− ەلەكتروندى دەنساۋلىق تولقۇجاتىنىڭ كومەگىمەن دارىگەرلەر پاتسيەنتتىڭ دەنساۋلىق جاعدايى, سوزىلمالى اۋرۋلارى, پرەپاراتتاردى قابىلداۋ اللەرگياسى تۋرالى تولىق اقپاراتقا قول جەتكىزە الادى. كومەك كورسەتۋ جەرى مەن مەديتسينالىق ۇيىمداردا پايدالاناتىن اقپارات جۇيەسىنە قاراماستان ادام دەنساۋلىعى تۋرالى بارلىق ءتۇيىندى مالىمەتتەر ءبىر بازادا جينالادى. ناتيجەسىندە پاتسيەنتكە دارىگەرگە بارۋدى الدىن الا جوسپارلاۋ, ەلەكتروندىق جولدامالار مەن تالداۋ ناتيجەلەرىنىڭ ەسەبىنەن دارىگەرگە بارۋدىڭ سانىن ەكى ەسە قىسقارتۋ, دارىگەردىڭ پاتسيەنتتىڭ دەنساۋلىعى تۋرالى اقپاراتتى ءبىر جەرگە جيناقتاۋ جانە دارىگەرلەر مەن ورتاشا مەديتسينا پەرسونالىنىڭ ەڭبەگىن وڭتايلاندىرۋعا مۇمكىندىك بەرەدى, - دەدى ول.
ءباسپاسوز – كونفەرەنتسياسىندا وبلىستىق ونكولوگيا ورتالىعى ديرەكتورىنىڭ ورىنباسارى جاندوس ءادىلحان:
− جولداۋدا كورسەتىلگەندەي, وبلىستا ونكولوگيالىق قىزمەتتى جەتىلدىرۋ ماقساتىندا جۇيەلى جۇمىستار اتقارىلىپ جاتىر. قازىرگى تاڭدا قىزىلوردا قالاسىنىڭ سول جاعالاۋىندا سالىنۋعا جوسپارلانعان ونكولوگيالىق ءپروفيلدى كوپسالالى 300 توسەك ورىندىق اۋرۋحانانىڭ جوبالىق سمەتالىق قۇجاتتاماسىن ازىرلەۋگە 150,5 ملن. تەڭگە قارجى ءبولىنىپ, جىل سوڭىنا دەيىن جۇمىس جوباسىنا مەملەكەتتىك ساراپتاما قورىتىندىسى الىناتىن بولادى. وبلىستا ونكولوگيالىق اۋرۋلاردىڭ الدىن الۋ, ولاردى ەمدەۋدە كوپتەگەن تىڭ تاسىلدەر ەنگىزىلىپ وتىر. 2016 جىلى ونكولوگيالىق ورتالىقتا ءپاللياتيۆتتى كومەك كورسەتەتىن بولىمشە, 2018 جىلى دياگنوستيكالىق پالاتالار اشىلدى. دياگنوستيكالىق پالاتالار ارقىلى قىسقا ۋاقىتتا كۇماندى ونكولوگيالىق اۋرۋلاردى انىقتاۋعا قول جەتسە, ءپاللياتيۆتى كومەك ءىV ساتىداعى ونكولوگيالىق سىرقاتتاردىڭ تولىق ەم الۋىنا جاعداي تۋعىزدى.
سونىمەن قاتار, بيىل ايماق باسشىسىنىڭ قولداۋىمەن وبلىستىق ونكولوگيا ورتالىعى وڭتۇستىك كورەيا ەلىنىڭ جەتەكشى كلينيكالارىمەن مەموراندۋمعا وتىردى. جىل بويىنا وڭتۇستىك كورەيا ەلىنىڭ پروفەسسورلار مەن بىلىكتى دارىگەرلەرى, وبلىسىمىزعا كەلىپ, ناۋقاستاردى قاراپ, وتالار جاساسا, زەرتحانالىق تۇرعىدا دا تاجىريبە بولىسەدى, - دەيدى.
باقتيار تايجان,
«ەگەمەن قازاقستان»
قىزىلوردا وبلىسى
