ACT (Americian College Testing) سىناعىن اقش وقۋشىلارىنىڭ كوپشىلىگى جوعارى وقۋ ورىندارىنا ءتۇسۋ ءۇشىن تاپسىرادى. بەدەلدى وقۋ ورىندارى ACT-دان 30-36 بالل جيناعان تالاپكەرلەردى قابىلدايدى. امەريكادا تەست تاپسىرعانداردىڭ 0,1%-ى عانا بارلىق 36 سۇراققا دۇرىس جاۋاپ بەرگەن. ال باسقا ەلدەردە اتالعان ەمتيحاننان مۇدىرمەي وتكەندەر ساۋساقپەن سانارلىقتاي. ACT-نىڭ ورتا كومپوزيتتىك بالل كورسەتكىشى – 21,1.
SAT Subject Test – بۇل ەمتيحان اقش-تىڭ بەدەلدى وقۋ ورنىنا ءتۇسۋ ءۇشىن تاپسىرىلادى. تەست وقۋشىنىڭ بەس باعىتتاعى ءبىلىم دەڭگەيىن ءوز تاڭداۋى بويىنشا انىقتايدى. اقنازار ماتەماتيكا, فيزيكا, بيولوگيا پəندەرىنەن تەست تاپسىرىپ, əر پəننەن ەڭ جوعارى 800 بالدان جيناعان. بۇدان وزگە وقۋشىنىڭ IELTS حالىقارالىق ەمتيحانىنان العان نəتيجەسى 8.0-ءدى كورسەتتى.
اقنازاردىڭ بىرەگەي نəتيجەلەرى وقۋشىنىڭ əلەمدىك دەڭگەيدە مىقتى دەپ تانىلعان ۋنيۆەرسيتەتتەرگە تۇسۋىنە جول اشادى. زياتكەرلىك مەكتەپتىڭ بولاشاق تۇلەگى وقۋىن گارۆاردتا جالعاستىرۋدى جوسپارلاۋدا. ول قازىرگى تاڭدا قابىلداۋ كوميسسياسىنىڭ شەشىمىن كۇتۋدە.
بۇگىندە اقنازاردىڭ ەسىمى جاس تالانتتاردىڭ اراسىندا تانىمال. زياتكەرلىك مەكتەپ وقۋشىسىنىڭ ديپلومدار مەن مەدالداردان قۇرالعان كوللەكتسياسى بار. ول – جəۋتىكوۆ جəنە ەيلەر وليمپيادالارىنىڭ, ء نوۆوسىبىر, قىتاي جəنە تاعى باسقا جەردەگى ءبىلىم سايىستارىنىڭ جەڭىمپازى. اقنازار عىلىمنىڭ كەز كەلگەن تۇرىنەن سيرەك كەزدەسەتىن تالانتقا يە. وقۋشىنىڭ جارقىن جەڭىستەرىنىڭ ءبىرى بەيجىڭدە وتكەن S.-T Yau High School Science Awards اتتى əلەمنىڭ كۇردەلى وليمپياداسىنداعى جەڭىسى ونىڭ ماتەماتيكاداعى قابىلەتىنىڭ جوعارى ەكەنىن دəلەلدەدى. 2017 جىلدىڭ جازىندا يندونەزيادا فيزيكا سالاسىندا وتكەن حالىقارالىق وليمپيادادا قازاقستاندىق ۆۋندەركيند تاعى دا جەڭىسكە جەتتى. ءبىر جىلدان سوڭ اقنازار قاجىمۇرات APHO 2018 ءحىح ازيا وليمپياداسىندا التىندى قانجىعالادى. وندا وقۋشى ماراپاتتاۋ سالتاناتىنا قاتىسا المادى. سەبەبى دəل بۇل ۋاقىتتا ول اقش-تاعى Intel ISEF-2018 وقۋشىلار اراسىندا عىلىمي جوبالار سايىسىنا قاتىسىپ جاتقان ەدى. بيىل ول تايلاندتا وتكەن جەر تۋرالى عىلىم IESO-2018-دە كۇمىس جۇلدەنى يەلەندى.
الماتى قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ وقۋشىسى ماتەماتيكا بويىنشا عىلىمي ەۋروپالىق كونگرەستەردىڭ, سيمپوزيۋمداردىڭ قاتىسۋشىسى.
