كەزەكتى كوميسسيا وتىرىسىندا مەملەكەت باسشىسى نۇرسۇلتان ءابىش ۇلى نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» قازاقستان حالقىنا جولداۋى, «ارنايى يننوۆاتسيالىق الاڭدار قۇرۋ ارقىلى IT سالاسىندا جوعارى دارەجەلى جاس مامانداردى دايارلاۋ جانە قازاقستاننىڭ تسيفرلىق باسەكەگە قابىلەتتىلىگىن ارتتىرۋ» تاقىرىپتارى تالقىلاندى. سونىمەن قاتار كوميسسيا مۇشەلەرىنە ارنايى «Astana Hub» حالىقارالىق IT-ستارتاپتار تەحنوپاركىنىڭ تانىستىرىلىمى ءوتتى.
وتىرىس بارىسىندا حالىقارالىق IT ۋنيۆەرسيتەتىنىڭ رەكتورى شىنىبەكوۆ دامير ابدۋحالي ۇلى حالىقارالىق اقپاراتتىق تەحنولوگيالار ۋنيۆەرسيتەتىنىڭ IT سالاسىندا جوعارى دارەجەلى جاس مامانداردى دايارلاۋداعى ءرولى مەن اتقارىلىپ جاتقان جۇمىستارى جايلى باياندادى. ۋنيۆەرسيتەت وقىتۋشىلارىنىڭ 60%-ىنىڭ شەتەلدىك ءبىلىمى بار بولسا, 100-دەن استام تۇلەك «بولاشاق» باعدارلاماسى ارقىلى شەتەلدە ءبىلىم الۋدا. سونىمەن قاتار ورتاق كەلىسىم نەگىزىندە ستۋدەنتتەر امەريكالىق Carnegie Mellon ۋنيۆەرسيتەتىندە ءوز بىلىمدەرىن جەتىلدىرەدى.
ەرەكشە اتاپ وتەتىنى, حالىقارالىق IT ۋنيۆەرسيتەتى تەك جاستاردى عانا ەمەس, زەينەتكەرلەردى دە كومپيۋتەرلىك ساۋاتتىلىققا ۇيرەتەدى. بۇل ماقساتتا «50+» الەۋمەتتىك جوبا ىسكە اسىرىلادى. وسى ۋاقىتتا 4 000 استام زەينەتكەر مەن مۇمكىندىگى شەكتەۋلى ازاماتتار ءبىلىم العان.
