«بۇگىندە ەكى ۇلكەن تەندەردىڭ قورىتىندىسى شىعارىلىپ, وتاندىق وندىرۋشىلەرمەن شارتتار جاسالدى, شەتەلدىك وندىرۋشىلەرمەن كەلىسسوزدەر جۇرگىزىلدى. قازىرگى ساتتە 2019 جىلى دارىمەن قامتاماسىز ەتۋگە ء دارى-دارمەكتەردىڭ جالپى سانىنان 83%-ى ساتىپ الىندى. بىرىڭعاي ديستريبيۋتوردىڭ قويمالارىنا ساتىپ الىنعان پرەپاراتتاردى جەتكىزۋ جەلتوقسان ايىنىڭ باسىندا باستالادى, ال 2019 جىلدىڭ باسىنان باستاپ ولار مەديتسينالىق ۇيىمدارعا جونەلتىلەتىن بولادى. 2019 جىلعا تەگىن دارىمەن قامتاماسىز ەتۋگە ساتىپ الىناتىن دارىلەر مەن مەديتسينالىق ماقساتتاعى بۇيىمداردىڭ تىزىمىنە 1144 پوزيتسيا كىردى. كەلەر جىلى قازاقستاندىق فارمزاۋىتتار شامامەن 50 ملرد تەڭگەگە 494 اتاۋدى جەتكىزەتىن بولادى. بۇل جۇرەك-قان تامىرلارى, قانت ديابەتى, ونكولوگيا, ايتۆ جانە باسقا اۋرۋلارى بار ەمدەلۋشىلەردى امبۋلاتوريالىق دارىمەن قامتاماسىز ەتۋ ءۇشىن قاجەت ءدارى-دارمەكتەر. مەديتسينالىق ۇيىمداردان الدىن الا 203,5 ملرد تەڭگەگە ءتىزىم بويىنشا وتىنىمدەر كەلىپ تۇسكەن. بيىل ديسپانسەرلىك ەسەپتە 45 اۋرۋ بويىنشا تىركەلگەن ناۋقاستاردى امبۋلاتوريالىق ەمدەۋ ءۇشىن 550-دەن استام ءدارى-دارمەكتەردىڭ اتاۋلارى انىقتالعان. ال اعىمداعى جىلى امبۋلاتوريالىق دارىمەن قامتاماسىز ەتۋگە 482 اتاۋ ساتىپ الىنعان. قازاقستاندا تىركەلگەن بالاماسى جوق دارىلىك زاتتاردىڭ 106 اتاۋى شەتەلدىك وندىرۋشىلەردەن تىكەلەي ساتىپ الىنادى. مەديتسينالىق ۇيىمدار بۇل پرەپاراتتارعا 43 ملرد تەڭگە سوماعا الدىن الا وتىنىمدەر بەردى. 2019 جىلى يۋنيسەف جانە بۇۇدب حالىقارالىق ۇيىمدارى ارقىلى 8,7 ملرد تەڭگە سوماعا دارىلىك زاتتىڭ 25 اتاۋىن ساتىپ الۋ جوسپارلانىپ وتىر. ساتىپ الۋ قورىتىندىسى بويىنشا قازىرگى كەزەڭدە 16 ملرد تەڭگەدەن استام بيۋدجەت قاراجاتى ۇنەمدەلدى. 2018 جىلى ۇنەمدەۋ ەسەبىنەن بوساتىلعان قاراجات دارىلەردىڭ انىقتالعان تاپشىلىعىن جابۋعا باعىتتالعان», دەدى ل.بيۋرابەكوۆا.
«سك-فارماتسيا» جشس باسقارما توراعاسىنىڭ مىندەتىن اتقارۋشى بەرىك ءشارىپ ءوز سوزىندە بىرىڭعاي ديستريبيۋتور ءوز جۇمىسىندا حالىقپەن ءوزارا ءىس-قيمىلعا كوپ كوڭىل بولەتىنىن اتاپ ءوتتى.
«قازىر كومپانيادا حالىقتى تەگىن دارىلەرمەن قامتاماسىز ەتۋ ماسەلەلەرى بويىنشا 1439 بايلانىس ورتالىعى ىسكە قوسىلدى. ناۋقاستار قازاقستاننىڭ بارلىق وڭىرىنەن 1439 نومىرىنە كەز كەلگەن قالالىق تەلەفوننان تەگىن قوڭىراۋ شالا الادى. بايلانىس ورتالىعىنىڭ وپەراتورلارى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ديسپانسەرلىك ەسەپتە تۇراتىن جانە امبۋلاتوريالىق ەمدەۋدى الا الاتىن پاتسيەنتتەر ءۇشىن تەگىن بوساتىلاتىن قاجەتتى ءدارى-دارمەكتەردى جەتكىزۋدىڭ مەرزىمدەرى, كولەمدەرى جانە جوسپارلانعان مەرزىمى تۋرالى اقپاراتتى بەرەدى», دەدى ول.
راۋان قايدار,
«ەگەمەن قازاقستان»
