بۇل جەتىستىكتەر تۇركىستان قالاسىندا العاش رەت وتكەن «AGROFEST-2018» اۋىل شارۋاشىلىعى فەستيۆالىندە ايتىلدى. اۋىل شارۋاشىلىعى سالاسىنىڭ ارداگەرلەرى, ەڭبەك وزاتتارى, كاسىپكەرلەر, حالىق قالاۋلىلارى مەن سالا ماماندارى قاتىسقان مەرەكەلىك جيىندا وبلىس اكىمى جانسەيىت تۇيمەباەۆ 500 مىڭ تونناعا جۋىق ونىمدەر رەسەي, بەلارۋس, لاتۆيا, گەرمانيا مەملەكەتتەرىنە, 1 ملن. تونناسى ەلىمىزدىڭ سولتۇستىك وڭىرلەرىنە جونەلتىلگەنىن اتاپ ءوتتى. «قارقىندى باۋلاردىڭ كولەمى 2800 گەكتارعا جەتىپ, ەلدەگى جەمىس-جيدەكتىڭ 40 پايىزى, ءجۇزىمنىڭ 73 پايىزى تۇركىستان وبلىسىندا ءوندىرىلدى.
رەسپۋبليكاداعى سالىنعان جىلىجايلاردىڭ 77 پايىزى, تامشىلاتىپ سۋعارۋ ءادىسىنىڭ 73 پايىزى دا ءبىزدىڭ وڭىرگە تيەسىلى. وبلىستا العاش رەت 6,2 مىڭ توننا ەت ەكسپورتتالىپ, رەسپۋبليكا ەكسپورتىنىڭ 41 پايىزىن قامتىدى. مۇنىڭ بارلىعى سىزدەردىڭ ەتكەن ەڭبەك, توككەن تەرمەن كەلگەن جەتىستىكتەر دەپ ايتۋعا تولىق نەگىز بار», – دەدى جانسەيىت قانسەيىت ۇلى.
فەستيۆال بارىسىندا كورمە ۇيىمداستىرىلىپ, وندا اۋىل شارۋاشىلىعى ونىمدەرى, اسىل تۇقىمدى ءتورت ت ۇلىك مالدىڭ تۇرلەرى مەن وزىق تەحنيكالار ۇسىنىلدى. ال اۋىل شارۋاشىلىعى ونىمدەرىنىڭ جارمەڭكەسىندە 182 توننا تابيعي تازا ونىمدەر نارىقتاعى باعادان 15-20 پايىزعا ارزان باعادا ساۋدالاندى. قوناقتار ءۇشىن 1 توننا پالاۋ مەن 1 توننا باۋىرساق دايىندالىپ, كوپشىلىككە تەگىن تاراتىلدى. سونداي-اق اۋىل شارۋاشىلىعى سالاسىندا بەلسەندىلىك تانىتىپ, ۇزدىك كورسەتكىشكە قول جەتكىزگەن اۋدان, قالالار جانە جەكە شارۋالار «وزات استىق جيناۋشى», «وزات مال بورداقىلاۋشى», «وزات باقشا ءوسىرۋشى» سىندى 21 نوميناتسيا بويىنشا ماراپاتتالدى. ودان بولەك, اۋدان - قالالار اراسىندا 16 باعىت بويىنشا ۇزدىكتەر انىقتالدى.
عالىمجان ەلشىباي,
«ەگەمەن قازاقستان»
تۇركىستان وبلىسى
