ءوز تاريحىمىزدى ءبىلۋ, تاريحي وقيعالار مەن قۇبىلىستاردى تانۋ قازاقتاردىڭ جانە باسقا دا ەتنيكالىق توپتاردىڭ ەتنوگەنەزىنە اسەر ەتەدى, سول ارقىلى ءبىز وتكەنىمىزدىڭ ۇلىلىعىن تەرەڭ تانيمىز. سول ارقىلى قازىرگى زامانعى قازاقستاندىقتاردىڭ قوعامدىق ساناسى تاريحتىڭ جارقىن مىسالدارىمەن جەتىلدىرىلەدى. ء«تول تاريحىن بىلەتىن, باعالايتىن جانە ماقتان ەتەتىن حالىقتىڭ بولاشاعى زور بولادى» دەگەن ويدىڭ ەلباسى تاراپىنان سەنىممەن ايتىلۋى قازاقستان حالقىن جارقىن بولاشاعىمىزعا باعىتتايدى جانە جىگەرلەندىردى.
ۇلى دالانىڭ قىرلارىن ۇسىنا وتىرىپ, پرەزيدەنت ن.ءا.نازارباەۆ عالامدىق تاريحتا ءبىزدىڭ ءرولىمىزدى بايىپتى جانە وبەكتيۆتى تۇسىنۋدە ناقتى عىلىمي فاكتىلەرگە سۇيەنۋدىڭ قاجەتتىگىن ايتۋى, بىزدەردى – قازاقستان حالقىن, جاس ۇرپاقتى ءوز تاريحىمىزدى تانۋعا جۇمىلدىرۋ دەپ تۇسىنۋگە جەتەلەيدى.
ءبىزدىڭ الدىمىزعا قويىلعان ماقساتتارعا جەتۋ ءۇشىن مىندەتتى تۇردە تاريحىمىزدى بىلۋگە ءتيىسپىز.
مەن كاسىبي مۇعالىم رەتىندە, بولاشاق ۇرپاقتى ءبىلىم الۋ اياسىن كەڭەيتۋگە ۇمتىلۋعا شاقىرار ەدىم. سوندا ءبىز مەملەكەتىمىزدىڭ ءۇش ۇستىنى سانالاتىن ەكونوميكا, الەۋمەتتىك دامۋ جانە رۋحانيات ۇشەۋىن دە قاتار جەتىلدىرەر ەدىك.تاريحتى تانۋ وسىلاردىڭ ىشىندە بىرەگەي باعىت رەتىندە دامي تۇسكەن بولار ەدى.
«رۋحاني جاڭعىرۋ» باعدارلاماسىنىڭ يگى ناتيجەلەرىن جالعاستىرا تۇسۋگە جول اشىلدى. ەندىگى جەردە وسى باعىتقا بەلگىلەنگەن عىلىمي جانە قارجىلىق رەسۋرستاردى ءتيىمدى پايدالانىپ, قازاق حاندىعىنان بۇرىن مەكەندەگەن ەجەلگى حالىقتىڭ ءوندىرىسى, مادەنيەتى مەن ونەرىن وركەنيەتىمىزدىڭ باعزى زامانىنان كۇنى بۇگىنگە دەيىنگى مەرزىمىن بارىنشا ءادىل, شىنشىل جەتىلدىرۋگە كۇش سالۋىمىز قاجەت. وسى ورايدا, وتكەن زاماندا باستاۋى قازاقستان جەرىندە بولعان, ومىرىمىزگە وشپەس ءىز قالدىرعان ساباقتاستىقتىڭ جاڭا زاماندا دا دامي تۇسكەنىنىڭ جالعاستارى بولۋىمىز قاجەت.
بۇل جەردە ايتايىن دەگەنىم, قىزعالداق پەن المانىڭ مەكەنى ەكەنىمىزدىڭ تاريحي تۇرعىدان دالەلدەنۋى, بۇگىنگى ومىرىمىزگە دە كورىنىس تاۋىپ, بۇرىنعى جەتىستىكتەرىمىزگە قايتا ورالا تۇسسەك دەگەن نيەتتەمىز.
جۇرتشىلىقتىڭ قىزۋ تالقىلاۋى مەن پىكىر الماسۋىنا تۇسكەن ەلباسىنىڭ بۇل ماقالاسى باعزى زاماننان كەلە جاتقان اسىل قۇندىلىقتارىمىزدى قادىر تۇتۋعا, تاۋەلسىز ۇرپاعىمىزدىڭ بولاشاعىنا پايدالانۋعا جول سىلتەيتىن قۇندى دۇنيە جانە ماقالادا اتالعان بارشا ماسەلەلەر حالقىمىزدىڭ بۇل كۇنگە دەيىنگى تاريحىمەن جانە بۇدان كەيىنگى بولاشاعىمەن تىكەلەي بايلانىستى. بۇل ماقالا ءبىزدىڭ كوشباسشىمىزدىڭ رۋحاني جاڭعىرۋ باعدارلاماسىنىڭ زاڭدى جالعاسى.
ناتاليا جۇمادىلداەۆا,
ءماجىلىس دەپۋتاتى
