كومپوزيتور ءومىرىنىڭ ءار كەزەڭدەرىن ەرەكشە تولعانىسپەن ەسكە الىپ, كەش قاتىسۋشىلارىن اسەرلى اڭگىمەگە قاراي باعىتتاپ وتىرعان تولەعاتاي اقباۋوۆ اسەت شىعارماشىلىعىنىڭ قاي تۇسىن الساق تا وزىندىك تاريحى, وزىنە عانا ءتان اسەرى بار ەكەندىگىنە توقتالدى. ال كومپوزيتوردىڭ 500 ءانىن قۇراستىرىپ, جيناق ەتۋگە اتسالىسقان قازاقستاننىڭ حالىق ءارتىسى نۇرعالي ءنۇسىپجانوۆ ءوز شىعارماشىلىعىنداعى اسەت اندەرىنىڭ تاريحىنا توقتالىپ, كومپوزيتور قانشا ءان جازسا, سول اندەرىنىڭ ارقايسىسى ەرەكشە ءبىر كۇيگە, تولعانىسقا تولى ەكەندىگىن جەتكىزدى.ۇلتتىق كىتاپحانانىڭ ءباسپاسوز قىزمەتىنىڭ مالىمەتتەرىنە سۇيەنسەك, ەسۋكە الۋ كەشىنە شاقىرىلعان قوناقتار ء«ان تورەسى – اسەت» تاقىرىبىندا ۇيىمداستىرىلعان كورمەنى كورىپ, اسەت ءومىرىن, كومپوزيتور شىعارماشىلىعىنىڭ جارقىن ساتتەرىن تاماشالادى.
ءىس-شاراعا قاتىسقان مۋزىكا زەرتتەۋشى پەرنەبەك مومىن ۇلى, جازۋشى تۇرسىنبەك ەشەنقۇلوۆ, قازاقستاننىڭ ەنبەك سىڭىرگەن ءارتىسى ۇلجان ايناقۇلوۆا, ەسترادا ءانشىسى ءا.ايناقۇلوۆا, اسەت بەيسەۋوۆتىڭ باۋىرلارى امانگەلدى, ءبوبىش بەيسەۋوۆتەر, بالاسى دانيار بەيسەۋوۆ, نەمەرەلەرى, مۋزەي قىزمەتكەرلەرى, ستۋدەنتتەر, ت.ب. قاتىسىپ كومزوزيتور ءومىرىنىڭ شۋاقتى دا, كوركەم شاقتارىن ەسكە الدى.
بۇگىندە كومپوزيتوردىڭ «المالى الماتىم», «گۇلدەر», «شاقىرادى كوكتەم», «مۇڭايما», «التىنىم», «مارالدىم», «ساندۋعاش», «سىرلاسۋ ءۆالسى», «جۇلدىزىم», «ارمانداستار», «جايىقتان قايتقان تىرنالار» جانە ت.ب. تۋىندىلارى قازاق ءان ونەرىنىڭ التىن قورىنا ەنۋىمەن قاتار, انسۇيەر قاۋىمنىڭ جۇرەگىنە تەرەڭ بويلاعان.
ەلۆيرا سەرىكقىزى,
«ەگەمەن قازاقستان»
الماتى
