2018 جىلدىڭ 23 قاراشاسىندا «دامۋ» كاسىپكەرلىكتى دامىتۋ قورى» اق ماڭعىستاۋ وبلىسى بويىنشا ايماقتىق فيليالى وسى باعدارلامالار اياسىندا قولداۋ تاپقان كاسىپورىندار بويىنشا ءباسپاسوز تۋرىن وتكىزدى. جۋرناليستەر, ءوز بيزنەس يدەيالارىن ءار سالادا جۇزەگە اسىرىپ كەلەتىن وبلىستاعى ءتورت كاسىپورىنعا بارىپ, ولاردىڭ پايدالانعان مەملەكەتتىك باعدارلامالارىمەن تانىستى.
جۋرناليستەر الدىمەن بارعان كاسىپورىن - «كاسپي كۇرىلىس لتد» جشس. كومپانيا ماڭعىستاۋ جانە اتىراۋ وبلىستارىندا كوپ جىلعى تاجىريبەگە يە. سونداي-اق, 1-ساناتتاعى مەملەكەتتىك قۇرىلىس ليتسەنزياسىنا يە كومپانيا. كاسىپورىننىڭ نەگىزگى مىندەتى – زاماناۋي ىڭعايلى, ءارى جايلى تۇرعىن ءۇيدىڭ بارلىق قاجەتتىلىكتەرىنە يە كوپپاتەرلى تۇرعىن ۇيلەردىڭ قۇرىلىسىن جۇرگىزۋ. وزدەرىڭىزگە بەلگىلى, قازاقستاندا يپوتەكالىق باسپانا الۋعا ارنالعان «نۇرلى جەر» مەملەكەتتىك باعدارلاماسى جۇزەگە اسۋدا. اتالعان باعدارلاما اياسىندا كەيىننەن ساتىپ الۋ قۇقىعىن بەرەتىن «جالدامالى باسپانا» باعىتى قولعا الىنۋدا.
حالىققا قول جەتىمدى باسپانا قۇرىلىسىن ىنتالاندىرۋ ماقساتىندا قۇرىلىس كومپانيالارى ءۇشىن «نۇرلى جەر» باعدارلاماسى اياسىندا سۋبسيديالاۋ تۇرىندە مەملەكەتتىك قولداۋ قاراستىرىلعان. «دامۋ» قورىنىڭ ماڭعىستاۋ فيليالىنىڭ ديرەكتورى قالىمبەتوۆا گۇلجان جولمۇرزاقىزىنىڭ ايتۋىنشا: «اقتاۋ قالاسى ەلىمىزدىڭ مۇنايلى قالالارىنىڭ ءبىرى بولعاندىقتان, الماتى, استانا قالالارىمەن بىرگە قولجەتىمدى باسپانا ۇلكەن سۇرانىسقا يە, وعان ايماقتاعى دەموگرافيالىق جاعداي, تۋ كورسەتكىشىنىڭ جوعارىلاۋى, حالىقتىڭ تۇرمىس تىرشىلىگىنىڭ جاقسارۋى ىقپال ەتۋدە. «ايراقتى» تۇرعىن ءۇي كەشەنىندەگى 7 قاباتتى ءۇيدىڭ قۇرىلىسىن جانە «ايراقتى-2» تۇرعىن ءۇي كەشەنىندەگى ءۇش 9 قاباتتى ءۇيدىڭ قۇرىلىسىن اياقتاۋ ءۇشىن, كومپانيا 14%-دىق قارجىلاي كومەك العان بولاتىن, ونىڭ 7% «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسى اياسىندا سۋبسيديالاندى, نەسيە مەرزىمى 3 جىل. قۇرىلىس اياقتالعان سوڭ جالپى اۋماعى 20 350 مىڭ ش.م. قۇرايتىن 250 پاتەر پايدا بولادى دەپ جوسپارلانۋدا. پاتەرلەردى ساتۋ تىكەلەي جانە «تۇرعىن ءۇي قۇرىلىس جيناق بانكى» اق ارقىلى ىسكە اسىرىلادى». اتالعان جوبا «اتف بانك» اق ارقىلى قارجىلاندىرىلدى.
ەكىنشى نىسان - «مۇحامبەت» مەديتسينالىق ورتالىعى» بولدى. ورتالىق – بالالار مەن ەرەسەكتەرگە امبۋلاتورلىق-ەمحانالىق كومەك كورسەتىپ, ءدارى-دارمەكتەردى تاراتۋمەن جانە ساتۋمەن اينالىسادى. مەديتسينالىق ورتالىقتىڭ 468 ش.م قۇرايتىن عيماراتىندا بارلىق قاجەتتى سالالىق دارىگەرلەرى, سونداي-اق زەرتحانالىق دياگنوستيكا قىزمەت كورسەتەدى. بارىنشا ساپالى مەديتسينالىق قىزمەت كورسەتۋ ماقساتىندا, «نۇر كاپيتال» شاعىن جانە ورتا كاسىپكەرلىك سۋبەكتىلەرىن قولداۋ ايماقتىق باعدارلاماسى بويىنشا مەملەكەتتىك قولداۋدىڭ كومەگىمەن, قولدانىستاعى زاماناۋي جاراقتالعان مەديتسينالىق ورتالىقتى كەڭەيتىپ, وڭتۇستىك كورەيادا وندىرىلگەن مەديتسينالىق قۇرال-جابدىقتاردى نەسيەگە الۋ ارقىلى جاڭارتتى. نەسيە ينۆەستيتسيالىق ماقساتقا «Forte bank» اق ارقىلى 7 جىل مەرزىمگە, جىلدىق پايىزى 8,5%-عا الىندى. ونىڭ جىلدىق 7,5% 5 جىل بويى جەرگىلىكتى بيۋدجەت ەسەبىنەن سۋبسيديالانادى.
«ەلىمىزدىڭ دامۋ جولىنداعى مەملەكەتتىك ساياساتتىڭ نەگىزگى باعىتتارىنىڭ ءبىرى – مەديتسينالىق قىزمەتتىڭ ساپاسىن ارتتىرىپ, دەنساۋلىقساقتاۋدىڭ جوعارى تەحنولوگيالىق جۇيەسىن دامىتۋ. اۋىل تۇرعىندارى ءۇشىن مەديتسينالىق قىزمەتتىڭ قولجەتىمدىلىگىن ارتتىرۋ ماقساتىندا «مۇحامبەت» مەديتسينالىق ورتالىعى «نۇر كاپيتال» شاعىن جانە ورتا كاسىپكەرلىكتىڭ سۋبەكتەرىن قولداۋ ايماقتىق باعدارلاماسى بويىنشا جىلىنا 1% قۇرايتىن نەسيە الۋ مۇمكىندىگىن ءساتتى پايدالانعان بولاتىن. اتالعان جابدىق تۇتىنۋشىعا كارديولوگيا, گينەكولوگيا, وتولارينگولوگيا, وۆتالمولوگيا بويىنشا مەديتسينالىق قىزمەت ءتىزىمىن ارتتىرۋعا مۇمكىندىك بەرەدى», - دەپ اتاپ ءوتتى «دامۋ» قورىنىڭ ماڭعىستاۋ فيليالىنىڭ ديرەكتورى گ.قالىمبەتوۆا.
كەزەكتى «Caspio Plast» جشس-ءى الدى. كومپانيا قىزمەتىنىڭ نەگىزگى ءتۇرى پوليەتيلەن قۇبىرلارىن شىعارۋ بولىپ تابىلادى. كومپانيا قازاقستان وندىرۋشىلەر نارىعىندا جاقىندا پايدا بولعانىمەن, ءوز سالاسى بويىنشا جەمىستى ناتيجە كورسەتە باستادى. كومپانيا قۇرىلاتىن كەزدە جەتەكشىلەرى جوعارعى ساپالى ءونىم شىعارۋدى ماقسات ەتكەن بولاتىن. وعان زاماناۋي تەحنولوگيالار, سونداي-اق, الەمنىڭ جەتەكشى كومپانيالارىنىڭ قۇرال جابدىقتارى مەن شيكىزاتى ارقىلى قول جەتكىزۋگە بولادى. «دامۋ» قورىنىڭ ماڭعىستاۋ فيليالى وكىلىنىڭ ايتۋىنشا, ءىرى تاپسىرىستار تۇسە باستاۋىنا بايلانىستى كومپانيا وڭدەۋ ونەركاسىبى سالاسىنداعى ورتا جانە شاعىن كاسىپكەرلىك سۋبەكتەرىن قولداۋ باعدارلاماسى اياسىندا 6%-دىق نەسيەنى 3 جىل مەرزىمگە الۋ تۋرالى شەشىم قابىلدايدى. ماقسات – اينالىمداعى قاراجاتتى تولىقتىرۋ, نەگىزگى ماقسات – شيكىزات ساتىپ الۋ. سونداي-اق كومپانيا ەكىنشى وندىرىستىك جەلى اشۋ ارقىلى ونىمدىلىگىن ارتتىرۋدى جوسپارلاۋدا. اتالعان جوبا «قازاقستان حالىق بانكى» اق ماڭعىستاۋ وبلىستىق فيليالى ارقىلى قارجىلاندىرىلدى.
جوبا 18 اي مەن 6 جاسقا دەيىنگى بالالار ءۇشىن 130 ورىندىق بالالار باقشاسىن قۇرۋدى كوزدەيدى. اتالعان جوبا «بانكتسەنتركرەديت» اق ارقىلى قارجىلاندىرىلعان, كاسىپكەر 2017-2021 جىلدارعا ارنالعان «ەڭبەك» جاپپاي كاسىپكەرلىكتى دامىتۋ باعدارلاماسى بويىنشا قولداۋ تاپقان, نەسيە جىلىنا 6%-بەن الىنعان, بۇل ءوز كەزەگىندە كاسىپكەرگە كەپىلدىك قامسىزداندىرۋدىڭ جەتىسپەۋشىلىگىنە بايلانىستى نەسيە سوماسىنىڭ 10%-ى كولەمىندە دامۋ قورىنىڭ كەپىلدەمەسىن پايدالانا وتىرىپ, بالالار باقشاسىنا قاجەتتى قۇرال-جابدىقتاردى الۋ مۇمكىندىگىن بەردى. وقىتۋ جانە ۇيرەتۋ باعدارلاماسى ءار جاس ەرەكشەلىگى بويىنشا توپتارعا جاساقتالعان, بۇل رەتتە بالالار باقشاسىنىڭ قىزمەت كورسەتۋ قۇنى اقتاۋ قالاسى بويىنشا ورتاشا نارىق باعاسى دەڭگەيىندە. اتالعان جوبا اياسىندا كومپانيا قوسىمشا 12 ادامدى جۇمىسپەن قامتىدى. اتاپ وتەرلىگى, كاسىپكەر قر ۇكىمەتىنىڭ 28.05.2010 جىلعى قاۋلىسىمەن بەكىتىلگەن تاربيەلەنۋشىلەرگە سۋبسيديا الۋعا ارنالعان «بالاپان» مەملەكەتتىك باعدارلامسىنىڭ قاتىسۋشىسى بولىپ تابىلادى.
مەملەكەتتىڭ قولداۋىن العان كاسىپورىندار بويىنشا ءباسپاسوز-تۋرى اياقتالعان سوڭ «دامۋ» قورىنىڭ ماڭعىستاۋ فيليالىنىڭ ديرەكتورى گ.قالىمبەتوۆا «دامۋ» قورىنىڭ ماڭعىستاۋ فيليالىنىڭ جۇمىسىنا توقتالىپ, كاسىپكەرلىكتى دامىتۋعا باعىتتالعان باعدارلامالاردى ىسكە اسىرۋ تۋرالى ايتا كەلىپ, جۋرناليستەر سۇراقتارىنا جاۋاپ بەردى, سونداي-اق, «دامۋ» قورىنىڭ نەگىزگى قىزمەتتەرىمەن, كاسىپكەرلەرگە قارجىلاي قولداۋ كورسەتۋ, كاسىپكەرلەر قۇزىرەتتىلىگىن دامىتۋمەن تانىستىردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
