سۋرەتتى تۇسىرگەن: اسەم ايىپوۆا
مىسالى, 3D-ۇلگىلەۋ زەرتحاناسى تاعى ءبىر تسيفرلى ءبىلىم بەرۋ رەسۋرسىمەن جۇمىس ىستەيدى. ءىت-سىنىپتا وقۋشىلار ەۋروپالىق ءبىلىم ستاندارتىنا ساي قاراپايىم الگوريتمدەردىڭ تىزبەسىن, باعدارلاۋ مەن Web-سايتتاردى, كومپيۋتەر ويىندارىن, انيماتسيالاردى جاساۋدى ۇيرەنەدى.
جۋىردا وبلىستىق ءبىلىم باسقارماسىنىڭ «اقپاراتتىق تەحنولوگيالار ورتالىعى» وتكىزگەن بايقاۋدا وقۋشىلار سارايىنىڭ روبوتوتەحنيكا كلۋبىنىڭ تاربيەلەنۋشىلەرى نۇرات تاتەنوۆ, عالىمجان ابىشەۆ «Lego- داعى روبوتوتەحنيكا بويىنشا جوباسى» بويىنشا «شوكولاد ساتاتىن ساۋدا اۆتوماتى» جوبالارى جەڭىسكە جەتتى.
سونىمەن قاتار, بالالار تەحنوپاركتىڭ يننوۆاتسيالىق الاڭىندا تاجىريبەلىك جانە كوممەرتسيالىق ماقساتتا پلاستيك ماتەريالداردان بۇيىمدار جاسايدى. ءاربىر اتا-انا بالالارىن 3D مودەلى ۇلگىمەن كومپيۋتەردە جاسالعان ناقتى نىساندى قۇرۋ ءۇشىن ۇيىرمەگە اكەلە الادى.
قازىر ستارتاپ-اكادەميا, بيزنەس-ينكۋباتور تەحنوپاركىندە بيزنەسكە اۋەس وقۋشىلار كوپ.
ال, «Bala-business ستارتاپ»-جوباسىنىڭ ماقساتى-كاسىپكەرلەر مەن وندىرىستىك سەكتوردىڭ نازارىن بالالار يدەياسىنا اۋدارۋ, يدەيالار مەن ازىرلەمەلەردىڭ ىقتيمال تاپسىرىس بەرۋشىلەرمەن كەزدەسۋىن ۇيىمداستىرۋ.
IT-سىنىبىندا IT-رەسۋرستار, تسيفرلىك ءبىلىم الۋ رەسۋرستارىنا كوڭىل بولىنگەن. بۇل جەردە وزىق ويلى, زەرەك وقۋشىلار Corel, Photoshop, AutoCAD باعدارلامالارىن يگەرىپ, بولاشاق ماماندىقتارىنا جول اشادى.
جاڭا سىنىپتار «نۇر وتان» پارتياسىنىڭ «ىبىراي» «قازاقستاننىڭ جاس باعدارلاماشىلار ليگاسى» قورىمەن بىرلەسكەن باستامالىق جوبالارىن ىسكە اسىرۋ شەڭبەرىندە جۇزەگە اسىرىلدى.
ءبىز كورگەنىمىزدەي, تەحنوپارك زەرتحانادا بالالار قۇرىلىمداۋمەن عانا شۇعىلدانبايدى, سونىمەن قوسا LEGOEducation, اردۋين, 4WD پلاتفورمالارى, روبوت-مانيپۋلياتورمەن جۇمىس ىستەيدى ەكەن. وندىرىستە ىسكە اسىرىلاتىن جوبالار جاسايدى, دەنە جۇمىسىن روبوت جۇيەسىمەن اۋىستىرۋمەن اينالىسادى.
تەحنوپاركتىڭ باعدارلامالار جيناعىنا بەينەمونتاج زەرتحاناسى كىرەدى. سارايدىڭ جۇمىسى LuchTVنا Youtube com تەلەارناسىندا كورىنىس تابادى; الەۋمەتتىك بايلانىس جەلىسىندە جاستار اقپاراتتار اگەنتتىگى «Sكرينشوت» جۇمىس ىستەيدى.
زەرتحانادا ويىن ويناۋعا, سۋرەتكە تۇسۋگە, بالالاردىڭ سانا-سەزىمىن وسىرۋگە بارلىق مۇمكىندىك جاسالعان.
جۋىردا وقۋشىلارعا جاڭا زامان تالابىنا ساي جاڭاشىلدىققا ۇيرەتىپ, تاربيەلەپ جۇرگەن وقۋشىلار سارايى 40 جىلدىق مەرەيتويىن اتاپ ءوتتى.
فاريدا بىقاي,
«ەگەمەن قازاقستان»
پاۆلودار
