«رىسقۇلوۆ اۋدانى كريمينالدىق پوليتسيا ءبولىمىنىڭ جەدەل ۋاكىلدەرى جەدەل-ىزدەستىرۋ ءىس-شارالارىن جۇرگىزۋ كەزىندە باتىس ەۋروپا - باتىس قىتاي تاسجولىندا ون جىلقى تيەگەن كولىكتى توقتاتقان. تەكسەرۋ كەزىندە جىلقىلاردىڭ قۇجاتتارى بولماي شىقتى. رىسقۇلۆ اۋدانىنىڭ ءۇش تۇرعىنى مال ۇرلادى دەگەن كۇدىككە ءىلىندى. جىلقىلاردى رىسقۇلوۆ اۋدانى جاڭاتۇرمىس اۋىلدىق وكرۋگى جىنىراۋ جايىلىمىنان ۇرلاعان. قازىرگى نارىقتاعى باعاعا سايكەس, ۇرلانعان مالداردىڭ جالپى قۇنى 2 960 000 تەڭگەنى قۇرايدى», - دەپ ءتۇسىندىردى قۇقىق قورعاۋ ۆەدومستۆوسىنىڭ ءباسپاسوز قىزمەتى.
وسى فاكتى بويىنشا قر قك 188-بابى 3-بولىگىمەن ء(ىرى كولەمدە ۇرلىق جاساۋ) سوتقا دەيىنگى تەرگەۋ جۇمىستارى باستالدى. تاركىلەنگەن جىلقىلار زاتتاي دەرەك رەتىندە تانىلىپ, يەسىنە قايتارىلدى. سوتقا دەيىنگى تەرگەۋ جۇمىستارى باستالدى.
جامبىل وبلىستىق پوليتسيا دەپارتامەنتىنىڭ ءباسپاسوز قىزمەتى اتاپ وتكەندەي, بيىل 17 قاراشادا سارىسۋ ءاىىب-گە ەر ادام 37 جىلقىسىن ۇرلاپ كەتكەنىن ايتىپ, شاعىم تۇسىرگەن. ول جوعالعان مالىنىڭ جالپى قۇنى 9,75 ملن تەڭگە دەپ باعالاعان.
ۇرلىق جاساۋ ءىسى وسى اۋداننىڭ «قايراقباي» جايىلىمىندا ءۇيىم اۋىلىنا جاقىن جەردە بولعان. سارىسۋ اۋداندىق پوليتسيا ءبولىمى ءتورت تەرگەۋ-جەدەل توبىن قۇرعان. ىزدەۋ جۇمىستارى بارىسىندا بارلىق 37 جىلقى جايىلىمنان 20-25 شاقىرىم قاشىقتىقتان تابىلدى.
