مەكتەپتىڭ اشىلۋىندا ءسوز سويلەگەن اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى قايرات بايگەباەۆتىڭ ايتۋىنشا, جوعارعى وقۋ ورىندارىنىڭ ىشىندە 26 ستۋدەنت اتالعان مەكتەپتىڭ تىڭداۋشىسى بولۋعا نيەت ءبىلدىرىپ, 19-ى الدىن-الا كونكۋرستان سۇرىنبەي وتكەن.
مەملەكەتتىك قىزمەتتىڭ بەدەلىن ارتتىرۋ ماقساتىندا قولعا الىنعان جوبا اياسىندا, ستۋدەنتتەردى ءتۇرلى ءىس-شارالار مەن وقىتۋ كۋرستارىن, مەملەكەتتىك ورگانداردا تاجىريبەدەن ءوتۋىن ۇيىمداستىرۋ جانە ۇكىمەتتىك ەمەس ۇيىمداردىڭ قىزمەتىمەن تانىستىرۋ كوزدەلگەن.
بولاشاق كوشباسشىلار وقۋىن اياقتاعاننان كەيىن, بەلگىلەنگەن مەملەكەتتىك مەكەمەلەردە ءبىر اي كولەمىندە ءىس-تاجىريبەدەن وتەدى. اتالعان كەزەڭدەردەن وتكەن سوڭ مەملەكەتتىك قىزمەت مەكتەبىنىڭ تۇلەكتەرىنە ءبىلىم ورداسىن اياقتاعانى تۋرالى ارنايى سەرتيفيكاتتار بەرىلەدى.
- ستۋدەنتتەر قر كونستيتۋتسياسىن, ەلىمىزدىڭ تاريحىن ءبىلۋ بويىنشا تەست سۇراقتارىنا جاۋاپ بەرىپ, اڭگىمەلەسۋ كەزەڭىنەن ءوتتى جانە وزدەرى تۋرالى موتيۆاتسيالىق ەسسە جازىپ, كابىلداۋ كوميسسياسىنىڭ وڭ شەشىمىن الدى. ال كوميسسيا قۇرامىنا دەپارتامەنت قىزمەتكەرلەرىنەن بولەك, قوعامدىق ۇيىم وكىلدەرى كىردى. مەملەكەتتىك قىزمەت مەكتەبىنىڭ تىڭداۋشىلارى مەملەكەتتىك قىزمەتشىنىڭ ادەپ ەرەجەسىن ساقتاۋى, سىبايلاس جەمقورلىقتىڭ الدىن-الۋ, مەملەكەتتىك كورسەتىلەتىن قىزمەتتەر, ۇكىمەتتىك ەمەس ۇيىمداردىڭ قىزمەتى, قۇقىق قورعاۋ ورگاندارىنىڭ جانە سوت جۇيەسىنىڭ قىزمەتىمەن تانىسۋ تاقىرىپتارىندا وقىتىلاتىن بولادى, دەيدى ق. بايگەباەۆ.
قر پرەزيدەنتى جانىنداعى مەملەكەتتىك باسقارۋ اكادەمياسىنىڭ وڭىرلىك فيليالىندا «مەملەكەتتىك قىزمەت مەكتەبى» تىڭداۋشىلارىنا قۇقىق قورعاۋشىلار ءدارىس وقۋدى باستاپ كەتتى. العاشقى كۇنى ىشكى ىستەر دەپارتامەنتى, وبلىستىق سوت جانە وبلىستىق پروكۋراتۋرا ورگاندارىنىڭ وكىلدەرى ستۋدەنتتەردىڭ سۇراقتارىنا جاۋاپ بەردى.
«ادال قىزمەت – پوليتسياعا مىندەت» دەپ ءسوزىن باستاعان ماڭعىستاۋ وبلىستىق ىشكى ىستەر دەپارتامەنتىنىڭ كادر جۇمىسى باسقارماسى باستىعىنىڭ ورىنباسارى سەرىك مولباەۆ, ىشكى ىستەر ورگاندارىنىڭ جۇمىسى تۋرالى ايتا كەلە, قوعامدىق ءتارتىپ پەن قاۋىپسىزدىكتى قامتاماسىز ەتۋ باعىتىندا اتقارىلىپ جاتقان جۇمىستارعا توقتالدى.
ال, ماڭعىستاۋ وبلىسى سوتتار اكىمشىسىنىڭ كادر ءبولىمىنىڭ باسشىسى قانات نۇرقابىل ۇلى, سوت جۇيەسىندەگى رەفورمالار, سۋديا بولۋ ءۇشىن قويىلاتىن تالاپتار جانە سوتتان ءىس-تاجىربيەدەن ءوتۋ تۋرالى تولىققاندى اقپارات بەردى.
سونىمەن قاتار, ماڭعىستاۋ وبلىسى پروكۋرورىنىڭ كومەكشىسى سەرىك ءادىلوۆ, پروكۋراتۋرا ورگاندارىنىڭ نەگىزگى مىندەتتەرىنە كونستيتۋتسيا مەن زاڭداردىڭ ۇستەم تۇرۋىن قامتاماسىز ەتۋ, ادامنىڭ جانە ازاماتتىڭ قۇقىقتارى مەن بوستaندىقتارىن, سونداي-اق قوعaم مەن مەملەكەتتىڭ زaڭمەن قورعالاتىن مۇددەلەرىن قورعاۋ بولىپ تaبىلاتىندىعى تۋرالى تۇسىنىك بەردى.
اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى قايرات بايگەباەۆ, مەملەكەتتىك قىزمەت مەكتەبىندە وتكىزگەن ستۋدەنتتەرگە تەوريالىق بىلىمدەرىن تاجىربيەدە ساباقتاپ, پايدالى اقپاراتتار الدى دەگەن سەنىمدە ەكەندىگىن جەتكىزىپ, وزات ستۋدەنتتەرگە بولاشاقتا بىلىكتى «زاڭگەر» بولىپ شىعۋلارىن تىلەدى.
الداعى ۋاقىتتا ستۋدەنتتەرگە اگەنتتىكتىڭ اۋماقتىق دەپارتامەنتىنىڭ وكىلدەرى ءدارىس وقيتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
