باياندامانىڭ تانىستىرىلىمىندا فيلوسوفيا عىلىمدارىنىڭ دوكتورى, پروفەسسور, «پەرسپەكتيۆا» اقپاراتتىق-كەڭەس بەرۋ توبى» قق پرەزيدەنتى ەلەنا بۋروۆا, فيلوسوفيا عىلىمدارىنىڭ دوكتورى, ۇقك اكادەمياسىنىڭ پروفەسسورى گۇلنار جۇمانوۆا, الەۋمەتتانۋ ماگيسترى, PhD دوكتور ءاليا سايلاۋبەكقىزى, ت.ب. ماماندار كەشەندى زەرتتەۋلەر قورىتىندىسىن ءمالىم ەتتى.
بۇل دەرەكتەر راديكاليزممەن كۇرەس جۇرگىزەتىن قۇقىق قورعاۋ ورگاندارى, ءدىني ەكسترەميزمگە قارسى ماسەلەلەرمەن اينالىساتىن ۇكىمەتتىك ەمەس ۇيىمدارعا, جەرگىلىكتى جەرلەردە ءدىني ينستيتۋتتارمەن ءوزارا ىقپالداستىقتا جۇمىس ىستەيتىن مەملەكەتتىك قىزمەتكەرلەرگە باعىتتالىپ وتىر. مەملەكەتتىك تاپسىرىس اياسىندا الماتى قالاسى ءدىن ىستەرى بويىنشا باسقارماسىنىڭ تاپسىرىسىمەن ءدىني قارىم-قاتىناستار بويىنشا قولدانىستاعى زاڭنامانى تۇسىندىرۋگە بايلانىستى «پەرسپەكتيۆا» اقپاراتتىق-كەڭەس بەرۋ توبى» قق وتىزدان استام شارالار وتكىزگەن.
ءدىني ۇدەرىستەر ستاتيستيكامەن ناقتىلانبايدى, كوزگە كورىنە بەرمەيدى, ولاردىڭ ارەكەتى دە ءبىر مەزەتتە پايدا بولمايدى, سوندىقتان دا قازاقستاندىقتاردىڭ ءدىني ساۋاتتىلىعى تۇرعىسىنداعى الەۋمەتتىك زەرتتەۋلەردىڭ ماڭىزى زور. مۇنداي زەرتتەۋلەر بارلىق ايماقتاردى, تۇرعىندار سانىن ەسەپكە الۋ ارقىلى ساراپتامالىق ساۋالناما ناتيجەسىندە جۇرگىزىلەدى. ساراپتاما جانە كوپتەگەن الەۋمەتتىك اقپاراتتاردىڭ جيىنتىعى نەگىزىندە قوعامدىق پىكىردىڭ, باعامداۋدىڭ, قوعامداعى ءدىني سالانىڭ دامۋى مەن قازىرگى جاعدايىنا بايلانىستى ۇستانىمداردىڭ قورىتىندىسىنا وراي ءدىني ۇدەرىستەردىڭ جالپى كورىنىسى انىقتالادى.
باياندامادا قازاقستاندىق قوعامنىڭ ومىرىندەگى ءدىننىڭ ءرولى, ءدىندى قابىلداۋ ماسەلەسى, ء داستۇرلى جانە جاڭا دىندەردىڭ ماڭىزى, ءدىني كونۆەرسيالاردىڭ ترەندتەرى, ونىڭ ىشىندە, ءدىني ەكسترەميزم جانە تەرروريزمگە بايلانىستى كوكەيكەستى سالالار كەڭىنەن كورىنىس تاپقان.
ەكسترەميزمنىڭ, راديكاليزمنىڭ الدىن الۋعا باعىتتالعان وتاندىق جانە شەتەلدىك تاجىريبەلەر, سونىمەن قاتار جەتىلدىرۋدى قاجەت ەتەتىن زەرتتەۋ ورتالىقتارى, ءداستۇرلى ءدىن ينستيتۋتتارىنىڭ, قوعامنىڭ, مەملەكەتتىڭ بىرلەسكەن قادامدارى زەرتتەلگەن.
بايانداما تىڭداۋشىلار تاراپىنان قىزىعۋشىلىق تۋدىرىپ, سۇراق-جاۋاپ, پىكىرلەرگە ۇلاستى. مادەني-رۋحاني جاڭارۋدا, تۇراقتىلىقتا, ىقپالداستىق اياسىندا ماڭىزدى ماسەلەلەردى شەشۋگە قوعامدىق كەلىسىمدەر ارقىلى قول جەتكىزۋدەگى ىنتىماقتاستىق تۋرالى پىكىرلەر ايتىلدى.
ەلۆيرا سەرىكقىزى,
«ەگەمەن قازاقستان»
الماتى
