كەزدەسۋ بارىسىندا نۇرسۇلتان نازارباەۆقا كيمەپ ۋنيۆەرسيتەتىنىڭ قازىرگى جۇمىسى جانە وسى وقۋ ورنىن دامىتۋ جوسپارىنىڭ ىسكە اسىرىلۋى جونىندە مالىمەت بەرىلدى.
قازاقستان پرەزيدەنتى قازىرگى زامان ەكونوميكاسىنىڭ تالاپتارىنا ساي بىلىكتى ماماندار دايىنداۋ ىسىندەگى ۋنيۆەرسيتەت جۇمىسىنىڭ تيىمدىلىگىن اتاپ ءوتتى.
– ۋنيۆەرسيتەت 1992 جىلى قۇرىلعان. وسى جىلدار ىشىندە 12 مىڭعا جۋىق ستۋدەنت وقۋىن ءبىتىرىپ شىقتى. بۇگىندە مۇندا الەمنىڭ ءارتۇرلى ەلدەرىنەن كەلگەن وقىتۋشى-پروفەسسورلار قۇرامى ەڭبەك ەتەدى. 29 ءبىلىم باعدارلاماسى بويىنشا 2109 ستۋدەنت اقىلى نەگىزدە وقىپ جاتىر, – دەدى ەلباسى.
چ.بەنگ ۋنيۆەرسيتەت تۇلەكتەرىنىڭ 93 پايىزى وقۋ بىتىرگەن سوڭ 6 ايدىڭ ىشىندە جۇمىسقا ورنالاساتىنىن ايتتى.
سونىمەن قاتار «كيمەپ ۋنيۆەرسيتەتى» اكتسيونەرلىك قوعامىنىڭ پرەزيدەنتى بيىل وقۋ ورنى ءبىلىم بەرۋ ساپاسىن قامتاماسىز ەتۋ جونىندەگى تاۋەلسىز اگەنتتىكتىڭ تۇجىرىمى بويىنشا عىلىم جانە ءبىلىم سالاسىن دامىتۋ ىسىندە ۇزدىك دەپ تانىلعانىن اتاپ ءوتتى.
