيرتۋالدى قوسىمشالارعا نەگىزدەلگەن ءار ءتۇرلى باعدارلامالار مەن بىرقاتار ادىستەردى قولدانۋ ارقىلى ماقالانى جوعارى دەڭگەيدە تالقىلاپ شىقتى. ارينە 1 ساعات كولەمىندە ەلباسىنىڭ كوتەرگەن ماسەلەلەرىن شەشۋ مۇمكىن ەمەس, ونى الداعى ۋاقىتتا وسىنداي اشىق ساباق شەڭبەرىندە تالقىلاپ قانا قويماي, پراكتيكامىزدا ىسكە اسىرىلۋى قاجەت دەپ سانايمىن. ءبىزدىڭ وقۋشىلارىمىز اتالمىش ماقالادا ايتىلعان وي-پىكىرلەردى ءارى قاراي جوعارى دارەجەدە, زاماناۋي تۇردە جاڭاشا كوزقاراسپەن ىسكە اسىرادى دەگەن ويدامىن", - دەيدى ء«بىلىم-يننوۆاتسيا» ليتسەيلەرىنىڭ ادىسكەرى ساتانوۆ ارىستان بولات ۇلى.
"ماعان ساباق وتە ۇنادى, قىزىقتى ءوتتى. ساباق بارىسىندا ەلباسىنىڭ جاڭا ماقالاسىن تالداۋ ارقىلى, تاريحقا نەگىزدەلگەن قۇجاتتا بولاشاققا باعدار بەرەتىن ناقتى تاپسىرمالار ايقىن كورسەتىلگەنىنە كوز جەتكىزدىم", - دەپ ءوز پىكىرىن ءبىلدىردى استانا قالالىق ء«بىلىم-يننوۆاتسيا» ليتسەيىنىڭ 10-سىنىپ وقۋشىسى ءابساتاروۆ ايمار.
سونداي-اق اشىق ساباق بارىسىندا ەلباسى ن.ءا.نازارباەۆتىڭ «ۇلتتىق تاربيە مودەلى: رۋحاني جاڭعىرۋ» باعدارلاماسىن ىسكە اسىرۋ جانە « ۇلى دالانىڭ جەتى قىرى» اتتى ماقالاسىن مەكتەپتە ىسكە اسىرۋ جولىندا وقۋشىلاردىڭ الەۋمەتتىك بەلسەندىلىك, مادەني, ونەر, سپورت, ناقتى ايتقاندا جان-جاقتى داعدىلارىن قالىپتاستىرۋ ماقساتىندا بالاماسى جوق «مادەني پاسپورت» جوباسىمەن تانىستىرىلدى.
