ەلباسىنىڭ ءساتتى جۇزەگە اسىرىلىپ كەلە جاتقان ساليقالى ساياساتىنىڭ ارقاسىندا بارشا قازاقستاندىقتار, سونىڭ ىشىندە جانىبەك اۋدانى تۇرعىندارى دا بولاشاققا نىق سەنىممەن قادام باسىپ, كەلەشەگىنە زور ۇمىتپەن قاراپ كەلەدى. وعان دالەل پرەزيدەنت قابىلداعان «نۇرلى جەر», «نۇرلى جول» سىندى كەشەندى باعدارلامالار مەن جىل سايىن قازاقستاندىقتارعا ارنايتىن جولداۋىنداعى ناقتى تاپسىرمالارىنىڭ ورىندالۋى.
جول – ەكونوميكالىق قالىپتى دامۋدىڭ نەگىزگى فاكتورلارىنىڭ ءبىرى ەكەندىگى بەلگىلى. بۇل تۇرعىدا, مەملەكەت باسشىسى ن.ءا.نازارباەۆتىڭ بيىل وڭىرىمىزگە جاساعان ساپارىنىڭ بارىسىندا وبلىس ورتالىعىنان شالعاي ورنالاسقان بوكەي ورداسى, جانىبەك اۋداندارىنا اۆتوموبيل جولىن سالۋ بويىنشا ۇكىمەتكە بەرگەن تاپسىرماسىن اۋدان جۇرتشىلىعى زور قۋانىشپەن قابىل الدى. دانا حالقىمىزدىڭ ناقىل ءسوزى «جول ازابىن جۇرگەن بىلەر» دەمەكشى, اتالمىش جولدىڭ سالىنۋى اۋداننىڭ, قالا بەردى استانادان شالعايدا جاتقان باتىس قازاقستان وبلىسىنىڭ تۇرمىسى مەن تىنىس-تىرشىلىگىنىڭ, ءتۋريزمىنىڭ دامۋىنا زور سەپتىگىن تيگىزەرى حاق. قازىرگى تاڭدا ەلباسىنىڭ بۇل تاپسىرماسىن جۇيەلى تۇردە ىسكە اسىرۋ ماقساتىنداعى جۇمىستاردىڭ باستاۋ العاندىعىنا كۋا بولىپ, جاقىن ارادا تىرشىلىك كوزىنىڭ ءبىرى سانالاتىن جول قۇرىلىسىنىڭ اياقتالىپ, ەل يگىلىگىنە تاپسىرىلاتىندىعىنا اۋدان حالقىنىڭ سەنىمى مول.
مەملەكەت باسشىسىنىڭ بيىل 5 قازانداعى قازاقستان حالقىنا ارناعان «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا حالىقتىڭ الەۋمەتتىك جاعدايى مەن تۇرمىس ساپاسىن ارتتىرۋدى باسىمدىققا الا وتىرىپ, ءاربىر قازاقستاندىقتىڭ ەلىمىزدە جۇرگىزىلىپ جاتقان رەفورمالاردىڭ ءمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە ءتۇسىنۋ قاجەتتىگىنە توقتالدى. بۇل باستامالاردى بارشا جانىبەكتىكتەر دە قولداپ, قۋاتتايدى.
سونىمەن قاتار وسى جولداۋدا ناقتىلاپ اتاپ وتكەندەي, حالىقتىڭ الاڭسىز ءارى قولايلى جاعدايدا ءومىر ءسۇرىپ, جۇمىس جاساۋىنا جاعداي تۋعىزۋ سىندى تاپسىرما دا اۋدانىمىزدا رەتىمەن ىسكە اسىرىلۋدا. «نۇرلى جەر» كەشەندى باعدارلاماسى اياسىندا وتكەن جىلى 24 وتباسىنا جاڭادان سالىنعان تۇرعىن ءۇي كىلتى تابىستالسا, بيىل 80 وتباسىنا ارنالعان تۇرعىن ءۇي قۇرىلىسىنىڭ جۇمىسى اياقتالدى. ءتىپتى دۇركىرەپ تۇرعان كەڭەستىك كەزەڭدە ءبىر جىلدىڭ ىشىندە ءدال وسىنداي قۇرىلىس قارقىنى بولعان ەمەس.
«وڭىرلەردى دامىتۋ» باعدارلاماسى اياسىندا بيىل اقوبا, تالوۆ اۋىلدارىنا تازا اۋىز سۋ تارتۋ جۇمىسى جۇرگىزىلىپ, ناتيجەسىندە اۋدان كولەمىندەگى بارلىق وكرۋگ ورتالىقتارىنداعى تۇرعىندار تازا اۋىز سۋمەن قامتىلىپ وتىر. سونداي-اق بيىل ونەگە, مايتۇبەك, جۇماەۆ ەلدى مەكەندەرىن گازداندىرۋ جۇمىسى جۇزەگە اسىپ, اۋدانىمىزدىڭ بارلىق ەلدى مەكەنى تولىقتاي كوگىلدىر وتىنمەن قامتىلماق.
مۇنداي ىلكىمدى ىستەردىڭ جۇيەلى تۇردە اتقارىلىپ, شالعايداعى اۋىلدار مەن ەلدى مەكەندەرگە بار جاعداي جاسالۋى – ەلباسىنىڭ ءاربىر ەلدىمەكەننىڭ جاعدايىن جاقسارتۋعا باعىتتالعان الەۋمەتتىك ساياساتىنىڭ ناتيجەسى دەپ تۇسىنەمىز.
بيىلعى جولداۋدىڭ تاعى ءبىر ەرەكشەلىگى – پەداگوگتاردىڭ مارتەبەسىن ارتتىرۋ ماقساتىندا ارنايى «پەداگوگ مارتەبەسى تۋرالى» زاڭدى ازىرلەۋگە تاپسىرما بەرگەنى. بۇل قۇجات سانالى تاربيە مەن ساپالى ءبىلىمدى ۇرپاقتار بويىنا سىڭدىرەتىن ۇستازدار قاۋىمىنا ەرەكشە كوڭىل ءبولۋدىڭ, دارەجەسىن ارتتىرۋدىڭ, قۇرمەت پەن قامقورلىقتىڭ كەپىلى بولاتىن قۇجات دەپ ەسەپتەيمىز.
وسى جولداۋداعى ەڭ تومەنگى جالاقىنى 1,5 ەسەگە كوبەيتۋ, 5 جىل ىشىندە ءبىلىم, عىلىم, دەنساۋلىق ساقتاۋ سالالارىنا بارلىق كوزدەردەن جۇمسالاتىن قاراجاتتى ءىجو-ءنىڭ 10%-عا دەيىن جەتكىزۋ, اۋىلدىق جەرلەردە العاشقى مەديتسينالىق-سانيتارلىق كومەكتىڭ قولجەتىمدى بولۋىن قامتاماسىز ەتۋ, «بيزنەستىڭ جول كارتاسى – 2020» باعدارلاماسىنىڭ قولدانىلۋ مەرزىمىن 2025 جىلعا دەيىن ۇزارتۋ سىندى ناقتى تاپسىرمالار ەل تۇرعىندارىنىڭ ءال-اۋقاتى جاقسارۋىنا الىپ كەلەتىندىگى ءسوزسىز.
سونىمەن قاتار قازىرگى تاڭدا ەل ەكونوميكاسىن دامىتۋداعى رەفورمالاردىڭ تابىستى ىسكە اسىرىلۋىنا جاستارىمىز, جالپى قوعام تۇتاستاي جۇمىلا وتىرىپ, ايانباي ەڭبەك ەتۋدە. ەلباسى ۇنەمى زور سەنىممەن قارايتىن ەل جاستارىنىڭ قۋانىشى – كەلەر جىلدىڭ «جاستار جىلى» دەپ جاريالانۋى دەسەك, ارقاشان مەملەكەتتىڭ قولداۋىن سەزىنۋشى جالىندى جاستارىمىزعا بۇل جىل جاڭا سەرپىن مەن تىڭ جىگەر سىيلايتىن كەزەڭ بولماق.
ەگەمەن ەلىنىڭ ىدىراماس ىنتىماعى مەن تۋعان حالقىنىڭ الەۋمەتتىك جاعدايىن, تۇرمىس ساپاسىن ارتتىرۋدى باستى ماقسات تۇتقان ەلباسىمىزداي تۇلعاعا جانىبەك اۋدانى جۇرتشىلىعى اتىنان شىنايى العىسىمىزدى بىلدىرە وتىرىپ, الەمنىڭ بارىنشا دامىعان 30 ەلىنىڭ قاتارىنا قوسىلۋ جونىندەگى ۇلى مۇراتتارعا جەتۋ ماقساتىنداعى باعا جەتپەس قاجىرلى ەڭبەگىنە تابىس تىلەيمىز!
قۇرمەتپەن,
جانىبەك اۋدانىنىڭ تۇرعىندارى
باتىس قازاقستان وبلىسى
