بۇگىن ورتالىق كوممۋنيكاتسيالار قىزمەتىندە اتىراۋ وبلىسىنىڭ اكىمى نۇرلان نوعاەۆتىڭ قاتىسۋىمەن ءباسپاسوز كونفەرەنتسياسى ءوتتى. ءوڭىر باسشىسى «مەملەكەت باسشىسىنىڭ جولداۋىن ىسكە اسىرۋ اياسىندا 2018 جىلدىڭ 9 ايىنداعى اتىراۋ وبلىسىنىڭ الەۋمەتتىك-ەكونوميكالىق دامۋ قورىتىندىلارى» تاقىرىبىندا ءسوز سويلەدى.
اتاپ ايتقاندا, نۇرلان نوعاەۆ جاڭا جۇمىس ورىندارىن اشۋ ماسەلەلەرىنە جانە مەملەكەتتىك باعدارلامالارعا قاتىسۋعا تارتۋ شارالارىنا توقتالدى.
- اتىراۋ وبلىسىنداعى جۇمىسسىزدىق دەڭگەيى بيىلعى جىلدىڭ ەكىنشى توقسانىندا 4,9% - دى قۇرادى. جالپى 26 494 جاڭا جۇمىس ورنى قۇرىلدى, ونىڭ ىشىندە 16 246 – تۇراقتى جانە 10 248 - ۋاقىتشا. جۇمىسپەن قامتۋ ورتالىعىمەن 16 666 ادام جۇمىسقا ورنالاستىرىلدى, قوعامدىق جۇمىستارعا 4 956 ادام جىبەرىلدى, 411 ادام كاسىپتىك دايارلىقتان ءوتتى.
- مەملەكەت باسشىسىنىڭ جولداۋىن ىسكە اسىرۋ اياسىندا وڭىردە حالىقتىڭ ءال-اۋقاتىن ارتتىرۋ بويىنشا جۇمىستار جۇرگىزىلۋدە. 2019 جىلدىڭ 1 قاڭتارىنان باستاپ 1720 كاسىپورىندا 42 مىڭ تەڭگە جالاقى الاتىن 10 415 ادامنىڭ جالاقىسى ۇلعايتىلادى. قازىرگى ۋاقىتتا ءوڭىردىڭ 21 كاسىپورنىندا قىزمەتكەرلەردىڭ جالاقىسىن ارتتىرۋ شارالارى جۇرگىزىلۋدە. بۇل كاسىپورىنداردا جالپى العاندا 2 587 ادام جۇمىس ىستەيدى, - دەپ ناقتىلادى نۇرلان نوعاەۆ.
سونىمەن قاتار, «بيزنەستىڭ جول كارتاسى-2020» مەملەكەتتىك باعدارلاماسى اياسىندا 1166 كاسىپكەر 81,4 ملرد.تەڭگەگە مەملەكەتتىك قارجىلىق قولداۋ شارالارىمەن قامتاماسىز ەتىلدى. قارجىلاندىرۋ 5778 جاڭا جۇمىس ورنىن اشۋعا مۇمكىندىك بەردى, بۇل رەتتە 15 970 جۇمىس ورنى ساقتالىپ قالدى.
