كەزدەسۋ بارىسىندا حالىقارالىق ءىت ۋنيۆەرسيتەتى يننوۆاتسيالىق جوبالارىن, ستۋدەنتتەر مەن تۇلەكتەردىڭ Bozbala, Tazalyk, GlucMed سىندى جۇمىستارىن ۇسىندى. سونداي-اق ۋنيۆەرسيتەت باسشىلىعى پرەمەر-ءمينيستردىڭ ورىنباسارىن 3D, IITU Innovation, UNICEF, Olympic Centre, MS Laboratory سياقتى زەرتxانالارى جانە ورتالىقتارىمەن تانىستىردى. ا.جۇماعاليەۆ ۋنيۆەرسيتەت ستۋدەنتتەرى مەن تۇلەكتەرىنىڭ تەxنولوگيالىق جانە يننوۆاتسيالىق جۇمىستارىنا جوعارى باعا بەردى.
كەزدەسۋگە ءبىلىم جانە عىلىم ۆيتسە-ءمينيسترى اسxات ايماعامبەتوۆ, الماتى قالاسى اكىمىنىڭ ورىنباسارى ارمان قىرىقباەۆ, اقپاراتتىق قاۋىپسىزدىك جونىندەگى كوميتەتتىڭ توراعاسى دميتري گولوبۋردا, «زەردە» ۇلتتىق اقپاراتتىق كوممۋنيكاتسيالىق xولدينگى» اق باسقارما توراعاسىنىڭ ورىنباسارى جانات جاحمەتوۆا قاتىستى. اسقار قۋانىش ۇلى ۋنيۆەرسيتەتتىڭ «تسيفرلى قازاقستان» مەملەكەتتىك باعدارلاماسىن جۇزەگە اسىرۋعا سايكەس پايدالانىلىپ جۇرگەن وقىتۋ باعدارلاماسىنا جوعارى باعا بەردى. ايتا كەتكەن ءجون, جۋىردا حالىقارالىق اقپاراتتىق تەxنولوگيالار ۋنيۆەرسيتەتىمەن «HackDay 2018» يننوۆاتسيالىق يدەيالار فەستيۆالى ءوتىپ, فەستيۆال اياسىندا 500 جوبا ۇسىنىلعان بولاتىن. كەيىن ا.جۇماعاليەۆ الماتى قالاسىنداعى ۋنيۆەرسيتەت رەكتورلارى جانە ەلىمىزدەگى ءىرى ءىت كومپانيالار ديرەكتورلارىنىڭ قاتىسۋىمەن قورىتىندى جيىن وتكىزدى.
جيىن بارىسىندا ءاربىر قاتىسۋشى ءىت سالاسىن دامىتۋ, قازاقستانداعى ءبىلىم بەرۋ سالاسىن جاقسارتۋ ماسەلەلەرى بويىنشا ءوز ۇسىنىستارىن جەتكىزدى. سونداي-اق پرەمەر-ءمينيستردىڭ ورىنباسارى ءال-فارابي اتىنداعى قازاق ۇلتتىق ۋنيۆەرسيتەتىندە, قازاقستان-بريتان تەxنيكالىق ۋنيۆەرسيتەتىندە, ق.ساتباەۆ اتىنداعى قازاق ۇلتتىق تەxنيكالىق ۋنيۆەرسيتەتىندە جانە الماتى ەنەرگەتيكا جانە بايلانىس ۋنيۆەرسيتەتىندە بولدى.
