«ەلباسى نۇرسۇلتان نازارباەۆتىڭ بەس الەۋمەتتىك باستاماسى اياسىندا فەدوروۆ سەلوسىن گازبەن قامتاماسىز ەتىپ وتىرمىز. وسىدان ەكى جىل بۇرىن ۇلكەن ماگيسترالدى گاز قۇبىرىنىڭ قۇرىلىسى اياقتالعان بولاتىن. رۋدنىي قالاسىنان باستالعان 68 شاقىرىمدىق قۇبىر قاشار كەنتى ارقىلى فەدوروۆ اۋدانىنا جەتكىزىلدى. ەندى وتكەن جىلى فەدوروۆ سەلوسىنىڭ ىشىنە قۇبىرلار جۇرگىزىلە باستادى. مۇنىڭ بارلىعى پرەزيدەنتىمىزدىڭ قامقورلىعى ارقاسىندا مۇمكىن بولىپ وتىر. گاز ادامدار تۇرمىسىن جاقسارتادى, قۋانىشتارىڭىز قۇتتى بولسىن! كەلە جاتقان تۇڭعىش پرەزيدەنت كۇنىمەن قۇتتىقتايمىن!» دەدى ارحيمەد بەگەجان ۇلى.
فەدوروۆ سەلوسىندا كەلەسى جىلدىڭ مامىر ايىندا گاز قۇبىرى قۇرىلىسىنىڭ ەكىنشى كەزەگى, ال كۇزگە قاراي ءۇشىنشى كەزەگى تولىق اياقتالاتىن بولادى.
«گاز قۇبىرى كەلگەننەن-اق قۋانىشىمىزدا شەك جوق. ءارى تازا, ءارى جىلى, ءارى ارزان. كومىر جاعۋدىڭ بەينەتىنەن ارىلاتىن بولدىق. پرەزيدەنتىمىزگە دە, وبلىس, اۋدان باسشىلارىنا, گازشىلارعا ۇلكەن راحمەت» دەيدى فەدوروۆ سەلوسىنىڭ تۇرعىنى رىسالدى ەسمۇحامبەتوۆا.
سەلودا 3000 ابونەنت, 12 مىڭ ادام كوگىلدىر وتىننىڭ يگىلىگىن كورەدى.
ءنازيرا جارىمبەت,
«ەگەمەن قازاقستان»
قوستاناي
