باتىس قازاقستان وبلىستىق پوليتسيا دەپارتامەنتىنە قاراستى كينولوگيالىق قىزمەت ورتالىعى قىلمىستىڭ الدىن الۋ جانە بولعان قىلمىستاردى اشۋ كەزىندە ەرەكشە ۇلەس قوسىپ كەلەدى. مۇندا 28 ءىزشىل, ءيىسشىل يت ارنايى كينولوگ مامانداردىڭ ۇيرەتۋىمەن تاۋلىك بويى كەزەكشىلىكتە ءجۇر. جەدەل-ىزدەستىرۋ توبىمەن بىرگە ولار ەسىرتكى, جارىلعىش زاتتار مەن قارۋ-جاراقتاردى ىزدەپ تاۋىپ, وقيعا ورنىندا قىلمىسكەردىڭ ىزىنە ءتۇسۋ جانە تۇتقىنداۋ شارالارىنا قاتىسادى.
– جىل باسىنان بەرى وتكەن ون اي ىشىندە قىزمەتتىك يتتەردىڭ كومەگىمەن 227 ۇرلىق, 27 توناۋ, 56 ەسىرتكى قىلمىسى اشىلدى. ەكى ادامنىڭ ولىمىنە جانە ءبىر ادامنىڭ اۋىر جاراقاتىنا بايلانىستى قىلمىستاردى اشكەرەلەۋگە دە ءبىزدىڭ ءتورت اياقتى دوستارىمىز ولشەۋسىز ۇلەس قوستى, – دەيدى باتىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ قىزمەتكەرى ءاليا ناۋرىزعاليەۆا.
كينولوگيالىق قىزمەت ورتالىعىنىڭ باستىعى, پوليتسيا ما-يورى تالاپ اسەتوۆتىڭ ايتۋىنشا, قىزمەتتىك يتتەردى ۇيرەتىپ, باۋلىعانشا كوپ ۋاقىت وتەدى. ء«وز ءىسىن ءسۇيىپ جاسايتىن, يتىمەن شىنايى دوستىق ورناتقان مامان عانا ناقتى ناتيجەگە جەتەدى», دەيدى ول.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
