ونىڭ ايتۋىنشا, تۇتىنۋشىلار جىلۋ ءۇشىن تولەيتىن سوڭعى تولەم اتالمىش ەنەرگيانى ءوندىرۋ ءۇشىن پايدالانىلاتىن وتىن تۇرىنە بايلانىستى.
«سولتۇستىك وڭىردە نەگىزىنەن كومىردى پايدالانادى. ال, وڭتۇستىكتە گازدى قولدانادى. “بوگاتىر”, “قاراجىرا”, “مايكوبە” كومىرلەرى نەگىزىنەن سولتۇستىك ايماقتا وندىرىلەتىندىكتەن, بۇل ءوڭىر ءۇشىن ارزان شىعادى. ءارى جىلۋ ەلەكتر ەنەرگياسىنىڭ وتىن كوزى رەتىندە وتە ىڭعايلى. سوندىقتان ەلەكتر جانە جىلۋ بويىنشا ەڭ تومەنگى تاريفتەر ەلىمىزدىڭ سولتۇستىگىندە», — دەدى مينيستر.
ءدال وسى ماقساتتا وڭتۇستىككە گازدى ەلىمىزدىڭ باتىسىنان الىپ كەلەمىز. وزدەرىڭىز بىلەتىندەي, گاز حالىقارالىق ساۋدا تاۋارى بولعاندىقتان, اناعۇرلىم قىمباتىراق تۇرادى. سەبەبى ونىڭ وزىندىك قۇنى دا, جەتكىزۋ قۇنى دا ارزان ەمەس. دەمەك, ول جىلۋ ەنەرگياسىنىڭ قۇنىنا اسەر ەتەدى. ەگەر سولتۇستىكتە كوك وتىن قۇنى ءبىر گيگاكالوريا ءۇشىن 2300 تەڭگە بولسا, وڭتۇستىك وڭىرلەردە 5000 تەڭگەدەن اسادى.
«بۇعان قاتىستى جاعدايدى وزگەرتۋ وتە قيىن, ەنەرگيا ۇنەمدەۋشى تەحنولوگيالاردى جىلدامىراق ەنگىزۋ قاجەت. ەنەرگەتيكا مينيسترلىگىمەن كەن ورنىندا ساتۋ باعاسىنىڭ تومەندەۋى ءۇشىن جۇمىستار جاساپ جاتىرمىز. بۇنى ورىنداي الساق, وندا ءبىر اي ىشىندە تۇپكىلىكتى تۇتىنۋشىعا دەيىن وسى تومەندەتىلگەن باعالاردى جەتكىزە الامىز», — دەدى ۇلتتىق ەكونوميكا ءمينيسترى.
