«مۇعالىمنىڭ كاسىبي قۇزىرەتتىلىگىن قالىپتاستىرۋداعى پەداگوگتەردىڭ بىلىكتىلىگىن ارتتىرۋ جۇيەسىنىڭ رولىنە» قاتىستى زامانۋي تالاپتارعا توقتالعان رايسا اجدارقىزى ۇستازداردىڭ بىلىكتىلىگىن كوتەرۋدەگى «ورلەۋدىڭ» الماتى قالاسى بويىنشا جاسالىپ جاتقان جۇمىستارىنا توقتالدى.
مازمۇنى جاڭارتىلعان ءبىلىم بەرۋ باعدارلاماسى بويىنشا وقۋشىلاردىڭ سىني ويلاۋ داعدىلارىن قالىپتاستىرۋعا, پاندەر بويىنشا فۋنكتسيونالدىق ساۋاتتىلىعى مەن جوبا جۇمىستارىنىڭ تيىمدىلىگىن ارتتىرۋعا باعىتتالعان ءبىلىم بەرۋدىڭ يننوۆاتسيالىق تەحنولوگيالارىن مۇعالىمدەرگە وقىتۋدا ەلىمىزدىڭ ءار وبلىسىندا ورنالاسقان «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى فيليالدارى پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتتارىنىڭ پروفەسسورلىق-وقىتۋشىلىق قۇرامى ايانباي ەڭبەك ەتۋدە.
سولاردىڭ قاتارىندا «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامىنىڭ فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى وتاندىق جانە شەتەلدىك وزىق ادىستەرمەن بىرگە ءوزىمىزدىڭ قالا مۇعالىمدەرىنىڭ ۇزدىك كاسىبي يدەيالارىن ىسكە اسىرۋدا ءتيىمدى, ءساتتى ءبىلىم بەرۋ اياسىن قالىپتاستىرۋ باعىتىندا قىزمەت جاسايدى.
ءبىلىم بەرۋ جۇيەسىنىڭ بارلىق دەڭگەيىندەگى مۇعالىمدەر ءۇشىن بىلىمدىك قىزمەت كورسەتەدى. قىسقامەرزىمدى كۋرستار, سونىمەن قاتار مازمۇنى جاڭارتىلعان ءبىلىم بەرۋ باعدارلاماسى شەڭبەرىندە: جاڭعىرتىلعان دەڭگەيلىك كۋرستار; اعىلشىن ءتىلىن وقىتۋ بويىنشا پاندىك-تىلدىك كۋرستار; روبوتوتەحنيكا بويىنشا كۋرستار; كۇندىزگى-قاشىقتىقتان وقىتۋ رەجيمىندەگى كۋرستار; ينكليۋزيۆتى ءبىلىم بەرۋگە مۇعلىمدەردى دايارلاۋ. بارلىق كۋرستار مەملەكەتتىك تاپسىرىس نەگىزىندە جۇرگىزىلەدى.
2017 جىلدىڭ جوسپارى بويىنشا, ينستيتۋتتا وتكەن 120 بىلىكتىلىكتى ارتتىرۋ كۋرستارىندا 3642 پەداگوگ كاسىبي بىلىكتىلىگىن شىڭدادى. 2018 جىلدىڭ ءبىرىنشى جارتىسىندا الماتى قالاسىنىڭ 2475 مۇعالىمى كۋرستا وقىدى.
مەملەكەتتىك تاپسىرىس بويىنشا ءۇشىنشى جىل قاتارىنان مازمۇنى جاڭارتىلعان ءبىلىم بەرۋ باعدارلاماسى بويىنشا پەداگوگتەردىڭ بىلىكتىلىگىن ارتتىرۋ كۋرستارى وتكىزىلۋدە. ماسەلەن, 2017 جىلى وتكىزىلگەن 80 كۋرستا 2652 مۇعالىم بىلىكتىلىگىن ارتتىردى. سونىمەن قاتار قوسىمشا كونتينگەنت ءۇشىن 7 كۋرستا 210 مۇعالىم وقىتىلدى. 2018 جىلى مازمۇنى جاڭارتىلعان ورتا ءبىلىم بەرۋ شەڭبەرىندە ۇيىمداستىرىلعان 81 كۋرستان 2241 مۇعالىم وتكەن. الايدا ولاردىڭ 23-ءى سەرتيفيكات الماعان. 2016-2018 جىلدار ارالىعىندا جالپى سانى 41 تىڭداۋشى سەرتيفيكاتتالماعان.
ينكليۋزيۆتى ءبىلىم بەرۋ بويىنشا مۇعالىمدەردى دايارلاۋ ءىسى قازىرگى تاڭدا وزەكتى ماسەلە بولىپ تابىلادى. ەرەكشە جاعدايدا وقىتۋدى قاجەت ەتەتىن بالالاردى جالپى ءبىلىم بەرەتىن مەكتەپ جاعدايىنا بەيىمدەۋ, الەۋمەتتەندىرۋ پەداگوگتەردىڭ ايرىقشا دايىندىعى مەن ارنايىبىلىكتىلىگىن تالاپ ەتەدى. وسى ماسەلەلەردى شەشۋ ماقساتىندا 2017 جىلى ينستيتۋت جالپى ءبىلىم بەرەتىن مەكتەپ مۇعالىمدەرى ءۇشىن كۋرستار وتكىزدى. ينستيتۋتتا ءبىرىنشى رەت ينكليۋزيۆتى ءبىلىم بەرۋ بويىنشا كەڭەيتىلگەن فورماتتا – 160 ساعات كولەمىندە كۋرس ءوتتى. مەملەكەتتىك تاپسىرىس بويىنشا بۇل كۋرستا جالپى ءبىلىم بەرەتىن مەكتەپتەردىڭ 57 مۇعالىمى وقىدى.
«ورلەۋ» باۇو» اق باعدارلاماسىنىڭ باسقا كۋرستاردان ارتىقشىلىعى ءتىل مەن ءپاندى ىقپالداستىرۋ ادىسىمەن (CLIL) وقىتىپ, تكت CLIL سەرتيفيكاتتارىنىڭ بەرىلۋى. وسى باعىتتا بىلىكتىلىكتى ارتتىرۋ ينستيتۋتى 2010 جىلدان بەرى جۇمىس جاسايدى, جانە ناقتى جەتىستىكتەرى بار ەكەندىگىن ايتقانىمىز ورىندى. بىزدەگى قىسقا مەرزىمدى كۋرستا اعىلشىن ءتىلىن وقىعان مۇعالىمدەر بويىنشا CLIL ادىستەمەسى بويىنشا ساباقتارىن اعىلشىن تىلىندە وتكىزۋدە. كۋرستان وتكەن مۇعالىمدەرگە جۇيەلى تۇردە كۋرسارالىق قولداۋ كورسەتىلىپ, كەڭەستەر بەرىلەدى. ادىستەمەلىك نۇسقاۋلىقتار, جاراتىلىستانۋ-ماتەماتيكالىق باعىتتاعى پاندەر بويىنشا گلوسساري (سوزدىك), ساباقتىڭ قۇرىلىمى تۋرالى فراگمەنتتەر, ۆيدەو-ساباقتار www.almaty-pkso.kz سايتىنا قويىلدى. فيليالدىڭ فەيسبۋكتەگى «ورلەۋ الماتى» پاراقشاسى دا بەلسەندى.
ەلۆيرا سەرىكقىزى,
«ەگەمەن قازاقستان»
الماتى
