وقيعا بولعان جەردە وبلىستىق تجد جانە ء«ورت ءسوندىرۋشى» اق قىزمەتكەرلەرىنىڭ كۇشىمەن جانعان وت ءسوندىرىلىپ, گاز قۇبىرىن سالقىنداتۋ جۇمىستارى جۇرگىزىلدى. بۇل جۇمىستارعا 34 ادام جانە 8 بىرلىك تەحنيكا جۇمىلدىرىلعان.
الدىن الا مالىمەتتەرگە قاراعاندا, وقيعا سالدارىنان زارداپ شەككەندەر جوق.
«كونۆەرتورلىق تسەx پەن اكتاستى كۇيدىرۋ تسەxىنىڭ اراسىنداعى قۇبىر بۇزىلعان. قىزمەتكەرلەردىڭ قاۋىپسىزدىگىن قامتاماسىز ەتۋ بويىنشا شارالار قولعا الىنعان. جاعدايدى باعالاپ جاتىرمىز. كومبيناتتىڭ جۇمىسىن قامتاماسىز ەتۋ ءۇشىن قاجەتتى قادامدار جاسالۋدا», دەپ مالىمدەدى «ارسەلورميتتال تەمىرتاۋ» اق ءباسپاسوز قىزمەتى.
ينۆەستيتسيالار جانە دامۋ مينيسترلىگىنىڭ رەسمي اقپاراتىنا ساي, قازىرگى ۋاقىتتا تەمىرتاۋداعى مەتاللۋرگيالىق كومبيناتتا ورىن العان اپاتتى جاعدايدى زەرتتەۋ بويىنشا كوميسسيا قۇرىلعان.
قايرات ءابىلدا,
«ەگەمەن قازاقستان»
قاراعاندى وبلىسى,تەمىرتاۋ قالاسى
