قازاق كۇرەسى
ونەگەلى ءىس ءورىسىن كەڭەيتەيىك
كەشە استانادا قازاق كۇرەسىنەن ەلباسى – ۇلت كوشباسشىسى نۇرسۇلتان نازارباەۆتىڭ جۇلدەسى ءۇشىن «قازاقستان بارىسى» رەسپۋبليكالىق ءتۋرنيرىن ۇيىمداستىرۋشىلار بيىلعى وتەتىن جارىس تۋرالى مالىمەت بەردى.
بۇل تۋرنير بىلتىر «كتك» تەلەارناسىنىڭ باس ديرەكتورى ارمان شوراەۆتىڭ باستاماسىمەن ەلىمىزدە تۇڭعىش رەت وتكەن بولاتىن. سول كەزدە ول حالىق اراسىندا ۇلكەن قولداۋعا يە بولىپ, وعان مىڭداعان بالۋان قاتىسسا, سونىڭ ىشىنەن ىرىكتەلگەن ەڭ تاڭداۋلى 64 بالۋاننىڭ فينالدىق سايىستا «قازاقستان بارىسى» دەگەن مارتەبەلى اتاق ءۇشىن بەلدەسكەنى بەلگىلى. وسى جارىستا الماتى وبلىسىنىڭ تۋماسى بولسا دا قىزىلوردا وبلىسىنىڭ اتىنان سىنعا تۇسكەن ۇلان رىسقۇل جەڭىمپاز اتانىپ, باس جۇلدەگە يە بولدى. سودان بەرى وسى تۋرنيرگە قىزىعۋشىلىق ارتىپ, قازىر ونى جوعارى دەڭگەيدە وتكىزۋ ءۇشىن جۇمىستار جۇرگىزىلۋدە.
ونەگەلى ءىس ءورىسىن كەڭەيتەيىك
كەشە استانادا قازاق كۇرەسىنەن ەلباسى – ۇلت كوشباسشىسى نۇرسۇلتان نازارباەۆتىڭ جۇلدەسى ءۇشىن «قازاقستان بارىسى» رەسپۋبليكالىق ءتۋرنيرىن ۇيىمداستىرۋشىلار بيىلعى وتەتىن جارىس تۋرالى مالىمەت بەردى.
بۇل تۋرنير بىلتىر «كتك» تەلەارناسىنىڭ باس ديرەكتورى ارمان شوراەۆتىڭ باستاماسىمەن ەلىمىزدە تۇڭعىش رەت وتكەن بولاتىن. سول كەزدە ول حالىق اراسىندا ۇلكەن قولداۋعا يە بولىپ, وعان مىڭداعان بالۋان قاتىسسا, سونىڭ ىشىنەن ىرىكتەلگەن ەڭ تاڭداۋلى 64 بالۋاننىڭ فينالدىق سايىستا «قازاقستان بارىسى» دەگەن مارتەبەلى اتاق ءۇشىن بەلدەسكەنى بەلگىلى. وسى جارىستا الماتى وبلىسىنىڭ تۋماسى بولسا دا قىزىلوردا وبلىسىنىڭ اتىنان سىنعا تۇسكەن ۇلان رىسقۇل جەڭىمپاز اتانىپ, باس جۇلدەگە يە بولدى. سودان بەرى وسى تۋرنيرگە قىزىعۋشىلىق ارتىپ, قازىر ونى جوعارى دەڭگەيدە وتكىزۋ ءۇشىن جۇمىستار جۇرگىزىلۋدە.
بۇل تۋرالى كەشەگى كەزدەسۋدە «قازاقستان بارىسى» ءتۋرنيرىن ۇيىمداستىرۋ كوميتەتىنىڭ مۇشەلەرى جان-جاقتى ايتىپ بەردى. ال بۇل كوميتەتتىڭ قۇرامىنا سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ەلسيار قاناعاتوۆ, «كتك» تەلەارناسىنىڭ باس ديرەكتورى, «قازاقستان بارىسى» قازاق كۇرەسىن دامىتۋ قوعامدىق قورى قامقورشىلار كەڭەسىنىڭ توراعاسى ارمان شوراەۆ, دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ, مادەنيەت جانە اقپارات مينيسترلىگى اقپارات جانە مۇراعات كوميتەتىنىڭ توراعاسى بولات قاليانبەكوۆ, «سامۇرىق-قازىنا-استانا» كورپوراتيۆتىك قورىنىڭ اتقارۋشى ديرەكتورى سەرىك جۇماعاليەۆ كىرىپ وتىر.
كەزدەسۋدە ولار «قازاقستان بارىسى» سياقتى قازاق كۇرەسىن دامىتۋعا ارنالعان عالامات تۋرنيردىڭ ماقساتى مەن ماڭىزى تۋرالى ايتا كەلىپ, وسى جارىستى وتكىزۋگە بايلانىستى ءوز سالالارى بويىنشا ىستەلىپ جاتقان جۇمىستارىمەن ءبولىستى. ماسەلەن, ا.شوراەۆتىڭ ايتۋىنشا, جوبانىڭ باستى ماقساتى – بالۋانداردىڭ الەۋمەتتىك جاعدايىن جاقسارتۋ, ءتول كۇرەسىمىزدىڭ ءورىسىن كەڭەيتۋ, ۇلتتىق ءداستۇردى جاڭعىرتۋ ارقىلى وسكەلەڭ ۇرپاقتىڭ بويىندا وتانسۇيگىشتىك قاسيەتتەر قالىپتاستىرۋ, قازاق كۇرەسىنىڭ ازيا, وليمپيا ويىندارىنىڭ باعدارلاماسىنا ەنۋىنە ىقپال ەتۋ. سونىمەن بىرگە, ول وسى جارىس ارقىلى قازاق كۇرەسىن ەلىمىزدەگى №1 سپورت تۇرىنە اينالدىرۋ ماقساتى قويىلىپ وتىرعانىن ايتتى.
كەزدەسۋدە ە.قاناعاتوۆ تۋرنيرگە مەملەكەت تاراپىنان ءۇلكەن قولداۋ كورسەتىلەتىنىن, قازاق كۇرەسى سياقتى ۇلتتىق سپورت ءتۇرلەرىنە قازىرگى كەزدە بارلىق جاعداي جاسالىپ جاتقانىن جەتكىزسە, س.ءتوكەەۆ بيىلعى وتەتىن جارىستىڭ ەرەجەسى مەن ەرەكشەلىكتەرى تۋرالى ايتىپ بەردى. ونىڭ ايتۋىنشا, بيىلعى جارىس ءتورت كەزەڭ بويىنشا ناۋرىز بەن قىركۇيەك ايلارى ارالىعىندا وتكىزىلەدى. مىسالى, ءبىرىنشى كەزەڭ ناۋرىز بەن ءساۋىر ارالىعىندا اۋىلدىق ەلدى مەكەندەردە وتسە, ەكىنشى كەزەڭدەگى جارىستار مامىر مەن ماۋسىم ايلارى ارالىعىندا ءوتىپ, اۋداندىق, قالالىق جەرلەردى قامتيدى. وسى جارىستاردا جەڭىمپاز اتانعاندار ءۇشىنشى كەزەڭدە, ياعني وبلىستىق ىرىكتەۋ جارىستارىنا قاتىسىپ, ودان ءارى ءتورتىنشى كەزەڭدە, 16-18 شىلدە ارالىعىندا وتەتىن سايىستا كۇش سىناسادى. بۇل جارىس الماتى قالاسىندا ءۇش كۇندىك وقۋ-جاتتىعۋ كەزىندە وتكىزىلەدى. ال «قازاقستان بارىسى» ءتۋرنيرىنىڭ فينالدىق سايىسى 15-16 قىركۇيەك كۇندەرى استانادا وتەدى. وعان تەك تۇيە بالۋاندار عانا قاتىسادى. باس جۇلدە – تايتۇياق پەن التىن بەلبەۋ بولادى. جەڭىمپاز, سونداي-اق 150 مىڭ اقش دوللارىن يەلەنەدى. ەكىنشى, ءۇشىنشى ورىن العاندارعا كۇمىس ءجانە قولا بەلبەۋ تاعىلادى. ولار اقشالاي سىيلىققا دا يە بولادى.
بيىلعى ءتۋرنيردىڭ تاعى ءبىر ەرەكشەلىگى – فينالعا 64 ەمەس, 32 بالۋان عانا قاتىسا الادى. وعان ءار وبلىستان 2 بالۋاننىڭ عانا قاتىسۋعا مۇمكىندىگى بار جانە بالۋانداردىڭ ءوزى سول وبلىستىڭ تۋماسى بولۋى كەرەك. سونىمەن بىرگە, ءتۋرنيردىڭ ءجۇلدە قورى 50 ميلليون تەڭگەنى قۇرايتىن بولادى. بۇل سوما وتكەن جىلعى جۇلدە قورىنان 10 ميلليون تەڭگەگە ارتىق. قوماقتى اقشا 1-8 ورىن العان بالۋاندارعا جانە ولاردىڭ باپكەرلەرىنە بەرىلەدى.
بيىل «قازاقستان بارىسى» تۋرنيرىن «سارىارقا» ۆەلوترەك كەشەنىندە وتكىزۋ جوسپارلانۋدا ەكەن. تۋرنير تۋرالى تولىعىراق مالىمەتتى www.kazakhstanbarysy.kz سايتىنان الۋعا بولادى.
داستان كەنجالين.
