ونىڭ ايتۋىنشا, بيىلعى 1 قاراشاعا جەرگىلىكتى بيۋدجەتكە 118,7 ميلليارد تەڭگە نەمەسە ەسەپ بەرۋ كەزەڭىندەگى جوسپارعا 96,7% كىرىس تۇسكەن. تۇسپەي قالعان كىرىس 4,1 ميلليارد تەڭگە. بۇل تولىعىمەن سالىقتىق ەمەس تۇسىمگە جاتادى.
ماڭعىستاۋ وبلىسى بويىنشا جەر قويناۋىن پايدالانۋ جانە گەولوگيا ينسپەكتسياسىنىڭ باسشىسى ا.كەلبەت پەن جەر قاتىناستارى باسقارماسىنىڭ باسشىسى ە.دۇزماعامبەتوۆ گەولوگيا سالاسى مەن جەر قويناۋىن پايدالانۋدىڭ دامۋى تۋرالى بايانداما جاسادى. ماڭعىستاۋ وبلىسىنىڭ اۋماعىندا بارلىعى 251 جەر قويناۋىن پايدالانۋشى بارلاۋ مەن ءوندىرۋدى جۇزەگە اسىرادى. قازاقستان رەسپۋبليكاسى ينۆەستيتسيالار جانە دامۋ مينيسترلىگى بەكىتكەن 2018 جىلدىڭ ءبىرىنشى جارتى جىلدىعىندا 27 ءىشىنارا تەكسەرۋ جوسپارلانعانى تۋرالى مالىمدەدى. بارلىعى كسش (كومىرسۋتەك شيكىزاتى) بويىنشا 7 تەكسەرۋ, كتپق (كەڭ تارالعان پايدالى قازبالار) بويىنشا 12 تەكسەرۋ, جس (جەراستى سۋلارى) بويىنشا 2 تەكسەرۋ جۇرگىزىلگەن. «باتىسقازجەرقويناۋى» ءود ماڭعىستاۋ وڭىرلىك ينسپەكتسياسى بويىنشا 2018 جىلدىڭ ءبىرىنشى جارتىجىلدىعىندا 5 844 150 تەڭگە ايىپپۇل سالىندى.
وڭىردە مەتالل ەمەس پايدالى قازبالار - كومىر, فوسفوريتتەر, بور, قۇرىلىس تاستارى, كىرپىش سازداقتار, كەرامزيت جانە بەنتونيت سازدارى جانە باسقالارى بار ەكەنىن جەتكىزگەن بايانداماشى اشىلعان كەن ورىندارىنىڭ 90%-دان استامىن جەر قويناۋىن پايدالانۋشىلار ءوندىرىپ جاتقانىن جەتكىزدى.
ماڭعىستاۋ وبلىسىندا جەر قويناۋىن پايدالانۋعا ارنالعان 314 كەلىسىم-شارت جۇمىس ىستەيدى.
جەر قاتىناستارى باسقارماسىنىڭ باسشىسى ە.دۇزماعامبەتوۆتىڭ ايتۋىنشا, بۇگىنگى كۇنى مونيتورينگ قورىتىندىسى نەگىزىندە وبلىستا تىركەلگەن 241 جەر قويناۋىن پايدالانۋشىنىڭ 165 ۋچاسكەسىندە كەلىسىم-شارتتان تىس پايدالانىلعان ايماقتار كورسەتىلگەن. قازىرگى كەزدە, كاسىپورىنداردىڭ بالانسىنداعى پايدالى قازبالار قورى: كەسپە قۇرىلىس تاس (اكتاس- ۇلۋتاس)147 ميلليون تەكشە مەتر, قۇرىلىس قيىرشىق تاس 215 ميلليون تەكشە مەتر, قۇم-قيىرشىق تاس قوسپاسى 88 ميلليون تەكشە مەتر, بوردىڭ قورى 125 ميلليون تەكشە مەتردى قۇرايدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
