شيرەك فينال قول بۇلعايتىنداي
دۇيسەنبى كۇنى استانانىڭ «بارىسى» ءبىر كوماندانىڭ ءتورت جەڭىسىنە دەيىن سوزىلاتىن قۇرلىقتىق حوككەي ليگاسىنىڭ پلەي-وفف باسەكەسىندەگى ءتورتىنشى ويىنىندا ماگنيتوگوردىڭ «مەتاللۋرگىن» تاعى دا 4:1 ەسەبىمەن جەڭىپ, شيرەك فينالعا شىعۋعا ءبىر تابان جاقىنداي ءتۇستى. «مەتاللۋرگ» سياقتى ليگانىڭ ازۋلى كومانداسىمەن بولعان ءتورت ويىندا ءۇش رەت جەڭىسكە جەتىپ, ءبىر رەت قانا جەڭىلۋ – وتە جاقسى ناتيجە.
دۇيسەنبى كۇنى استانانىڭ «بارىسى» ءبىر كوماندانىڭ ءتورت جەڭىسىنە دەيىن سوزىلاتىن قۇرلىقتىق حوككەي ليگاسىنىڭ پلەي-وفف باسەكەسىندەگى ءتورتىنشى ويىنىندا ماگنيتوگوردىڭ «مەتاللۋرگىن» تاعى دا 4:1 ەسەبىمەن جەڭىپ, شيرەك فينالعا شىعۋعا ءبىر تابان جاقىنداي ءتۇستى. «مەتاللۋرگ» سياقتى ليگانىڭ ازۋلى كومانداسىمەن بولعان ءتورت ويىندا ءۇش رەت جەڭىسكە جەتىپ, ءبىر رەت قانا جەڭىلۋ – وتە جاقسى ناتيجە.
كەزدەسۋدە سالعان بەتتەن قوناقتار تەك جەڭىس ءۇشىن عانا ايدىنعا شىققاندارىن سەزدىرە باستادى. بۇل جەڭىس ولارعا اسا قاجەت ەدى. العاشقى شايبانى سوققاندار دا سولار بولدى. ويىننىڭ 11-مينوتىندە ياكۋبوۆتان پاس العان ماركوۆ ۆيتالي ەرەمەەۆتىڭ قاقپاسىنان ساڭلاۋ تابا ءبىلدى. سودان كەيىن «بارىس» ارادا ازعانتاي ۋاقىت سالىپ, قارسىلاستار قاقپاسىنا لاپ قويدى. ءسويتىپ, مانادان بەرى تاسقامال بولىپ تۇرعان فين قاقپاشىسى اري احونەنمەن بەتپە-بەت كەلگەن بويد ەسەپتى تەڭەستىردى. ودان كەيىن «بارىستىڭ» شابۋىلى ارتا ءتۇستى. ماتچتىڭ 29 مينوتىندە پۋشكارەۆ ماگنيتكالىقتارعا تاعى ءبىر شايبانى توعىتتى.
ال ويىننىڭ ءۇشىنشى كەزەڭىندە يۋنلاند پەن داللمەن ءبىر-ءبىر شايبانىڭ اۆتورى اتاندى. ءوزىنىڭ وسى گولىنان كەيىن داللمەن قولىنداعى تاياعىن تاستاپ, كوماندالاستارىنىڭ قۇشاعىنا كىرىپ كەتتى. بۇل «بارىستىڭ» جەڭىسكە جەتكەنىنىڭ بەلگىسى ەدى. سەبەبى, ويىن اياقتالۋعا از-اق ۋاقىت قالعان-تىن.
بۇگىن استانالىق كلۋب سىرت الاڭدا «مەتاللۋرگپەن» بەسىنشى ويىنىن وتكىزەدى. اندرەي شايانوۆتىڭ شاكىرتتەرىنە پلەي-وففتىڭ كەلەسى كەزەڭىنە ءوتۋ ءۇشىن ءبىر جەڭىس كەرەك. قارسىلاستارىمىز ءۇشىن – ءۇش جەڭىس. «مەتاللۋرگتىڭ» شەبەر كوماندا ەكەنىن ەسكەرسەك, الدان ءبارىن دە كۇتۋگە بولادى. سوندىقتان باسەكە تاعدىرى شەشىلىپ قويدى دەۋگە ءالى ەرتە.
داستان كەنجالين.
