ادىمەن قوستاناي قالاسىنداعى ورتالىق ستاديوندا «توبىلدىڭ» «قىزىل جار» كومانداسىمەن كەزدەسۋى ءوتتى. ارينە, اۋا رايى فۋتبولشىلاردى دا, جانكۇيەرلەردى دە ەرتكەلەتە قويعان جوق. ولار قارا كۇزدىڭ قاقاعان سۋىعىندا كەزەكتى كەزدەسۋىن وتكىزدى, جانكۇيەرلەر فۋتبول قىزىعىن تاماشالادى. «توبىل» قىزىلجارلىقتاردىڭ قاقپاسىنا ءۇش دوپ سالىپ, توڭىپ وتىرعان جانكۇيەرەلەرىن «جىلىتىپ» جىبەرگەندەي بولدى. ايتپاقشى ءۇشىنشى دوپتى كوماندا كاپيتانى, ەلىمىزگە بەلگىلى فۋتبولشى نۇربول جۇماسقاليەۆ سالدى. بۇل نۇربولدىڭ بيىلعى عانا ەمەس, جالپى ءوزىنىڭ فۋتبول مانسابىنداعى سوڭعى جەڭىس دوبى بولىپ سانالادى. ول مانسابىن بۇگىنگى ويىنمەن اياقتادى.
«توبىلعا» ارنالعان سالتاناتتا وبلىس اكىمى ارحيمەد مۇحامبەتوۆ فۋتبولشىلار مەن جانكۇيەرلەردى بيىلعى جەڭىسىمەن قۇتتىقتادى.
«بۇل كوپتەن كۇتكەن قۋانىش ەدى. ول ۇلكەن ەڭبەكتىڭ ارقاسىندا مۇمكىن بولدى. الدىمەن فۋتبولشىلارعا راحمەت ايتامىن, سوسىن بۇرىنعى, بۇگىنگى جاتتىقتىرۋشىلارعا, قازىرگى باس جاتتىقتىرۋشى مارەك زۋباعا العىسىم شەكسىز. ولاردىڭ تىنىمسىز ەڭبەگىنىڭ, ءۇش ايعى جاتتىعۋدىڭ, ۇزاق ۇشۋ ساپارلارىنىڭ قايتارىمى بولدى. اكىمشىلىك تاراپىنان دا فۋتبولعا جاساپ وتىرعان جاعدايدى جانكۇيەرلەر كورىپ وتىر. وسىدان بىرنەشە جىل بۇرىن ستاديون كۇتىمسىز, ستاندارتقا ساي كەلمەيتىن. فۋتبولشىلار تۇراتىن ورىن دا جاقسارتۋدى تالاپ ەتەتىن. ينفراقۇرىلىمسىز ەشقانداي تابىسقا جەتۋ مۇمكىن ەمەس. سوندىقتان ءبىز العاشقى جىلدان-اق قارجىنى ينفراقۇرىلىمدى جاقسارتۋعا جۇمسادىق, ءبارىن ورنىنا كەلتىردىك. بۇگىن ورتالىق ستاديون تولىق جوندەۋدەن وتكىزىلدى, ۋەفا-نىڭ بارلىق ستاندارتتارىنا ساي كەلەدى. زاتوبول كەنتىندەگى, ارقالىق, رۋدنىي قالالارىنداعى ستاديوندار جاڭا تالاپپەن قالىپقا كەلتىرىلدى. رۋدنىي قالاسىندا تۇتاس سپورت كەشەنىنىنىڭ قۇرىلىسى ءجۇرىپ جاتىر, وندا دا فۋتبول الاڭدارى بار. فۋتبول اكادەمياسى جاسالدى. وسىنداي جۇمىستار جالعاسىپ جاتىر» دەدى ارحيمەد بەگەجان ۇلى.
قازاقستان فۋتبولىنىڭ اڭىزى, بۇگىنگى قازاقستان فۋتبول فەدەراتسياسىنىڭ پرەزيدەنتى سەيدىلدا بايشاقوۆ «توبىل» كومانداسىنىڭ مۇشەلەرىنە قولا مەدال تاپسىردى. سالتاناتتا كوماندا كاپيتانى, اتاقتى فۋتبولشى نۇربول جۇماسقاليەۆ جانكۇيەرلەرى مەن ارىپتەستەرىن كوماندا جەڭىسىمەن قۇتتىقتادى, سونىمەن قاتار ءوزىنىڭ فۋتبول مانسابىن اياقتاعانىن حابارلادى.
فۋتبول سالتاناتى ەسترادا جۇلدىزدارىنىڭ انىمەن ورنەكتەلدى.
ءنازيرا جارىمبەت,
«ەگەمەن قازقستان»
قوستاناي
