- بۇرىنعى ورىندارعا قالانىڭ شاعىن اۋداندارىنان جەتۋ قيىن بولاتىن, قازىر جارمەڭكەمىز قايتا ورالدى. ءاربىر شاعىن اۋدانعا تەڭ قاشىقتىقتا ورنالاسقان.
وبلىستىق اۋىل شارۋاشىلىعى باسقارماسىنىڭ مالىمەتىنشە, وعان 90 توننادان استام ءونىم اكەلىنگەن.
جارمەڭكە وتكىزۋدى ءوز مۇددەلەرى ءۇشىن تالاس-تارتىسقا اينالدىرعاندار جارمەڭكەنىڭ ەرەكشەلىگىن ەندى تۇسىنگەن شىعار.
جالپى, جارمەڭكە 2015 جىلعا دەيىن وبلىس ورتالىعىنداعى «كۆازار» ساۋدا ءۇيىنىڭ ماڭايىندا ءوتىپ كەلدى.
2016 جىلى قالالىق اكىمدىك جارمەڭكەنى «كۆازار» ساۋدا ءۇيىنىڭ قاسىنان «قان تاپسىرۋ ورتالىعى» مەن «جەدەل-جاردەم» ستانساسىنا جاقىن جەردەگى كەڭ الاڭ اۋلاعا اۋىستىردى.
2016 جىلى قىستا جارمەڭكەگە «ەرتىس ىرىسى» دەگەن اتاۋ بەرىلىپ, وبلىس ورتالىعىنىڭ وڭتۇستىك شەتىنە قاراي تورگوۆايا كوشەسى, 4/1 شاعىن اينالىم اۋماعىنا اۋىستى.
بىلتىر «ەرتىس ىرىسى» جارمەڭكەسى سۋۆوروۆ كوشەسى,11 ء ۇي مەكەن جايىنداعى جابىق جەردەگى عيماراتقا كوشىپ باردى.
قالا اكىمدىگى, وبلىستىق اۋىل شارۋاشىلىعى, كاسىپكەرلىك, ساۋدا جانە تۋريزم باسقارمالارى جانە «Gold Plaza» جشس دەگەن بىرلەسىپ مەموراندۋمعا قول قويىپ ۇلگەردى.
قالا اكىمدىگى «اۋىل شارۋاشىلىق جارمەڭكەسى اشىق الاڭدا وتكىزىلمەيدى. ساۋدا الاڭىن 5 جىل مەرزىمگە وتەۋسىز پايدالانۋ ءۇشىن كاسىپكەرمەن كەلىسىمگە وتىردىق» دەپ حابارلادى.
جارمەڭكەنى جابىق جەردە وتەدى دەپ ءبىر, كۇن سايىن وتكىزەمىز دەپ ەكىنشى رەت قاتەلەستى. ەندى قالالىق اكىمدىك «Gold Plaza» سەرىكتەستىگىمەن كەلىسىمدەرىن ۇزگەن دە بولار؟
جارمەڭكەنىڭ جابىق عيماراتقا كوشۋىنە قالا تۇرعىندارى نارازىلىق بىلدىرگەن-ءدى.
سول كەزدەگى قالا باسشىلىعى جابىق كوممۋنالدىق بازار مەن جارمەڭكەنىڭ ايىرماسىن بىلمەيتىنىن بايقاتىپ قالدى.
وبلىس ورتالىعىندا ازىق-ت ۇلىك, كوكونىس, كارتوپ ساۋدالايتىن باسقا دا جابىق كوممۋنالدىق بازارلار دا, الەۋمەتتىك دۇكەندەر دە, شاعىن بازارلار دا جەتكىلىكتى ەدى.
فاريدا بىقاي,
«ەگەمەن قازاقستان»
پاۆلودار
