فورۋمدى قر اقپارات جانە كوممۋنيكاتسيالار ءمينيسترى داۋرەن اباەۆ اشتى. العى سوزىندە مينيستر:
«فورۋمعا 2500 مىڭنان استام قاتىسۋشى كەلىپ وتىر. سونداي-اق, الەمنىڭ الدىڭعى قاتارلى كومپانيالارى مەن ۇيىمدارىنىڭ 200 جەتەكشىسى, مىڭداعان ينۆەستور مەن ءتۇرلى ستارتاپ جوبا اۆتورلارى بار. وسىلايشا العا قويعان ماقساتىمىزدىڭ جۇزەگە اسۋىنا داڭعىل جول اشىلدى. ويتكەنى جوبانىڭ باستى يدەياسى – تىڭ يدەيالاردان قۋات الىپ ءوزارا تاجىريبە الماسۋ, ازيا مەن ەۋروپا تەحنولوگيالىق ورتالىقتارىنىڭ اراسىندا التىن كوپىر بولۋ», - دەدى.
سونىمەن قاتار, اقپارات جانە كوممۋنيكاتسيالار ءمينيسترى قازاقستاندا جۇزەگە اسىرىلىپ وتىرعان يننوۆاتسيالىق تەحنولوگيالار تۋرالى ايتتى.
«ەلىمىزدە وزدەرىڭىز كورىپ وتىرعانداي بۇگىن يننوۆاتسيالىق جۇيەلەر ىسكە قوسىلۋدا. ەرتەڭ پرەزيدەنت حالىقارالىق استانا تەحنوپاركىن اشىلۋىن مالىمدەيدى جانە بۇل قازىرگى زامانداعى قازاقستاننىڭ تەحنولوگيالىق دامۋىنداعى جاڭا كۇنگە اينالماق. ءبىز ۇلى جىبەك جولىنىڭ مۇراگەرلەرى رەتىندە ازيا مەن ەۋروپا اراسىندا تسيفرلىق كوپىر بولعىمىز كەلەدى. قاتىسقاندارىڭىز ءۇشىن تاعى دا العىسىمدى ايتامىن. تابىستى جۇمىس پەن قىزىقتى تالقىلاۋ تىلەيمىن», - دەپ ءسوزىن تۇيىندەدى.
فورۋمعا حالىقارالىق ءىت-قوعامداستىعىنىڭ نەىگزى وكىلدەرى, تەحنولوگياسالاسىنداعى تانىلعان ساراپشىلار, كاسىپورىن باسشىلارى, تەحنولوگيالىقكاسىپكەرلەر, باسقا دا ەلدەردىڭ مەملەكەتتىك سەكتورلارىنىڭ وكىلدەرى, عالىمدار, تسيفرلىق ازىرلەمەلەر سالاسىنىڭ كاسىپقويلارى, سونىمەن قاتار ۆەنچۋرلىق كاپيتاليستەر مەن ينۆەستورلار قاتىسۋدا.
Digital Bridge الاڭىندا 50-دەن اسا قازاقستاندىق جانە حالىقارالىق سپيكەرلەر شاقىرتىلعان, ولاردىڭ ىشىندە: Startup Genome باس ديرەكتورى جان-فرانسۋا گوتە; CEO Hyperloop Transportation ديرك البورن; ستارتاپ اكادەمياسىنىڭ مەنتورى جانە كەڭەسشى, ستارتاپ تاقىرىبى بويىنشا ساتىلىمعا ەڭ كوپ شىققان كىتاپتىڭ اۆتورى بوب دورف; گالاكتيكا جەكە مەنشىك عارىش كومپانياسىنىڭ نەگىزىن قالاۋشى جانە يەسى اليا پروكوفەۆا; Priceline Group قوسا نەگىزىن قالاۋشى دجەفف حوففمان; ۆەنچۋرلىق كاپيتالدىڭ حالىقارالىق فيرماسى Global Catalyst Partners توراعاسى جانە تەڭ مەردىگەرى كامران ەلاحيان بار.
فورۋم اياسىندا تسيفرلاندىرۋ سالاسىنداعى ەڭ العاشقى Digital Bridge Awards جۇلدەسى مەن Astana Hub Battle جەڭىمپازدارىنىڭ ماراپاتتاۋى وتەدى.
سۆەتلانا كۋجاكۋلوۆا,
«ەگەمەن قازاقستان»
