1997 جىلى وسكەمەن مەتاللۋرگيا كەشەنى «قازتسينك» جشس قۇرامىنا وتكەن سوڭ كومپانيا قالدىقتاردى بۇرىننان كەلە جاتقان ۇيىندىگە كومۋدەن باس تارتىپ, 2000 جىلى سىرتى بىرنەشە قاباتتان تۇراتىن ارنايى جيناقتاعىش سالىنعان-دى. 2004 جىلى ءوندىرىس ورنى مەملەكەتتىڭ قولداۋىمەن لاستاۋ ورىندارىن جويۋ ماقساتىندا ەسكى ۇيىندىلەرگە رەكۋلتيۆاتسيا جۇمىستارىن جۇرگىزدى. قالدىقتاردى قورعانىشى بار گەومەمبرانامەن قاپتاپ, قۇنارلى, قالىڭ توپىراقپەن جاۋىپ, ءشوپ ەگىپ, جاڭبىر جانە باسقا سۋلاردى جىبەرەتىن ارىق جاساعان-دى. بۇل جۇمىس ءوز ناتيجەسىن بەرىپ, 2000-2017 جىلدار ارالىعىندا جەر استى سۋلارىنداعى كۇشان قۇرامى 10 ەسەگە تومەندەگەن بولاتىن. ال 2017 جىلى كومپانيا ءوز باستاماسىمەن مامانداندىرىلعان ۇيىمداردى تارتىپ, ەسكى ۇيىندىلەرگە اۋديت جۇرگىزدى. «زەرتتەۋ بارىسىندا ساراپشىلار كەيبىر جەرلەردە قورعاۋ قاباتتارىنىڭ ب ۇلىنگەنىن انىقتادى. قورشاعان ورتانى كۇشانمەن لاستاۋعا جول بەرمەۋ ءۇشىن ەسكى ۇيىندىلەردى رەكۋلتيۆاتسيالاۋدىڭ بىرنەشە نۇسقالارى قارالدى. ناتيجەسىندە ءبىز شىعىس قازاقستان وبلىسى اكىمدىگىمەن قورشاعان ورتانى قورعاۋ جونىندە ىنتىماقتاستىق مەموراندۋمىنا قول قويدىق. ءۇيىندى استىنداعى جەر ۋچاسكەلەرى «قازتسينككە» ۋاقىتشا پايدالانۋ ءۇشىن بەرىلدى. كومپانيا زاماناۋي قۇرىلعىلار مەن ماتەريالداردى پايدالانا وتىرىپ جاسالاتىن ءۇيىندىنى رەكۋلتيۆاتسيالاۋدى قارجىلاندىرۋدى ءوز موينىنا الدى, - دەيدى ءوندىرىس ورنىنىڭ باس ەكولوگى قازتاي تاكەەۆ.
قازىرگى ۋاقىتتا ءۇيىندىنى قاپتاۋ جۇمىستارى اياقتالىپتى. ال الداعى 5 جىل كولەمىندە «قازتسينك» ماماندارى قورشاعان ورتاعا اسەرىنە مونيتورينگ جۇرگىزىپ وتىراتىن بولادى.
ازامات قاسىم,
«ەگەمەن قازاقستان»
وسكەمەن
