ءبىلىم بەرۋ, دەنساۋلىق ساقتاۋ, تكش سالالارىنداعى كورسەتىلەتىن قىزمەتتەر ساپاسىن ارتتىرۋ, باعا بەلگىلەۋ ايقىندىعىن قامتاماسىز ەتۋ جانە وڭىردە تاريفتەردى تومەندەتۋ بويىنشا قابىلدانىپ جاتقان شارالارعا باسا كوڭىل بولىنەدى.
وبلىس ورتالىعىندا پرەمەر-مينيستر ءبىلىم بەرۋ, دەنساۋلىق ساقتاۋ سالاسىنداعى قىزمەتكەرلەرمەن, وڭىرلىك بيزنەس قاۋىم وكىلدەرىمەن بىرقاتار كەزدەسۋلەر وتكىزەدى. كۇن تارتىبىندە — مەديتسينالىق قىزمەتتەر ساپاسىن جاقسارتۋ, وبلىستا كورسەتىلەتىن قىزمەتتەر مەن ءدارى-دارمەكتەر باعاسىنىڭ قالىپتاستىرىلۋ ءۇردىسىنىڭ اشىقتىعى, ءبىلىمنىڭ قولجەتىمدىلىگىن ارتتىرۋ, بىلىكتى كادرلار دايارلاۋ ساپاسى جانە ودان ءارى جۇمىسقا ورنالاسۋىن قامتاماسىز ەتۋ, كاسىپكەرلىكتى دامىتۋ, «يندۋستريا 4.0» ەلەمەنتتەرىن ەنگىزۋ ارقىلى وڭدەۋ سەكتورىنىڭ باسەكەگە قابىلەتتىلىگىن ۇلعايتۋ جانە ت. ب.
ساپاردىڭ باستى ماقساتتارىنىڭ ءبىرى — تاريف ساياساتىنىڭ اشىقتىعى ماسەلەلەرى جانە جامبىل وبلىسىندا تاريفتەردى تومەندەتۋ بويىنشا قابىلدانىپ جاتقان شارالار, اتالعان ماسەلەلەر وبلىستىق مونوپولياعا قارسى ۆەدومستۆونىڭ, وڭىرلىك ەلەكتر جەلىسى كومپانياسىنىڭ, مونوپوليا كومپانيالارىنىڭ, كوممۋنالدىق كاسىپورىنداردىڭ جانە پروكۋراتۋرانىڭ باسشىلارىمەن وتەتىن كەڭەس بارىسىندا قاراستىرىلادى.
سونىمەن قاتار, جۇمىس ساپارى بارىسىندا پرەمەر-مينيستر بىرقاتار ونەركاسىپتىك جانە الەۋمەتتىك ينفراقۇرىلىم نىساندارىن ارالايدى, ولاردىڭ مىسالىندا وڭىردە «نۇرلى جەر» جانە «7–20–25» تۇرعىن ءۇي باعدارلامالارىنىڭ جۇزەگە اسىرىلۋىمەن, مەديتسينالىق قىزمەتتەر ساپاسىمەن, سۋمەن جابدىقتاۋ جۇيەسىنىڭ جاڭعىرتىلۋىمەن, تسيفرلاندىرۋدى ەنگىزۋ, ونەركاسىپ جانە اۋىل شارۋاشىلىعى سالالارىنىڭ دامۋ بارىسىمەن تانىسادى.
وبلىسقا كەلگەن بويدا ب. ساعىنتاەۆ «كوكجيەك–2030» جشس ءسۇت ونىمدەرىن شىعاراتىن كاسىپورنىنىڭ جۇمىسىن تەكسەرىپ, اوك دامۋىمەن جانە پرەزيدەنتتىڭ اۋىل شارۋاشىلىعى ونىمدەرىن وڭدەۋ كولەمىن ارتتىرۋ جونىندەگى تاپسىرمالارىنىڭ ورىندالۋ بارىسىمەن تانىستى. بۇگىنگى تاڭدا كاسىپورىن 40-تان استام ءسۇت ونىمدەرىنىڭ تۇرلەرىن شىعارادى. جىل باسىنان بەرى 200 توننا سارى ماي, 500 توننا قۇرعاق ءسۇت جانە باسقا دا ءسۇت ونىمدەرى شىعارىلدى. «كوكجيەك–2030» جشس باسشىسى ءا. بەگىمبەتوۆتىڭ ايتۋىنشا بيىل كاسىپورىندى جاڭعىرتۋ اياسىندا FRAU Impianti يتاليالىق كومپانياسىنىڭ زاماناۋي جابدىعى ساتىپ الىنىپ, ىسكە قوسىلدى. بۇل زاۋىت قۋاتتىلىعىن جىلىنا 25 مىڭ توننا سۇتكە دەيىن ۇلعايتۋعا جول اشتى.
جامبىل وبلىسى اكىمىنىڭ ورىنباسارى م. شوكەەۆ, ءوز كەزەگىندە, وڭىردە اۋىل شارۋاشىلىعىن دامىتۋ كورسەتكىشتەرى مەن پەرسپەكتيۆالارى تۋرالى باياندادى. ماسەلەن, قاڭتار–قىركۇيەك ايلارىندا اۋىل شارۋاشىلىعىنىڭ جالپى ءونىم شىعارىلىمى 190,5 ملرد تەڭگەنى قۇرادى, بۇل 2017 جىلدىڭ سايكەس كەزەڭىمەن سالىستىرعاندا 4,2% جوعارى. اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار وتكەن جىلى 63,9%-عا ءوسىپ, 19,3 ملرد تەڭگەنى قۇرادى, ونىڭ ىشىندە ازىق-ت ۇلىك ونىمدەرى وندىرىسىنە ينۆەستيتسيالار 26,5%-عا ارتىپ, 5 ملرد تگ قۇرادى.
ازىق-ت ۇلىك ونىمدەرىنە باعانى تۇراقتاندىرۋ جۇمىستارى اياسىندا 54 الەۋمەتتىك دۇكەن ارقىلى ارزان باعامەن 1,2 ملرد تەڭگەگە 810 توننا تاۋار ساتىلدى. جىل باسىنان بەرى تۇراقتاندىرۋ قورىنان وبلىستىڭ بارلىق اۋداندارىنا 398 ملن تەڭگەگە 296 توننا تاۋار ساتىلدى. وبلىستا 169 اۋىلدىق جارمەڭكە وتكىزىلدى. 2019 جىلى تاۋارلاردى تىكەلەي وندىرۋشىلەردەن تۇتىنۋشىلارعا ساتۋ ءۇشىن 20 كيوسك جانە كوممۋنالدىق نارىقتى جاڭعىرتۋ كوزدەلگەن.
اۋىل شارۋاشىلىعى مينيسترلىگىنىڭ دەرەكتەرىنە سايكەس, جامبىل وبلىسىندا قابىلدانىپ جاتقان شارالاردىڭ ارقاسىندا وسى جىلدىڭ قاڭتار–قىركۇيەك ايلارىندا وتكەن جىلدىڭ سايكەس كەزەڭىمەن سالىستىرعاندا ناقتى مانىندە وسىمدىك مايىنىڭ ءوندىرىسى 2,2 ەسەگە, كەپتىرىلگەن نان مەن پەچەنە — 93,3%-عا, شوكولاد — 2,7 ەسە, ماكارون — 0,8%, شۇجىق ونىمدەرى 2,6%-عا, وڭدەلگەن ءسۇت 17,3%-عا, قىشقىل ءسۇت ونىمدەرى 0,6%-عا, ىرىمشىك پەن سۇزبە — 17,2%-عا, بالمۇزداق 54%-عا ارتتى.
1 قازانداعى جاعداي بويىنشا وبلىستا ىقم باسى سانىنىڭ وتكەن جىلدىڭ سايكەس كەزەڭىمەن سالىستىرعاندا 9,5%-عا ءوسىرۋ ءۇردىسى بايقالدى. ەت ءوندىرىسى 3,8% ارتىپ, 44,1 مىڭ توننانى, سيىر ءسۇتى 2,8%-عا 246,5 مىڭ تونناعا دەيىن, تاۋىق جۇمىرتقاسى 5,5%-عا 99,5 ملن داناعا دەيىن ءوستى. توعىز ايدىڭ قورىتىندىسى بويىنشا سيىر ەتىنىڭ ەكسپورت كولەمى 640,9 توننا قۇرادى. بيىل جامبىل وبلىسىندا مالدى قىستاۋعا 1502 مىڭ توننا ءشوپ دايىندالدى, 107% قامتاماسىز ەتۋ, پىشىندەمە — 44,4 مىڭ توننا (95%) جانە سۇرلەم — 56 مىڭ توننا (125%).
2018 جىلى وبلىستا ەگىستىك القابى 669,1 مىڭ گەكتاردى قۇرادى, بۇل وتكەن جىلعىدان 38,9 مىڭ گەكتارعا ارتىق. 9 قاراشاداعى جاعداي بويىنشا وبلىس ءداندى داقىلداردى تولىق جيناپ العان. 299,2 مىڭ گەكتار نەمەسە ەگىس القابى 100%-عا جينالعان. 26,5 تس/گا ونىمدىلىگىمەن 791,7 مىڭ توننا استىق باستىرىلدى. 12 قاراشاداعى جاعداي بويىنشا وبلىستىڭ فەرمەرلەرىنە 20 مىڭ توننا سۋبسيديالانعان تىڭايتقىش ۇلەستىرىلگەن, بۇل 2017 جىلدىڭ كورسەتكىشتەن 2,9 مىڭ تونناعا (نەمەسە 17%-عا) ارتىق.
ءوز كەزەگىندە, اۋىل شارۋاشىلىعى ءبىرىنشى ۆيتسە-ءمينيسترى ا. ەۆنيەۆ سوڭعى اپتالاردا جامبىل وبلىسىندا ءسابىز جانە پيازدان باسقا بارلىق الەۋمەتتىك ماڭىزى بار ازىق-ت ۇلىك ونىمدەرىنىڭ شامالى وسكەنىن اتاپ ءوتتى.
وسىعان بايلانىستى, الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا ازىق-ت ۇلىك تاۋارلارىنىڭ وڭىرلىك تۇراقتاندىرۋ قورلارى قۇرۋ قولعا الىنىپ جاتىر. بيىلعى جىلدىڭ 8 قاراشاسىنداعى جاعداي بويىنشا, تۇراقتاندىرۋ قورىنداعى ازىق-ت ۇلىك ونىمدەرىنىڭ بالانسى 5 459 توننانى قۇرايدى, ونىڭ ىشىندە 1445 توننا كوكونىس, 448 توننا ءبىرىنشى سۇرىپتى ۇن, 60 توننا قاراقۇمىق, 55,48 توننا وسىمدىك مايى بار. سونىمەن بىرگە, اوك سالىمدارى مەن شوتتارىندا 392,837 مىڭ تەڭگە كولەمىندە قاراجات بار.
ەسكە سالا كەتەيىك, قر پرەمەر-ءمينيسترى مەملەكەت باسشىسىنىڭ تاپسىرماسىمەن ەل وڭىرلەرىن جۇمىس ساپارىمەن ارالاپ ءجۇر. وسىعان دەيىن باقىتجان ساعىنتاەۆ اتىراۋ, اقتوبە, قاراعاندى, قوستاناي, قىزىلوردا, ماڭعىستاۋ, تۇركىستان, اقمولا, باتىس قازاقستان, سولتۇستىك قازاقستان, پاۆلودار, شىعىس قازاقستان جانە الماتى وبلىستارىندا جۇمىس ساپارلارىمەن بولدى.
