بىرقاتارىنىڭ جۇمىسى ينفراقۇرىلىم جەتىسپەۋشىلىگى جانە باسقا دا سەبەپتەرگە بايلانىستى ءوز دەڭگەيىندە ەمەس ەكەنى دە ايتىلىپ ءجۇر. اقپان ايىندا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسى ارنايى ەكونوميكالىق ايماقتاردىڭ جۇمىسىنا كوڭىلى تولمايتىنىن ايتقان بولاتىن. «بيۋدجەتتىڭ مول قاراجاتى ارنايى ەكونوميكالىق ايماقتاردى قۇرۋعا جۇمسالۋدا. قازىرگى ۋاقىتتا بىزدە 11-ءى بار, 283 ملرد تەڭگە ءبولىندى. وبلىس اكىمدەرى جاڭا اەا قۇرۋ وتىنىشتەرىمەن ءبىزدى قاعازدىڭ استىندا قالدىرۋدى جالعاستىرۋدا. ۇكىمەت اتالعان 11 اەا-عا سىني كوزبەن قاراسىن, ولار نە بەردى؟», دەدى ەلباسى كەڭەيتىلگەن وتىرىستا. ەكونوميكالىق ايماقتار ايتىلعان سىننان كەيىن جۇمىسىن شيراتا تۇسكەنى كۇمانسىز.
توقىما ءوندىرىسىن دامىتۋ مەن ونىڭ باسەكەگە قابىلەتتىلىگىن, وتاندىق ماقتانى تۇتىنۋ كولەمىن ارتتىرۋ جانە جوعارى قۇندى دايىن ونىمدەر شىعارۋ ماقساتىندا قۇرىلعان «وڭتۇستىك» ارنايى ەكونوميكالىق ايماعى العاشقى جىلداردان باستاپ جۇيەلى جۇمىس جۇرگىزۋىنىڭ ناتيجەسىندە الدىڭعى قاتاردان كورىنىپ كەلەدى. ۇتىمدى باستامالارىمەن, جاقسى كورسەتكىشتەرىمەن ەلىمىزگە عانا ەمەس, شەتەلدەرگە دە تانىلا باستادى. اۋماعى 200 گەكتار جەردى الىپ جاتقان «وڭتۇستىك» اەا-نى دامىتۋ ماقساتىندا رەسپۋبليكالىق بيۋدجەت ەسەبىنەن 8,2 ملرد تەڭگەگە ينفراقۇرىلىم جۇرگىزىلگەن. قازىرگى تاڭدا مۇندا جالپى قۇنى 27,8 ملرد تەڭگەنىڭ 10 جوباسى جۇزەگە اسۋدا. ەلىمىزدىڭ وزگە وڭىرلەرىنە ۇلگى بولىپ وتىرعان, تاجىريبە ءبولىسۋ ماقساتىندا «پاۆلودار», «اقتاۋ – تەڭىز پورتى», «استانا – تەحنوپوليس» ارنايى ەكونوميكالىق ايماقتارىنا ايتارلىقتاي قولداۋ كورسەتكەن «وڭتۇستىك» اەا وتاندىق تاۋاروندىرۋشىلەر ءۇشىن قولايلى مەكەنگە اينالدى. ىسكە قوسىلعان 10 جىلدان استام ۋاقىت ىشىندە ەكونوميكالىق ايماقتا جۇزەگە اسقان جوبالاردىڭ جالپى قۇنى 28,4 ملرد تەڭگە بولىپ, جاڭا جۇمىس ورنىمەن 1346 ادام قامتىلدى. الداعى 2021 جىلدىڭ اياعىنا دەيىن ىسكە قوسىلاتىن جوبالاردى قوسا ەسەپتەگەندە «وڭتۇستىككە» تارتىلعان ينۆەستيتسيالاردىڭ جالپى قۇنى 173 ملرد تەڭگەگە جەتەتىن بولسا, اشىلاتىن جۇمىس ورىندارىنىڭ سانى 4 مىڭنان اسپاق. بۇگىندە وسى ايماقتا جۇمىسى قارقىندى ءجۇرىپ جاتقان العاشقى قازاقستاندىق كىلەم توقۋ فابريكاسى «بال تەكستيل» جشس-ءتىڭ ونىمىنە سۇرانىس جوعارى. ال ماقتا ءيىرىمجىبىن شىعاراتىن «Azala cotton» جشس, ماقتا تسەلليۋلوزاسىن وندىرەتىن «حلوپكوپرومتسەلليۋلوزا» – ەلىمىزدەگى كاسىپورىنداردىڭ بىرەگەيى. «اگف گرۋپپ» جشس – ء«ىkea» جاھاندىق ساۋدا جەلىسىنىڭ ەڭ ءىرى قازاقستاندىق ارىپتەسى بولسا, «الەم بت» جشس جىلىنا 18 ملن جۇپ ش ۇلىق شىعاراتىن ەلىمىزدەگى ءىرى فابريكا. وسىنداي تانىمال كاسىپورىنداردىڭ تولىققاندى جۇمىس ىستەۋىنە مۇمكىندىك بەرىپ وتىرعان «وڭتۇستىك» ارنايى ەكونوميكالىق ايماعى fDi Intelligence ساراپتامالىق ورتالىعى جىل سايىن تۇزەتىن «ەركىن ەكونوميكالىق ايماقتار-2018» جاھاندىق رەيتينگىنە ەنىپ, بىردەن بەس اتالىم بويىنشا جەڭىمپاز اتاندى. «رەداكتور تاڭداۋى» – «زور كەلەشەك» دەپ اتالاتىن ارنايى ماراپاتتى جەڭىپ الدى. جىل سايىن الەمنىڭ 50-گە جۋىق ايماعىنىڭ جۇمىسىن باعالايتىن رەيتينگتى قۇراستىرۋشىلار «وڭتۇستىك» ارنايى ەكونوميكالىق ايماعىنىڭ قىتايدان ينۆەستيتسيا تارتۋداعى جەتىستىكتەرىن اتاپ وتكەن. بيىل ولار 140 ميلليون دوللار ينۆەستيتسيا تارتقان ەكەن. «وڭتۇستىك» ارنايى ەكونوميكالىق ايماعىن الەمدەگى ۇزدىك ينۆەستيتسيالىق الاڭنىڭ ءبىرى دەپ تانىعان «Financial Times» باسىلىمىنا ەنشىلەس «FDi Magazine» حالىقارالىق جۋرنالىنىڭ «ارنايى ەكونوميكالىق ايماقتار-2018» رەيتينگىسىنە سايكەس 6 نوميناتسيا بويىنشا دۇنيە جۇزىندەگى ۇزدىك بيزنەس-پلاتفورما دەپ تانىلدى. «FDi Magazine» ساراپشىلارى «وڭتۇستىك» اەا باسقارۋشى كومپانياسىن تىكەلەي شەتەلدىك ينۆەستيتسيالاردى تارتۋ, رەزيدەنت كاسىپورىندارمەن تىعىز ىنتىماقتاستىق, ءوندىرىس كولەمىن ارتتىرۋ, ەكسپورت اياسىن كەڭەيتۋ, حالىقارالىق ۇيىمدارمەن قارىم-قاتىناستار, قايىرىمدىلىق ءىس-شارالارىن ۇيىمداستىرۋ جانە وتكىزۋ باعىتتارىنداعى جۇرگىزىلگەن جۇمىس ناتيجەلەرىن ەسكەرە وتىرىپ, «China strategy», «Expansions», «Marketing slogan», «Charity initiatives», «Community outreach award», «Editors choice: ones to watch» نوميناتسيالارىنىڭ كوشباسشىسى رەتىندە ماراپاتتادى. جۋرنالدىڭ 30 جىلدىق تاريحىندا تۇڭعىش رەت قازاقستاندىق ارنايى ەكونوميكالىق ايماق ءبىر ەمەس بىرنەشە كورسەتكىشتەر نەگىزىندە جەڭىمپاز دەپ جاريالانىپ وتىر. ايتا كەتەلىك, بۇگىنگى تاڭدا «FDi Magazine» جۋرنالى جاھاندىق ينۆەستيتسيالىق الەۋەت پەن احۋال جايىندا تىڭ جانە تۇراقتى اقپاراتتى الەمنىڭ 120 ەلىنە تاراتاتىن بىرەگەي باسىلىم رەتىندە ۇلكەن بەدەلگە يە. جۋرنالدىڭ بەلسەندى اۋديتورياسى ميلليونعا جۋىق بيزنەس-قۇرىلىمداردان تۇرادى. ولاردىڭ قاتارىندا ترانسۇلتتىق كورپوراتسيالار, ءىرى ۇلتتىق جانە جەكە كومپانيالار, ينۆەستيتسيالىق قورلار, قارجىلىق ۇيىمدار, بانكتەر مەن دامۋ ينستيتۋتتارى بار.
سونداي-اق «وڭتۇستىك» اەا باسقارۋشى كومپانياسى 2018 جىلدان باستاپ دۇنيەجۇزىلىك ارنايى ەكونوميكالىق ايماقتار ۇيىمىنىڭ ورتالىق ازياداعى رەسمي وكىلدىگى مارتەبەسىنە يە. دۋباي ءامىرى موحاممەد يبن راشيد ال ماكتۋمنىڭ جەكە باستاماسىمەن قۇرىلعان بۇل ۇيىمعا 70 مەملەكەتتىڭ 500-دەن استام ارنايى ەكونوميكالىق جانە يندۋستريالىق ايماقتار مۇشە. وسى ارادا ايتا كەتەلىك, شىلدە ايىندا «Kazakh Invest» ۇلتتىق كومپانياسى جانە دۇنيەجۇزىلىك ارنايى ەكونوميكالىق ايماقتار ۇيىمىنىڭ قولداۋىمەن «وڭتۇستىك» اەا-نىڭ باسقارۋشى كومپانياسى ورتالىق ازيا ەلدەرىنىڭ 30-عا جۋىق اەا-نىڭ باسىن قوسىپ, زاماناۋي دامىتۋ تەندەنتسيالارى مەن ستراتەگيالىق ارىپتەستەر تارتۋ قۇرالدارىن ەنگىزۋ بويىنشا «GESEZ-2018» حالىقارالىق كونفەرەنتسياسىن وتكىزگەن بولاتىن. كونفەرەنتسيا اياسىندا «Conway» جانە «Systemiq» سياقتى ينۆەستيتسيالىق گيگانتتار ءوڭىردىڭ ارنايى ەكونوميكالىق ايماقتارىن دامىتۋعا قىزىعۋشىلىق ءبىلدىرىپ, بىرقاتار كەلىسىمدەرگە قول جەتكىزگەن-ءدى. اتالعان ۇيىمدار قىزمەت كورسەتەتىن كومپانيالاردىڭ جالپى ينۆەستيتسيالىق الەۋەتى 100 ملرد اقش دوللارىنان اسىپ جىعىلادى. دەمەك, ارنايى ەكونوميكالىق ايماق الداعى ۋاقىتتا دا شەتەلدىك ينۆەستيتسيالار ءۇشىن قولايلى نىسان بولىپ قالا بەرۋگە مۇددەلى.
عالىمجان ەلشىباي,
«ەگەمەن قازاقستان»
تۇركىستان وبلىسى
