قازاقستان • 12 قاراشا، 2018

اۋستريانىڭ سانكت-پيولتەن قالاسىندا قازاقستاننىڭ قۇرمەتتى كونسۋلدىعى اشىلدى

180 رەتكورسەتىلدى

قازاقستان رەسپۋبليكاسى مەن اۋستريا رەسپۋبليكاسىنىڭ اراسىندا وڭىرارالىق بايلانىس ورناتۋ جانە قارىم قاتىناستى ودان ارى دامىتۋ ماقساتىندا تومەنگى اۋستريا فەدەرالدى جەرىنىڭ اكىمشىلىك ورتالىعى– سانكت-پيولتەن قالاسىندا قازاقستان رەسپۋبليكاسىنىڭ قۇرمەتتى كونسۋلدىعىنىڭ سالتاناتتى اشىلۋ ءراسىمى ءوتتى، دەپ حابارلايدى ءسىم ءباسپاسوز قىزمەتى.

جيىنعا ءوڭىردىڭ بيلىك، ىسكەر جانە مادەني توپتاردىڭ، كونسۋلدىق كورپۋس جانە بۇقارالىق اقپارات قۇرالدارىنىڭ وكىلدەرى قاتىستى. قازاقستان رەسپۋبليكاسىنىڭ اۋستريا رەسپۋبليكاسىنداعى ەلشىسى قايرات سارىباي ءوز سوزىندە قۇرمەتتى كونسۋلدىقتىڭ اشىلۋى ەكىجاقتى قارىم-قاتىناستاردىڭ ودان ءارى دامۋىنا سەپتىگىن تيگىزەتىنىن اتاپ ءوتتى.

قازاقستان تاراپى ەلىمىز ەكونوميكاسىنىڭ ديۆەرسيفيكاتسياسى اياسىندا تومەنگى اۋستريامەن ىقپالداستىقتى تەرەڭدەتۋگە مۇددەلىگىن تانىتا وتىرىپ، بۇل ءوڭىر ءوزىنىڭ اعاش وڭدەۋ، مۇناي - گاز، توقىما، تاماق ونەركاسىبى جانە جاڭارمالى ەنەرگيا كوزدەرىن قولدانۋىمەن تانىمال بولىپ وتىرعانى تۋرالى ايتىلدى. وسىعان وراي، ەلشى اۋستريالىق تاراپتى ءوزارا ىقپالداستىقتىڭ ءارتۇرلى سالالارىنداعى الەۋەتتى بارىنشا بەلسەندى دامىتۋعا شاقىردى.

سونداي-اق ق.سارىباي جاڭا قۇرمەتتى كونسۋل الەكساندر كيسسكە قر كونسۋلدىق پاتەنتى پەن قازاقستان رەسپۋبليكاسىنىڭ تۋىن تابىس ەتە وتىرىپ، قازاقستان-اۋستريالىق ىنتىماقتاستىقتى كەڭەيتۋ جولىندا ساتتىلىك تىلەدى.

اۋستريانىڭ «ÖWD Wachdienst security GmbH & Co KG» كومپانياسىنىڭ ديرەكتورى الەكساندر كيسس تومەنگى اۋستريا فەدەرالدى جەرىندە قازاقستاننىڭ مۇددەسىن قورعاۋ بويىنشا جوعارى سەنىم ارتقانى ءۇشىن العىس ءبىلدىرىپ، ەكى ەل يگىلىگى ءۇشىن ءوزىنىڭ تاجىريبەسى مەن ءبىلىمىن جۇمسايتىنىن اتاپ ءوتتى.

سونىمەن قاتار قۇرمەتتى كونسۋلدىقتىڭ اشىلۋىنا وراي قر اۋسترياداعى ەلشىلىگى تاراپىنان جۇرگىزىلىپ جاتقان «قازاق ىنجۋلەرى – ۇلى دالا cارىنى» جوباسى شەڭبەرىندە جاس مۋزىكانتتار ءاليا اقبەرگەنوۆا مەن نيكولاي ورينينسكيدىڭ قاتىسۋىمەن كونتسەرت ۇيىمداستىرىلدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار