بۇگىنگى تاڭدا ەۋروپا لوتەرەيالىق اسسوتسياتسياسى الەمدەگى ەڭ بەدەلدى كاسىپوداقتاردىڭ ءبىرى بولىپ ەسەپتەلەدى. ونىڭ قۇرامىنا 45 ەلدىڭ, سونىڭ ىشىندە 28 ەۋرووداق مەملەكەتتەرىنىڭ لوتەرەيا كومپانيالارى كىرەدى. 1983 جىلى قۇرىلعان.
اسسوتسياتسياعا مۇشە بولۋ ءۇشىن لوتەرەيا بيزنەسىن جۇرگىزۋدىڭ جوعارى ستاندارتتارىن ۇستانۋ قاجەت:
- - ۇتىس ويىن وتكىزۋ بارىسىندا ادالدىق پەن قاۋىپسىزدىككە كەپىل بولۋ;
- - لوتەرەيا قاتىسۋشىلارىنىڭ الدىندا بارلىق مىندەتتەردى مۇلتىكسىز ورىنداۋ;
- - كىرىستىڭ ءبىر بولىگىن قوعام دامۋىنا جۇمساۋ;
- -فاتف ۇسىنىستارىن ورىنداۋ (اقشانىڭ ءىزىن جاسىرۋ, تەرروريزمدى قارجىلاندىرۋدى بولدىرماۋ).
ء«ساتتى جۇلدىز» كومپانياسىنىڭ پرەزيدەنتى الەكساندر تەننىڭ ايتۋىنشا, حالىقارالىق لوتەرەيا اسسوتسياتسياسىنا مۇشەلىك كومپانيانىڭ الەمدىك لوتەرەيا يندۋسترياسىنىڭ جوعارى ستاندارتتارىنا ساي ەكەندىگىن كورسەتۋمەن قاتار, باستىسى قاتىسۋشىلار ءۇشىن قۇقىقتارىنىڭ ساقتالۋى مەن جەڭىمپازداردىڭ كەزدەيسوق تاڭدالاتىنىنا, ۇتىستاردىڭ ۋاقتىلى تولەنۋىنە, جەكە باس اقپاراتىنىڭ قۇپيالىعىنا كەپىلدىك.
قازاقستاندىق ء«ساتتى جۇلدىز» لوتەرەياسىن سالتاناتتى تۇردە ەۋروپا لوتەرەيالىق اسسوتسياتسياسىنا قابىلداۋ ءراسىمى انتۆەرپەن قالاسىندا 2019 جىلدىڭ 29 مامىرىندا باس اسسامبلەيانىڭ وتىرىسى اياسىندا وتكىزىلەدى.
