كۇن تارتىبىنە پارتيانىڭ باعدارلامالىق پلاتفورماسىن جۇزەگە اسىرۋدا باستاۋىش ۇيىمداردىڭ ءرولىن نىعايتۋ, جاستار ساياساتىن ودان ءارى جەتىلدىرۋ ماسەلەلەرى ۇسىنىلىپ, بىرقاتار مىندەت بەلگىلەندى.
فيليال توراعاسىنىڭ ءبىرىنشى ورىنباسارى ارتۋر مولداعۇلوۆ «نۇرلى جول», «نۇرلى جەر», باسقا دا اۋقىمدى جوبالار مەن الەۋمەتتىك باستامالاردى ورىنداۋدا 40 مىڭعا جۋىق تەرىسكەيلىكتى بىرىكتىرەتىن پارتيا مۇشەلەرى مەن باستاۋىش ۇيىمداردىڭ بەلسەندىلىگىنە, ۇيىمداستىرۋ شارالارىنا توقتالدى. جىل باسىنان بەرى جەتى مىڭعا جۋىق ارىز-شاعىم قارالىپ, ۇشتەن ءبىرى شەشىمىن تاپقان. ءتۇرلى رەيدتەر مەن قوعامدىق قابىلداۋلار بارىسىندا انىقتالعان كەمشىلىكتەردەن ناقتى قورىتىندى شىعارىلىپ, حالىق تابىسىنىڭ ءوسۋى, تۇرمىس ساپاسىن ارتتىرۋ جايلارىنا ەرەكشە ءمان بەرىلگەن. بالالاردى ساندىق تەحنولوگيالاردى مەڭگەرۋگە باۋليتىن 11 IT سىنىپ جۇمىس ىستەيدى. «جاس وتان» جاستار قاناتى 10 مىڭنان استام بوزبالا مەن بويجەتكەندى بىرىكتىرەدى. «English for zhastar» جوباسى اۋىلدىق جەرلەردە دە جۇزەگە اسىرىلا باستادى. رۋحاني جاڭعىرۋ, سالاماتتى ۇلت, يننوۆاتسيا, تسيفرلاندىرۋ, ءبىلىم, عىلىم سالالارى بويىنشا دا بىرقىدىرۋ ءىس اتقارىلعان.
ال يليا تەرەنچەنكو ايماقتا قۇرىلىس كەڭىنەن قانات جايعانىن, 136 ميلليارد تەڭگە ينۆەستيتسيا قۇيىلعانىن وڭ نىشان رەتىندە باعالاپ, جولداۋ مىندەتتەرىن جۇرتشىلىققا كەڭىنەن ءتۇسىندىرۋ قاجەتتىگىن اتاپ ءوتتى.
ساياسي ۇيىمىنىڭ وبلىستىق جەتەكشىسى ق.اقساقالوۆ 2016 جىلى قابىلدانعان پارتيانىڭ سايلاۋالدى باعدارلاماسىندا بەلگىلەنگەن شەشىمدەردىڭ ورىندالۋىنا ەكپىن ءتۇسىرىپ, بىرقاتار مىندەت جۇكتەدى. مەملەكەت ساياساتىن شاعىن ۇجىمدار مەن شالعاي اۋىلدارعا دەيىن جەتكىزۋ باستى باعدار بولۋى ءتيىس, دەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
