بايقاۋعا 8 بەن 11-سىنىپ ارالىعىنداعى 27 وقۋشى قاتىسقان. وسكەلەڭ ۇرپاقتى ىزگىلىككە باۋليتىن ايتۋلى شارانى «زەينوللا سانىك اتىندىعى مادەنيەت قورى» مەن اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرناتى بىرلەسىپ ۇيىمداستىرعان.
– بۇل بايقاۋدىڭ نەگىزگى ماقساتى – جاھاندانۋ زامانىنداعى جاستاردىڭ, بابالاردىڭ بىزگە قالدىرعان ونەگەلى وسيەتىن, بي-شەشەندەردىڭ شەشەندىك تولعاۋىن, عيبراتتى شىعارمالارىن, انا ءتىلىن قانشالىقتى دەڭگەيدە تانىپ ءبىلدى, ءسوز بيىگىنە قاي دەڭگەيدە سۋسىندادى, سوعان جاۋاپ ىزدەۋ. ءىس-شارا بيىل تۇڭعىش رەت شىمىلدىعىن ءتۇرىپ وتىر. ۇرپاعىمىز ءۇشىن اسا قاجەتتى بۇل بايقاۋ ارى قاراي ءداستۇرلى تۇردە جالعاسىن تاپسا دەگەن نيەتتەمىز, – دەيدى «زەينوللا سانىك اتىنداعى مادەنيەت قورىنىڭ» قىزمەتكەرى جارقىن سالەن ۇلى.
سايىس قورىتىندىسىنا سايكەس جۇزدەن جۇيرىك دەپ تانىلعان وقۋشىلارعا ارنايى ديپلوم مەن ەستەلىك سىيلىقتار تابىستالدى.
ارمان وكتيابر,
«ەگەمەن قازاقستان»
الماتى
