ولار برازيلياعا بارادى
كەشە, جۇما كۇنى قازاقتىڭ ءبىر توپ ورەنى برازيلياداعى حالىقارالىق فۋتبول اكادەمياسىنا اتتاندى. بۇلار – تەڭبىل دوپ تەبۋدىڭ قىر-سىرىن ۇيرەنۋگە بارا جاتقان قازاقستاندىق ءجاسوسپىرىمدەردىڭ ەكىنشى توبى.
ال وتكەن بەيسەنبى كۇنى بالالارعا اق جول تىلەپ, 9 ايعا سوزىلاتىن ۇزاق ساپاردىڭ ءمان-جايىنان حاباردار ەتۋ ءۇشىن الماتىلىق جۋرناليستەر بالۋان شولاق اتىنداعى سپورت سارايىنا جينالدى.
كەشە, جۇما كۇنى قازاقتىڭ ءبىر توپ ورەنى برازيلياداعى حالىقارالىق فۋتبول اكادەمياسىنا اتتاندى. بۇلار – تەڭبىل دوپ تەبۋدىڭ قىر-سىرىن ۇيرەنۋگە بارا جاتقان قازاقستاندىق ءجاسوسپىرىمدەردىڭ ەكىنشى توبى.
ال وتكەن بەيسەنبى كۇنى بالالارعا اق جول تىلەپ, 9 ايعا سوزىلاتىن ۇزاق ساپاردىڭ ءمان-جايىنان حاباردار ەتۋ ءۇشىن الماتىلىق جۋرناليستەر بالۋان شولاق اتىنداعى سپورت سارايىنا جينالدى.
قىسقاسى, 2 ناۋرىز كۇنى 15 جاستاعى 26 اياقدوپشى برازيليانىڭ «ولە برازيل كلاب» فۋتبول كلۋبىنىڭ حالىقارالىق فۋتبول اكادەمياسىنا وقۋعا اتتاندى.
جوعارىدا ايتقانداي, ولار برازيليادا تەڭبىل دوپ تەبۋدىڭ شەبەرلىك مەكتەبىنەن وتەدى, سپورتتاعى قابىلەتتەرىن شىڭدايدى. الەمنىڭ ايتۋلى فۋتبول مەكتەبىنەن العان ءتالىمىن ۇلتتىق فۋتبولمەن ۇشتاستىرادى. مۇنان كەيىن جاس فۋتبولشىلار قازاقستاندا 3 ايلىق جازعى دەمالىسىن وتكىزىپ, برازيلياعا قايتا ساپار شەگەدى. وندا 3 جىل بويى دايىندىقتان وتكەن سوڭ, كاسىبي فۋتبولشى رەتىندە ەلگە ورالاتىن بولادى.
ماسەلەن, برازيليانىڭ حالىقارالىق فۋتبول اكادەمياسىندا ءتالىم العان العاشقى توپتاعى 1995 جىلى تۋعان قازاقستاندىق جاسوسپىرىمدەر 3 جىلدىق بۇل وقۋ ورنىن وتكەن جىلى اياقتاعان ەدى. ولاردىڭ اراسىنان راۋان ساريەۆ پەن بەرىك شايحوۆ «ولە برازيل» كلۋبىنىڭ ءجاسوسپىرىمدەر قۇراماسىندا ونەر كورسەتتى. بۇگىنگى تاڭدا راۋان «التەتيكو مانەيرو» كلۋبىندا ويناپ ءجۇر.
ال قالعان 15 ويىنشى قازاقستان چەمپيوناتىنىڭ ءبىرىنشى ليگاسىندا ونەر كورسەتەتىن «استانا-64» كومانداسىنىڭ قۇرامىندا بولسا, وزگەلەرى بۇل كۇندە «اتىراۋ», «اقجايىق», «اقتوبە» فۋتبول كلۋبتارىمەن كەلىسىم-شارت جاساسقان.
برازيلياعا اتتانعان جاس جەتكىنشەكتەر مىنالار:
شىڭعىسحان احلاسوۆ – قاقپاشى (تالدىقورعان), ولجاس مۇقانوۆ – قاقپاشى (اقتاۋ), بەكجان توقتارباي – قاقپاشى (شىمكەنت), ايسۇلتان سەيداحمەت – قورعاۋشى (تالدىقورعان), ايدار قۇسنادينوۆ – قورعاۋشى (اقتاۋ), رۋسلان الىمباەۆ – قورعاۋشى (قاراعاندى), بولات تىنىبەك – قورعاۋشى (شىمكەنت), سەرگەي كوماروۆ – قورعاۋشى (قاراعاندى), الىبەك باتىربەكوۆ – قورعاۋشى (تالدىقورعان), ۆلاديسلاۆ ۆاسيلەۆ – قورعاۋشى (قاراعاندى), دەميات ءسىلامبەكوۆ – جارتىلاي قورعاۋشى (الماتى), رۇستەم ابىدرازاقوۆ – جارتىلاي قورعاۋشى (تالدىقورعان), ماقسات تايكەنوۆ – جارتىلاي قورعاۋشى (اقتاۋ), فارۋح مىرسالىمباەۆ – جارتىلاي قورعاۋشى (تاراز), اباي سەيفۋللين – جارتىلاي قورعاۋشى (تاراز), ماعجان ابدەش – جارتىلاي قورعاۋشى (شىمكەنت), قۋانىش مۇحانبەت – جارتىلاي قورعاۋشى (شىمكەنت), ەدىگە ورالباي – جارتىلاي قورعاۋشى (شىمكەنت), اسحات سادىروۆ – جارتىلاي قورعاۋشى (تاراز), جاسۇلان شۇباەۆ – جارتىلاي قورعاۋشى (قوستاناي), دانيار داۋلەتباەۆ – جارتىلاي قورعاۋشى (تاراز), ايسابەك سارسەنعاليەۆ – شابۋىلشى (اقتاۋ), ايبولات ماكۋوۆ – شابۋىلشى (اتىراۋ), ءابىلمانسۇر راشاتوۆ – شابۋىلشى (الماتى), مەيىرجان قامبىل – شابۋىلشى (شىمكەنت), ەرنازار قۇمار – شابۋىلشى (الماتى), مانار نۇفيەۆ – جاتتىقتىرۋشى, ەرىك جانۇزاقوۆ – ءۇيلەستىرۋشى, اۋدارماشى.
ايناش ەسالي.
الماتى.
