قازىرگى زاماناۋي تالاپتار مەن ۇندەس ءىستىڭ اقتوبە ايماعىندا وزگە وڭىرلەرمەن سالىستىرا قاراعاندا تومەن بولۋىنىڭ كەيبىر وبەكتيتىك جانە سۋبەكتيۆتىك سەبەپتەرى دە جوق ەمەس. سونىڭ ءبىرى وبلىس اۋماعىنىڭ وتە كەڭدىگى مەن اۋقىمدىلىعى بولىپ وتىر.
بۇگىنگى كەزدە وڭىردە وسى ولقىلىقتىڭ ورنىن تولتىرۋ جونىندە ناقتى ءىس-قيمىل جوسپارى بەلگىلەنگەن. سوعان سايكەس 2020 جىلعا قاراي وبلىس حالقىن جوعارى جىلدامدىقتاعى ينتەرنەت جەلىسىمەن قامتۋ 75 پايىزعا جەتەدى دەپ كۇتىلۋدە. بۇل جونىندە گازەت تىلشىسىنە «قازاقتەلەكوم» اق باتىس وڭىرلىك تەلەكوممۋنيكاتسيا ديرەكتسياسىنىڭ باس ديرەكتورى اباي قادىراليەۆ ايتىپ بەردى.
«تسيفرلى قازاقستان» جول كارتاسىنىڭ تيگىزىپ وتىرعان كومەگى مەن شاپاعاتى مول. ياعني ونىڭ اياسى مەن شەڭبەرىندە 250 دەن استام ادام تۇراتىن ەلدى-مەكەندەر مەن اۋىلداردى جوعارى جىلدامدىقتاعى ينتەرنەت جەلىسىنە قوسۋ ماقساتى كوزدەلگەن. بۇدان باسقا باعدارلاما بويىنشا دەنساۋلىق ساقتاۋ, ءبىلىم بەرۋ سالالارى مەن smart city جوباسىن ءبىر مەزگىلدە كەشەندى تۇردە تسيفرلاندىرۋ شارالارى قاراستىرىلعان.
تۇتاستاي العاندا قازىرگى كۇنى وبلىس بويىنشا جوعارى جىلدامدىقتاعى ينتەرنەت جۇيەسىمەن قامتۋ جۇمىستارى جۇيەلى جولعا قويىلعان. ونىڭ ءتيىستى ناتيجەلەرى دە بار. الداعى ماقسات اتقارىلعان ءىستىڭ اۋقىمىن ودان ءارى ارتتىرا ءتۇسۋ جانە «تسيفرلى قازاقستان» باعدارلاماسىنىڭ دەر كەزىندە جۇزەگە اسىرىلۋىن قامتاماسىز ەتۋ بولماق.
تەمىر قۇسايىن
«ەگەمەن قازاقستان»
