«استانا» فك اتقارۋشى ديرەكتورى قايسار بەكەنوۆتىڭ ايتۋىنشا, كلۋب نەگىزگى قۇرام ويىنشىلارىنان بولەك, سوڭعى جىلدارى قالاداعى بالالار فۋتبولىنا ەرەكشە ءمان بەرىپ كەلە جاتىر. بۇل ءوز كەزەگىندە جەمىسىن بەرىپ, بالالار قازاقستان رەسپۋبليكاسى بىرىنشىلىگىندە جاس ەرەكشەلىكتەرى بويىنشا جۇلدەلى ورىندارعا يە بولا باستاعان.
– وسى جىلى 2001 جانە 2006 جىلى تۋعان جاسوسپىرىمدەر كوماندالارى ەل چەمپيونى اتاندى. جەكە مەكتەپتەرمەن, سونىڭ ىشىندە «Arda Football» مەكتەبىمەن مەموراندۋمعا قول قويۋ ءبىزدىڭ فۋتبول ورتالىعىنداعى باسەكەلەستىكتى ارتتىرىپ, كومانداعا ۇمىتكەرلەردى ۇزدىكسىز ىرىكتەۋگە مۇمكىندىك بەرەدى. ال باسەكەلەستىك دەگەنىمىز – سپورتتىڭ ەڭ باستى تابىس كىلتى, - دەدى ول.
«Arda Football» جوباسىنىڭ PR ديرەكتورى نازىم جانعازينوۆا بۇل شارا سپورت مەكتەبى ءۇشىن ەڭ ماڭىزدى وقيعا ەكەنىن ايتادى.
– ءبىز قازاقستاننىڭ ەڭ ۇزدىك فۋتبول كلۋبى «استانامەن» ىنتىماقتاستىق مەموراندۋمىنا قول قويدىق. مەموراندۋم اياسىندا ءبىزدىڭ فۋتبول مەكتەبىنىڭ ۇزدىك فۋتبولشىلارى «استانا» فۋتبول ورتالىعىنا ىرىكتەلەتىن بولادى. بۇل ءبىزدىڭ كىشكەنتاي فۋتبولشىلارىمىز ءۇشىن ۇلكەن موتيۆاتسيا بولماق. «استانانىڭ» ءوز الاڭىندا وتكىزەتىن ويىنىنا بارار الدىندا ءبىزدىڭ بالالار ەرەكشە قۇلشىنىسپەن جاتتىعىپ, ايرىقشا كوڭىل كوتەرەدى. ءبىز جاتتىعۋ بارىسىندا بالالارعا ارنايى كۇندەلىك بەرىپ, وزدەرىنىڭ ۇلگى الاتىن فۋتبولشىلارى تۋرالى جازۋلارىن سۇرايمىز. سول كەزدە جاس جەتكىنشەكتەردىڭ 70 %-ى «استانانى» تاڭدايدى. ەلوردا كومانداسى قازىرگى تاڭداعى جاس ۇرپاق ۇلگى ەتەتىن ءمىنسىز فۋتبول ۇلگىسىن كورسەتۋدە, - دەيدى ن.جانعازينوۆا.
