– وسى ايدا قولىما 42 700 تەڭگە الامىن. بەرگەندى كىم جەك كورسىن, كادىمگىدەي قۋاندىم. قازىر مۇنىڭ ءوزى بىرەۋلەر ءۇشىن اسا كوپ قارجى ەمەس شىعار, بىراق مەن ءۇشىن بۇل از ەمەس. قازىر كوممۋنالدىق تولەمدەردەن باستاپ, داستارقانداعى ازىقتىڭ ءبارى ساتۋلى عوي. قوسىلعان اقشا سونىڭ ءبىرىن وتەيدى. بەرەكەسىن بەرسىن. ەلباسىنا راحمەت! ەلدىڭ جاعدايى تۇزەلىپ كەلەدى, ال «ەلدە بولسا, ەرىنگە تيەدى» دەگەن وسى, – دەدى د.ەرجانوۆ.
بۇل ەلەۆاتور كەڭەس وداعى كەزىنەن قالعان, 90-جىلدارى ەشكىمگە كەرەك ەمەس بولعان نىسان ەدى. سونى «ەلەۆاتور اگروفۋد» كاسىپورنى قولدان كەلگەنشە قالپىنا كەلتىرىپ, قازىر تورعاي وڭىرىندە وسەتىن از بولسا دا ساز, قامىرلىلىعى 30-دان اينالاتىن ساپالى بيدايدى ساقتاپ, ساتىپ وتىر.
– ءبىزدىڭ تورعاي ءوڭىرىنىڭ بيدايىنا ءبىر جاعى قىتاي, ءبىر جاعى ارابتار, قاسىمىزداعى رەسەي قىزىعۋشىلىق تانىتادى. تاياۋ ۋاقىتتا تاۋلىگىنە 70 توننا ۇن تارتاتىن گەرمانيالىق قۋاتى مىقتى ديىرمەن قويامىز, سوندا تاعى دا 10-15 ادامعا جۇمىس بەرەمىز. جالاقىنى تاعى كوبەيتۋگە دە جاعدايىمىز كەلىپ قالار دەپ ويلاپ وتىرمىز. بۇگىندە ەلەۆاتوردا 22 ادام جۇمىس ىستەيدى. سونىڭ اراسىنان ايىنا 32-33 مىڭ تەڭگە الاتىن 5-6 ادامعا جالاقىنى كوبەيتتىك. بۇل تەك نەگىزگى جالاقى عانا. اۋىل شارۋاشىلىعىنداعى جۇمىس ۋاقىتپەن ساناسا بەرمەيدى عوي, كەيدە قوسىمشا جۇمىستاردى اتقارۋ كەرەك بولعاندا ساعاتىنا تاعى دا ۇستەمە تولەنەدى, – دەيدى ەلەۆاتوردىڭ اتقارۋشى ديرەكتورى قۇرمان ابدراحمان.
«ەلەۆاتور اگروفۋد» جاۋاپكەرشىلىگى شەكتەۋلى سەرىكتەستىگى قاتتى بيدايدى ساپالى ساقتاۋدى, وڭدەۋدى ودان ءارى دامىتۋعا بەت العان. قازىر يرانعا س ۇلى ارتۋ ءۇشىن ونى تازالاپ, سۇرىپتاپ جاتىر.
– ەلباسى تاپسىرماسى مۇلتىكسىز ورىندالادى. ەكونوميكانى دامىتپاساق, ەلگە پايدامىز تيمەسە نەگە ءجۇرمىز؟ بۇل ءار كاسىپكەردىڭ پارىزى بولۋى ءتيىس, – دەيدى قۇرمان تۇرعان ۇلى. ىسىنە تياناقتى كاسىپكەر سوزىنە دە بەرىك.
ءنازيرا جارىمبەت,
«ەگەمەن قازاقستان»
ارقالىق
