– مەملەكەت باسشىسى جولداۋدا «شاعىن جانە ورتا بيزنەس سۋبەكتىلەرىن كەڭىنەن تارتا وتىرىپ, تۇرمىستىق قاتتى قالدىقتاردى زامان تالابىنا ساي ۋتيليزاتسيالاۋ جانە قايتا وڭدەۋ بويىنشا كەشەندى شارالار ازىرلەۋدى» تاپسىردى. قازىرگى تاڭدا ءتيىستى جۇمىس اتقارىلۋدا. 9 اي ىشىندە 120 مىڭ توننا قالدىق جينالىپ, ونىڭ 3040 تونناسى پايداعا جاراتىلدى, – دەدى مارات ەرداۋلەت ۇلى.
وبلىستاعى «ىبىرايحان جانە ك-لتد» كومپانياسى 2004 جىلدان بەرى قاتتى قالدىقتار اينالىمىن باسقارۋ ىسىمەن اينالىسىپ كەلەدى. وزگە كاسىپكەرلەر دە تۇرمىستىق قاتتى قالدىقتاردان شاتىر جامىلعىسىن جانە جاياۋ جۇرگىنشىلەر جولىنا ارنالعان توسەنىشتەر جاساپ جاتىر.
«ەكو-ن سەرۆيس», «تەمىرجاس Group» جشس ىستەن شىققان, قۇرامىندا جارامسىز سىنابى بار شامداردى زالالسىزداندىرۋدى جۇزەگە اسىرىپ كەلەدى. قارماقشى اۋدانىنداعى «سترويسەرۆيس» سەرىكتەستىگى اۋدان تۇرعىندارىنان جانە كورشى اۋدانداردان پوليەتيلەن پاكەتتەردى قابىلداپ, پلاستماسسا ترۋبا شىعارۋدى جوسپارلاپ وتىر.
وركەنيەتتى ەلدەردە تۇرمىس قالدىقتارىن وڭدەپ, ەل قاجەتىنە جاراتۋ الىمساقتان بار. جاپونيا سياقتى مەملەكەتتەر جارامسىز قالدىقتاردى پرەسستەپ مۇحيت شايعان جاعالاۋدى بەكىتىپ جاتىر. ەۋروپا قالدىقتى وڭدەپ, قالدىق قالدىرمايدى. سول جاقسى ۇدەرىس بىزگە دە جەتتى.
باقتيار تايجان,
«ەگەمەن قازاقستان»
قىزىلوردا وبلىسى
