اتالعان ىستەردىڭ كەيبىرىنە توقتالا كەتەر بولساق, بيىل وڭىردە بالالارعا ارنالعان تەگىن ءىت سىنىپتار اشۋ جوباسى بويىنشا ىرگەلى ىستەر قولعا الىندى. بۇگىندە بۇل سىنىپتاردا مىڭداعان وقۋشى ءتالىم الىپ ءجۇر. بەلگىلى ءبىر بولىگى سكراچ-باعدارلامالاردىڭ ءبىرىنشى ءمودۋلىن اياقتادى. بۇل باعىتتا اقتوبە پوليتەحنيكالىق كوللەدجىنىڭ بازاسىندا موبيلدىك باعىتتار بويىنشا ماماندار ازىرلەيتىن ءىت ورتالىقتارىنىڭ قىزمەتى ناتيجەلى دەۋگە بولادى.
سوڭعى ەكى جىلدىڭ ىشىندە وڭىردە پارتيا مۇشەلەرىنىڭ قاتارى 7000 ادامعا تولىقتى. بۇل رەتتە نۇروتاندىقتاردىڭ ساپالىق قاسيەتىنە دە باسا كوڭىل بولىنۋدە. ايتالىق, وتكەن جىلى پارتيا فيليالىن ساپالىق تۇرعىدان جاڭعىرتۋ ماسەلەسى كوتەرىلىپ, سوعان سايكەس پارتيا ۇيىمدارىنىڭ سانى 442 دەن 261-گە دەيىن قىسقارتىلدى. مۇندا قولعا الىنعان جوبالاردىڭ ءبىرى – «ارداگەرلەردى ارداقتايىق» دەپ اتالسا, وسى شەڭبەردە ۇلى وتان سوعىسىنا قاتىسۋشى 50 ارداگەرگە جانە 6000 تىل ەڭبەككەرى مەن سوعىس ارداگەرىنە تەڭەستىرىلگەن تۇلعالارعا سىي-قۇرمەت كورسەتىلدى.
پارتيا فيليالى مەملەكەت باسشىسىنىڭ جولداۋىندا كورسەتىلگەندەي حالىقتىڭ ءال-اۋقاتىن كوتەرۋگە باعىتتالعان باستامالارعا ۇدايى ۇيىتقى بولىپ ءجۇر. تاعى ءبىر ايتا كەتەرلىك ماسەلە, «نۇر وتان» پارتياسىنىڭ وڭىرلىك فيليالى مەكتەپ اسحانالارىنىڭ جۇمىسىن جۇيەلى جولعا قويۋ ءۇشىن «بىرىڭعاي تاماقتاندىرۋ كومبيناتى» اتتى قاناتقاقتى جوبانى قولعا العان-دى. بۇعان بايلانىستى ءوز وي-پىكىرىن «نۇر وتان» پارتياسىنىڭ حاتشىسى يليا تەرەنچەنكو وڭىرگە كەلگەن ساپارىندا بىلايشا جەتكىزدى: «ساپالى دا, قۇنارلى, دارۋمەندەرى مول تاعام جاس جەتكىنشەكتەردىڭ دەنساۋلىعى جاقسى بولۋىنا نەگىز قالايدى. بۇل رەتتە پارتيانىڭ اقتوبە وبلىستىق فيليالى ەكسپەريمەنتتىك ىسكە باستاماشى بولا ءبىلدى. ونى رەسپۋبليكانىڭ وزگە وڭىرلەرىنە تاراتۋ ماسەلەسى اقتوبەدەگى العاشقى سىناق-تاجىريبەنىڭ نەگىزگى ناتيجەلەرىنە بايلانىستى بولماق».
فيليال توراعاسىنىڭ ورىنباسارى داريعا ەسماعامبەتوۆا پارتيانىڭ باستاماسىمەن قولعا الىنعان ءاربىر جوبانى جۇزەگە اسىرۋعا «رۋحاني جاڭعىرۋ» باعدارلاماسىنىڭ ەكىنشى كەزەڭى سونى سەرپىلىس بەرگەنىن ايتىپ بەردى.
بۇگىن دە كۇنى فيليالداعى ىلكىمدى ىستەر ودان ءارى جالعاسۋدا.
تەمىر قۇسايىن,
«ەگەمەن قازاقستان»
اقتوبە
