قازاقستان قوعامىمەن بىتە قايناسىپ كەتكەن مەن ەل ومىرىندەگى ساياسي جانە الەۋمەتتىك سەرپىلىستەر تۋرالى جاقسى بىلەمىن. سونداي-اق تۇڭعىش پرەزيدەنتتىڭ باستاماسىمەن جۇزەگە اسىرىلىپ جاتقان رەفورمالارعا ەرەكشە نازار اۋدارىپ جۇرەمىن. قازاقستان پرەزيدەنتى جىل سايىنعى جولداۋلارىن, ءوز حالقىنا ارناعان ۇندەۋلەرىن جاريالاعاندا, ءوز ستراتەگيالارىن جانە باعدارلامالارىن ناقتىلاعاندا ەلدىڭ قوعامدىق ومىرىندەگى جاڭا وقيعالاردى جانە الەمدىك ساياسي-ەكونوميكالىق ۇدەرىستەردى ەسكەرەتىنىن ءتۇسىندىم.
نۇرسۇلتان نازارباەۆتىڭ حالىقارالىق كەڭىستىككە ينتەگراتسيالانعان ەكونوميكالىق قۋاتتى مەملەكەت رەتىندەگى قازاقستاننىڭ كەلەشەگى تۋرالى ويى – قازاقستاندىق قوعامنىڭ دامۋ ستراتەگياسىنىڭ ماڭىزدى فاكتورى.
ءاربىر ەلدىڭ ەكونوميكاسىنىڭ ءساتتى دامۋى ءبىلىم مەن عىلىمعا قانشالىقتى كوڭىل بولىنەتىنىنە تىعىز بايلانىستى. وسى ورايدا پرەزيدەنت جوعارى وقۋ ورىندارىن ينتەگراتسيالاۋ ساياساتىن جۇرگىزۋدى, ساپالى ءبىلىم بەرەتىن نارىققا شىعۋدى تاپسىردى. ن.نازارباەۆتىڭ ايتۋىنشا, جوعارى ءبىلىم بەرۋ جۇيەسىندە ساپانى جاقسارتۋ قاجەت. ولاردىڭ جۇمىسىنىڭ كورسەتكىشتەرى تۇلەكتەرىنىڭ جۇمىسپەن قامتىلۋى, جالاقىسى جوعارى جۇمىسقا ورنالاسۋى دەڭگەيىمەن ولشەنەدى. تەوريالىق, اناليتيكالىق ءبىلىمدى تاجىريبەلىك داعدىمەن ۇشتاستىرۋ, عىلىمي تەوريا مەن پراكتيكانى تىعىز بايلانىستىرۋدى قامتاماسىز ەتۋ – ءبىلىم بەرۋ باعدارلامالارىنىڭ باسىمدىقتارى بولۋى ءتيىس.
تالال اۆۆاد,
داماسك ۋنيۆەرسيتەتى ينجەنەر-قۇرىلىس فاكۋلتەتى ينجەنەرلىك گەوتەحنيكا كافەدراسىنىڭ پروفەسسورى, دوكتور (PhD) (سيريا)
