«بۇل جوبانى جۇزەگە اسىرۋ بارىسىندا تاريحشىلاردان, دەرەكتانۋشىلار مەن مادەنيەتتانۋشىلاردان قۇرىلعان ارنايى توپتاردىڭ وتاندىق جانە شەتەلدىك ءىرى ارحيۆتەرمەن ءوزارا جۇيەلى ءارى ۇزاق مەرزىمدى ىقپالداستىقتا بولىپ, ىزدەۋ-زەرتتەۋ جۇمىستارىن جۇرگىزۋىنە باسا ءمان بەرۋ كەرەك. قاي جاعىنان بولسىن, بۇل ماڭىزدى جۇمىس مەملەكەت ەسەبىنەن اتقارىلاتىن «اكادەميالىق تۋريزمگە» اينالماۋعا ءتيىس. ارحيۆ دەرەكتەرىن تەك جيناقتاپ قانا قويماي, بارلىق مۇددەلى زەرتتەۋشىلەر مەن قالىڭ جۇرتشىلىققا قولجەتىمدى بولۋى ءۇشىن ولاردى بەلسەندى تۇردە تسيفرلىق فورماتقا كوشىرۋ قاجەت», دەلىنگەن ماقالادا.
سونداي-اق مەملەكەت باسشىسى مەكتەپتەر مەن بارلىق وڭىرلەردەگى ولكەتانۋ مۋزەيلەرىنىڭ جانىنان تاريحي-ارحەولوگيالىق قوزعالىستار قۇرۋ كەرەك ەكەنىن ايتىپ ءوتتى.
ء«وز تاريحىنا دەگەن ماقتانىش سەزىمىن ۇيالاتىپ, وتانشىلدىق تاربيە بەرۋ مەكتەپ قابىرعاسىنان باستالۋعا ءتيىس. سوندىقتان مەكتەپتەر مەن بارلىق وڭىرلەردەگى ولكەتانۋ مۋزەيلەرىنىڭ جانىنان تاريحي-ارحەولوگيالىق قوزعالىستار قۇرۋ ماڭىزدى. ۇلت تاريحىن ساناعا ءسىڭىرۋ بارشا قازاقستاندىقتاردىڭ بويىندا ءوز باستاۋلارىنا دەگەن ورتاقتىق سەزىمىن قالىپتاستىرادى», دەپ جازادى ەلباسى ماقالاسىندا.
